👋 مرحبا سوال فضولي لا اكثر للبنات اللي بعدهن بالجامعة
هل تفكير اغلب البنات انه اول ما يتخرجن يروحن يشتغلن خصوصا لتخصصات بعيد عن طبية ؟ لان اللي اعرفه تعينهم مو مركزي وميكدرن يشتغلن بصيدليات، لو غالبية البنات يفكرن بالزواج اول ميتخرجن
لان احس هذه موضوع مختلف عند شباب اول ميتخرج يروح يلكه شغل وياجل الزواج ٥ سنوات من حياته بعد تعرفون بسبب الاوضاع
هلو اني اشتغل الصبح وارجع للبيت العصر واني صغير يعني عمري بال 20 هاي مو مشكلتي مشكلتي انه طاقتي حرفيا جاي تستنزف بحيث يجيني اكتئاب حاد وتعب وارهاق
اريد اوضح بس كم شغلة اني ما عندي رهاب اجتماعي اني ما اخاف من احجي وي شخص بس عندي مشاكل اني جاي اواجها
اول شي اللي هو ضعف الذاكرة يعني اني مسافر هواي بس ماعرف اوصف تجاربي او من شخص يحجي على دولة اني مسافرله اسلكله بس علمود يخلص حجي واني ماعرف شكله
ثاني مشكلة اعاني منها انه ما عندي تجارب بشغلات بحياتنا يومية يعني سيارات طوبة شغلات البيت تصليحات ترميم مستشفيات فناس من يحجون بيها يكون ما عندي رئي وبس اسلكلهم وهل شي يخلي ناس متحب تحجي وياي
احد يعرف حل لمشكلتي لان اني بنفسي عجزت عن هل شي
اني شخص مو اجتماعي بس احب انطي رئي وجاي اواجه صعوبة بهل شي
حرفيا الوضع صاير خربطة يعني هم مدخلين شي الف واحد للقناة مالهم واكو كروبات فرعية لكل الاقسام واكو اقسام دامجيهة سوة يعني ابو ال data analyst وي ابو ال it بنفس الكروب والكروب بيه ٤٠٠ واحد
مشكلة مو هنا مشكلة محد يعرف هو انقبل بل تطوع لو لا كل ما نسالهم يكولون لا بعدكم وخلونا ندز رسالة عامة بلكروب نكتب بيها كل تفاصيلنا بعدهة خلونا نملي استمارة بعدهة بدون اي سابق انذار كلولنا تعالوا يوم الثنين حتى نسويكم مجموعات ونفرزنكم على كيفنا وممكن منقبلكم
زين ادري والي هم من المحافظات ورايحين متعنين همين ترفضوهم زين ليش كل هل خربطة ما فكرتوا انه تقابلون واحد واحد على اساس الاجابات بل استمارة ؟ ما فكرتوا تسوون لقاء ميت ويانا اونلاين الاول؟ ادري احنا حيوانات هيج اسوون بينا
تنظيم فاشل بمعنى الكلمة واحس اكو استغلال حيصير بالموضوع اللي هو تعال اشتغل بلمعرض وكلشي متحصل بس شهادة مشاركة
مرحبا اني شخص عمري ٢٣ ومن وقت مبكر فقدت الشغف بالالعاب بعد ما التهيت بشغل وتعبتني هموم الحياة وفقدت هواي ناس بحياتي
من قبل فترة حملت BF1 جنت العبها واني صغير وجنت لاعب تقريبا 120 ساعة ومحترف بيها قبل فترة لعبتها لاحظت الايم عندي معدوم وناس بس يكتلوني بيها وحرفيا مجاي اتونس بيها
عاجبني اجرب العاب تريح النفسية ومتكون بيها اكشن او ناس تkتل ناس مجرد افتحها اكضي بيها وكت واسدها ارتاح من العبها ما انضغط او اتنرفز او اي شي هل احد عنده مثل هيج العاب؟ وياريت لو بس العاب على ال pc ما احب العاب التلفون
تعديل: ماريد العاب قتال او اكشن او شي يرفع الادرنالين اريد شي بسيط ترتاح نفسيتي عليه من العبه مثل stardew valley
اني اشتغل اهلي وعندي كرايب يشتغلون حكومي اذا ردت اشتري شقة بالاقساط هل يقبلوني اني ادفعها لو يحتاجون كفيل وشنو رئيكم بتقسيط الشقق السكنية ؟
هواي جاي اشوف اعلانات عليها ومحتار اشتريها او لا
سالت gpt عن هاي الليفة كلي اكو هواي شغلات خطاء من انها تقتل حبوب البشرة وتوحد اللون موجود هيج بموقعهم
بس كلي هي افضل من الليفة الاعتيادية كونها مصنوعة من سليكون وسيلكون ميمتص المي
سوالي للبنات والولد شنو الليفة اللي جاي تستعملوهة هسة وهل جاي تاثر على بشرتكم وكل شكد تغيروهة ؟
اني درست هندسة ٤ سنوات بس اني من قبل لا ادرسه جان اهتمامي بغير مجال حتى من تخرجت اشتغلت بهل مجال بعيد عن دراستي من بعد سنتين من تخرج صفنت وكلت ليش ما درست لغات او مثلا ادرس فلسفة او فلك او حتى فنون تخصصات تخلي الواحد يستلهم اعماله وينمي بيها افكاره هو اكيد بنهاية قرار الهندسة بذاك الوكت اجه من تفكير انه اني تعبت كل هل سنين وشون اختار تخصص كلش ناصي من معدلي واني اروح لتخصص علمود بيه كلمة هندسة او مثلا رحت للتخصص علمود تعيين واكيد الاهل جان الهم دور هنا بس ماعرف احس لو اقدم هسة بهذه الزمن حقدم على اساس قسم يعجبني اروحله مو قسم اني مهتمله
