نقاش عام جدا عن العلاقه بالاهل/والحياة بعيد عنهم
دايماً من وانا صغيرة لحد دلوقتي لما علاقتي بأي شخص بيحصل فيها مشاكل كتير وابدأ ازهق من كترها بقطع علاقتي بالشخص دا بس للأسف مستحيل اقدر اعمل كده مع اهلي ف بيجي فبالي دايما لما اقدر استقل مادياً هل لو قطعت علاقتي بيهم بشكل نهائي وعيشت وحدي ولا سافرت كده هبقي عملت حاجه غلط؟اني ادور علي راحتي النفسيه وحريتي وانبساطي هل كده هكون بعقهم؟حريتي بمعني اني مش مضطره اقعد معاهم واسمع مشاكلهم واتضايق واكتئب والاقي حد بيتحكم فيا انه عايز يجوزني ف سن معينة ويشوف ان من حقت يعترض علي حاجات عبيطه جدا فحياتي لمجرد السيطره وخلاص
فا سؤالي ايه المشكله لو عملت كده؟يعني مشيت وقولتلهم ينسوا اني بنتهم وخلاص ويسيبوني فحالي.
ومحدش يقولي حاولي تتجوزي انا في سن ممكن اتجوز فيه فعلا بس مش عايزة الجواز يكون هدفه كده عايزة اتجوز لما احس اني عايزه اتجوز عادي
وممكن لو حد جرب يقطع علاقته ب أهله او حتي يستقل عنهم يحكي تجربته ازاي مصعبش عليه والده ووالدته؟وازاي مأثرش كلام الناس فيه؟وهل الموضوع يستحق التجربه والتضحية ولا لا؟وشكرا جدا