.
من أربع أشهر صار معي اشي سيء، فترتها كنت على حافة الانتحار فعلاً، بس مع الوقت تبت ل الله وقربت منه ،وصرت ادعيه الشغلة الي راحت مني ترجعلي كنت بآمن انه الإشي صار عشان أرجع لربنا ولسا بآمن هيك ،قاومت كثير قعدت اربع أشهر اصبر نفسي وادعي ، بآخر فترة التزمت بسورة البقرة ،من وقتها بدأت نفسيتي تصير سيئة مرة ثانية، ورجعتلي أفكار الانتحار ،لحد ما بالأخير رجعت لنفس الإشي الي اذاني ودمرلي نفسيتي ،أنا سمعت انه ببداية الالتزام بسورة البقرة بتصير أشياء سيئة عشان الشيطان يمنعنا عنها واختبار من ربنا، الحمدلله على كل حال، لكن ما توقعت انه ارجع لنفس الإشي وتنهان كرامتي كمان مرة بعد ما قاومت اربع أشهر ،أنا حالياً نهزمت ،بحس بخنقة وأنه ما في حل غير أقتل نفسي، ليش ارجع اعيش الوجع من أول بعد ما قاومته اربع أشهر ؟ تعبت والله كل مرة بصير نفس الاشي، تأذيت من أكثر إشي حبيته بحياتي، الشعور والنار جواتي لما افكر بالوقت الي تخطيته من أربع أشهر بحرقني،ليه لما بدأت حياتي تتحسن ارجع استسلم ،بعرف انه حكي فاضي وما رح أقتل نفسي ولا بطيخ لأني جبانة،لكن والله مخنوقة ومتدمرة ،ليه ارجع اجاهد لاوقف على رجولي بعد كل هالعذاب،ليه الشخص الي عيشني هالوجع بعيش أجمل أيام حياته وكل الناس بتحبه وأنا أموت الف مرة؟ ليه الإنسان ممكن يكون سيء مع حدا بحبه لهالدرجة ؟ حكيت لأمي بس حسيت ما حدا بفهمني،رجعت لنقطة الصفر ، دعيت كثير برمضان وبغيره وانا ما بتذمر من قضاء ربنا الحمدلله لكن والله رح أقتل نفسي من الحزن والقهر،رجاءًا محد يحكي عن الكرامة لأنه اصلاً ميتة أنا