قبل شوي جنت بمول ب بغداد وجنت بطابق المطاعم حرفيا كل العمال الموجودين هناك هم من الاجانب لو مصريين لو سوريين
وقبل كم يوم جنت بالتعاون هايبر ماركت هم شفت ناس مصريين يشتغلون هناك
هل شي كلش يقهر لان اصلا العراقي ملاكي شغل مو نوب واحد اجنبي ياخذ شغله وبنص السعر ويشتغل 24 ساعة والمشكلة ماكو رقابة على هل شي ولا قانون يحاسبهم
مرحبا احد يعرف مطاعم تبيع اكل دايت باشتراك شهري هم يوصلولياه ؟ شكد سعر الاشتراك وهل احد مجرب قبل ؟
مرحبا مثل ما العنوان يكول اريد سيارة ميهم شكلها اني مراح اخطب بيها او اي شي اريدها اقتصادية وعطلاتها كلش قليلة تعيشني فترة 5 سنوات بعدين ابيعها
كون تفيدني اتعليم بيها سياقة كشخص مبتدئ واروح بيها لشغل بالحر او بشتا واني مرتاح
مليت اني من كعدت البيت يا هو الي اروحله علمود تعيين يرفضني وفوكاه يسوون وياي اكثر من مقابلة عود شوفنة شون ناس مهنيين، صارلي اكثر من سنة اقدم وكرهت روحي عندي اعمال وعندي تصاميم بس محد يكلبهن لو ينطيني فرصة حتى دورات داخل مليت وياريتني خلصان قبل كم سنة ولا ظايل بهل مذلة
مرحبا اني متعرض للتنمر من اني وصغير وبيئة اني ما انتميت الها طول حياتي الفترة الي عشتها بدون تنمر هي بس اول سنتين بلجامعة جانت يمكن احسن سنين عمري. تعرضت للتنمر بالمدرسة وبالشغل لدرجة هسة كل يوم جاي اتمرن بس علمود افرغ غضبي لا اكثر
مشكلتي انه ما عندي هدف بلحياة ابد ولا انجاز ابالي احققه ولا شي اطمح اسويه حتى فكرة تكوين العائلة شايلها من بالي
حرفيا كلشي اسويه بلا طعم ما احس اني جاي اتونس باي شي حتى السفر صار بلا طعم للاسف كرهت الناس والمجتمع وكلشي بيه من ورة البيئة الي جنت عايشها بحيث حتى الناس حسيتها جاي تتركني بسبب شخصيتي
سوالي اكو حل لحالتي احس حتى اذا اسافر وابدي حياة جديدة كلشي محيتغير ولحد يكلي شوف طبيب لان رحت ومفادني
قطع الاراضي الي صايرة باطراف بغداد هل تنصحوني انه اشتريهن على الرغم انه اني حاليا عايش وي اهلي ومو بالي فكرة الزواج والاستقرار بس عندي القدرة المالية انه اشتريهن
سرالي هل اكدر انه اشتري اكثر من قطعة كاع باسمي وابيعهن بل مستقبل لو هل شي مخاطرة والمناطق ما بيهن خدمات اصلا لان اني ابالي من يصعد سعرهن بعد ١٠ سنوات ابيعهن
مرحبا ماعرف اذا هذه الكروب مناسب او لا بس محتاج شخص خبير بالتغذية يكلي هل شي صحيح او لا
اني دائما تجيني حالة بعد ما اكعد الصبح واتريك انه تجيني حالة اكتئاب حادة كلش وضعف من بعد الريوك على الرغم اكلي صحي بس هو دسم شوي
يعني اتريك بيض و اجبان واشرب كهوة بالحليب وبعدة فترة من الاكتئاب يرجع الوضع طبيعي كلش
مرات حتى احس بالضعف وانخفاض بالتستيرون عندي من بعد اول وجبة
فالي مفكر بيه اكطع السكريات والدهون والكارب فترة لحد ما يتعدل عندي التستيرون
ملاحظات عني عمري ٢٣ وصارلي فترة تارك الجم
حياتي حرفيا بلا طعم احساس ال ونسة او الحب او غيرها صرت كلش قليل احس بيه
هواي من اهل واقاربي تركوني او توفوا وهل شي خلاني وحيد اكثر
اصلا من اني وصغير ما جنت العب وي اطفال او اتونس بسبب الحرب بس اني واهلي وهل شي خله عندي رهبة اجتماعية
حياتي احس ما بيهة هدف وفد يوم من الايام احس حنرفض من وضيفتي واوكع بحفرة ما اطلع منها ابد
اذيت هواي ناس بحياتي من دون قصد وتاذيت منهم اني جنت غلطان وياهم هواي وهل شي رجعني لنقطة الصفر اكثر من مرة وحسيت بكل مرة هاي اخر مرة اكمل بيها حياتي وهاي اني جاي احاجيكم من اخر شي غلط سويته 💔
Hello guys my phone just died yesterday and i couldn’t charge it. I’m currently searching for a place to repair it any suggestions?
اي احد موجود اسولف وياه على الخاص على اي موضوع الاكتئاب حيموتني