عايز نصيحة
انا مكمل في الجواز عشان بنتي، ٣ سنين و نص و روحي فيها، مش مبسوط مع مراتي، برجع من الشغل سعات شايل هم اني راجع البيت، انهاردة مثلا قالتلي و انا في الشغل انا لوحدي و حاسه بوحده و انت مش موجود و و و، مع اني راجل بحب العلاقة و بحب الاحضان و القرب و الرومانسيه مش راجل غبي، ممكن اكون سعات ببقي جاف شوية، سعات ببقي خلصان زي اي راجل مفشوخ في شغله، بس يوميا من ساعة لساعتين بقعد ببنتي عشان اريحها من الزن، كل كام يوم بجبلها شكلاته او حاجه بتحبها، بقولها كلام حلو و بمدح في شكلها، ببعتلها و انا في الشغل، انهاردة مثلا قالتلي ان نفسها في سوشي، طلبته من وراها عشان اعملها مفاجأة، و قلت نتغدي عادي و غدي خفيف و لما ييجي بعد ساعتين ناكله، خصوصا انه اكل خفيف يعني، لما جه بدري شوية قلبت الدنيا، بتقولي انها شبعانه و مش عايزه، و انها خلصت سعراتها عشان بتعمل دايت و اني قاصد ابوظلها الدايت، و ان كل حاجه بعملها ليها مشوهه و مش في مكانها، انا علي مدار ٦ سنين جواز و ٤ سنين خطوبة و قراية فتحه، بشوف نفسها في ايه و اعمله، بس انا حاسس ان عمري بيروح متنكد، انا بحس سعات اني نفسي اطلقها و اعيش لوحدي، او لو مكنتش خلفت كنت وش طلقتها من زمان، انا جايب اخر اخري في الحب و التعب و الهدايا و مش عاجب.