u/CalligrapherPale901

هي الحكايه مش كده وليها وجه تاني

اولا: المسيحيين زي ما كلنا عارفين عددهم قليل في مصر، ف اكيد انت مش هتسمع عن مسيحيين كتير اتحبسوا

ثانيا: انت كمسلم اكيد هتبقي عارف مين المسلمين الي اتحبسوا، مش هتبقي عارف مين المسيحي الي اتحبس ببساطه عشان انت مش واصلك الخبر وهو مش مشهور بالنسبه ليك كمسلم

ثالثا: عدد المسلمين كتير، فأي داعيه/معارض مسلم هيأثر علي فكر كتير من الشعب مقارنه بالداعيه/المعارض المسيحي الي هيأثر علي فئه صغيره لأن عدد المسيحيين قليل، والاغلب مش بيتأثر و بيقف الا مع المعارض الي نفس دينه، ف دا بيخلي العسكر يشددوا الموضوع مع المسلمين اكتر من المسيحيين

رابعا: ودي اهم حاجه، الدوله بتشوف الداعيه الاسلامي خطر فكري وسياسي عليها اكتر من اي حاجه تانيه، واحنا طبعا عارفين ليه

ف والله العسكر ما فارقلهم دينك او جنسك او عرقك الي فارقله هل انت بتشكل عليه خطر ولا لأ

الحكايه مش ان المسيحيين مش بيتحبسوا، الحكايه انهم مش بيشكلوا خطر علي العسكر -بالنسبالهم- قد كده وانت مش بتسمع عنهم بس هما فعلا بيتحبسوا

وبعدين انا مش عارف صاحب التعليق وال 22 شخص الي متفق معاه زعلانين ان المسيحيين مش بيتحبسوا ليه، عايزين الضرر والاذي لغيرهم ليه!

احنا في الاول والأخر خوات وكلنا مصريين يجدعان

دي بنت اسمها مريم عندها 14 سنه دخل بيتها طالبه ثانوي (جارتها ) ومعاها اخوها وخنقوا مريم لحد ما ماتت وكل ده عشان يسرقوا دهبها وتلفونها وكان الهدف اخفاء الجريمه بعدها يعني قتل بسابق الاصرار والترصد

اتحكم بقي علي الي عمل الجريمه دي ب 15 سنه سجن!!

دول بالغين عاقلين دي واحده في تانيه ثانوي عندها 17 سنه مش طفله المفروض يتحكم عليها بالإعدام

سبنا الشرع بتاع ربنا وماشيين ورا كلام بشر!!

ربنا يصبر اهلها ويرحمها وينتقم من الي عمل الجريمه دي

دي بنت اسمها مريم عندها 14 سنه دخل بيتها طالبه ثانوي (جارتها)ومعاها اخوها وخنقوها لحد ما ماتت وكل ده عشان يسرقوا تلفونها وكان الهدف اخفاء الجريمه بعدها يعني قتل بسابق الاصرار والترصد

اتحكم بقي علي الي عملوا الجريمه دي ب15 سنه سجن!!

دول بالغين عاقلين مش اطفال دي طالبه ثانوي مش طفله محدش يقولي طفله من امتي طالبه الثانوي طلفه!!

ينعل ابو قوانين الغرب دي المفروض الحكم يبقي اشد من كده دا قتل عمد وجب القصاص النفس بالنفس

ربنا يصبر اهل البنت ويرحمها و وينتقم من الي عمل الفعله دي

القانون الأول :

القانون ينطبق علي الطرفين والأثبات في الصور، طيب لو ثبت وهي خدعته ايه الي هيحصل؟ هيسقط عنه بعض النفقات وبيرفع قضيه تعويض بيسترد فلوس الذهب والمهر.

القانون الثاني :

القانون ده بيضمن نفقه شهريه او مال فوري للمطلقه(علي حسب هي عايزه ايه) تصرف منه هي وعيالها بدل بهدله المحاكم والجرجره، بس هو الصراحه المفروض ميبقاش لكل المطلقات عشان في مطلقات بيشتغلوا وبيطلعوا فلوس ومش محتاجين النفقه.

القانون الثالث:

دا بيمنع حالات الطلاق المبكر و حالات الطلاق بسبب الانفعال، وبيروحوا المحكمه والقاضي بيحاول يصلح ما بينهم كفرصه اخيره قبل الانفصال (محدش بيجبر حد علي عدم التطليق هو مناقشه فقط) خصوصا لأن انتو عارفين نظره المجتمع للمرأه المطلقه بتبقي عامله ازاي. والاثبات في الصور.

القانون الرابع:

تعريص مفيهاش نقاش

القانون الخامس:

انا شايف انه ميستاهلش الجدل دا يعني ببساطه عشان الطفل بيحتاج لأمه اكتر من ابوه في اول سنين حياته

القانون السادس:

دي حاجه في الاسلام مش جديده علي فكره ولازم يبقوا متفقين علي كده في العقد غير كده مش بيحصل تفويض للطلاق. والاثبات في الصور.

القانون السابع :

القانون للطرفين، الزوج يقدر يشترط حاجات في زي انها متعملش ابدا في حياتها لو هي وافقت.

بس الصراحه نسيت اجيب اثبات للقانون ده بس هو لأ للطرفين عموما يعني

القانون الثامن:

مفيهوش حاجه خالص عشان ربنا اصلا قال: اذا تداينتم بدين... فاكتبوه

القانون الاخير:

بيبقي الطرفين متفقين قبلها علي الحوار غير كده هي مش بتاخد الاثاث، والاثبات في الصور.

واخيرا عايز اقول ياريت مناخدش معلومات من السوشيال ميديا كده وخلاص(انا كنت زيكم والله مكنتش اعرف تفاصيل القوانين) عشان المنصات دي هدفها في الأول والآخر التفاعل واكيد مش هيقولك القوانين بتفاصيلها في بوست ان بتشوفه مش بتكمل دقيقه

وانا لا انكر ان في قوانين وحشه فعلا بس الحق يتقال

يعني دا اسلوب يتكلم بيه؟ دا اسلوب يقرف الكلبه

عمري ما فهمت محتواه ولا هو هدفه ايه، آخره ينزل فيديو يصيح فيه بأسلوب زي الزفت وخلاص.

والله البنت المفروض ترفع علي الخول دا قضيه

Edit: هو يقصد زينة الي علي التيك توك

اولا: هل دا ضد الدستور؟

لا عشان الدستور بينص ان ارسال القوات في "مهام قتاليه" لازم موافقه من البرلمان، هل انت شايف ان دي مهمه قتاليه؟ لا دا اقرب الي تعاون عسكري وتنسيق امني.

ببساطه هو مأرسلهاش تحارب في حرب قائمه عشان تبقي ضد الدستور.

ثانيا: هل احنا كده مرتزقة؟

لا انا شايف انه تبادل منفعه ومصالح انت معاك فلوس وانا معايا قوه عسكريه، و وصفنا بمرتزقه دا مش صح، وبعدين لو مشيناها كده ف جيش امريكا مرتزقة بردو ف انت زيك زي جيش امريكا ب مش عارف ايه المشكله

ثالثا: دا مصر بتدعم اثيوبيا والدعم السريع في السودان

تقريبا الي بيقول الكلام دا عيل صغير في الحضانه

الكلام دا سطحي جدا وباصص للموضوع من ناحيه واحده بس، مينفعش ان احنا نحول العلاقه لصفريه مع الإمارات او الخليج بشكل عام، واحنا لما نحسن العلاقه مع الإمارات هيبقي اكيد لينا تأثير علي قرارتهم في حوار اثيوبيا والسودان لو قطعنا معاهم العلاقات هنزيد الطين بله مفيش ابيض واسود هنا، وانت اصلا اقتصادك معتمد علي الإمارات بشكل كبير معلش بس احنا كنا في ازمه سيوله جامده لولا الاستثمار في رأس الحكمه الي حصل.

هي الناس الي بتكلم دي نست لما الإمارات اتهاجمت من الحوثيين في 2022؟ واحنا بعتنا ساعتها خبراء عسكريين للإمارات؟ احنا علاقتنا مع الإمارات من زمان كده ف دي حاجه مش جديده

رابعا: دا الإمارات بتدعم اسرائيل

الناس الي بتقول الكلام دا فاكره السياسه الدوليه زي الصحوبيه

والله مفيش شغل "دا الواد الي ضربني انا واخويا انبارح لقيت صاحبي اداله مصاصه ف انا بقي مش هكلم صحبي دا وهقطع معاه"

دا شغل عيال مش ساسيه دوليه

خامسا: دا دعم الإمارات ومدعمش فلسطين

طبعا فلسطين قضيه انسانيه قبل ما تكون اسلاميه

بس هل دا معناه ان دعم السيسي للإمارات غلط؟ لأ

دا معناه ان السيسي راجل خو* مش معناه ان بعت الطيارات للإمارات غلط.

غبشت عشان انا والله مش ناقص ذنوب انا فيا الي مكفيني