النت خلص في 3 دقائق
انا بستخدم النت ايثرنت يعني بسلك لاسباب صحية
المهم جيت اوصل السلك في كمبيوتر تاني مشتغلش فاضطريت افتح هوت سبوت من الموبايل
شحنت اقل باقة في فودافون ب45 جنيه اللي هي تقريبا بتدي جيجا او اتنين مش فاكره
فتحت موقع البتك لقيته قبل ما يكمل تحمبل حتى خلصت
بكلم خدمة العملاء اول 3 دقائق تزهيق يا اما اكلم البوت او اقعد مستنيه عشاتن خيار كلام بني ادم يجي (كان مثلا مفيش ناس تشتغل الشغلانه بس المهم يعني)
بعد 6 دقائق تاني انتظار: يا فندم ايوه الباقة خلصت فعلا بس احنا مش عارفين ليه بس انتي استهلكتيها
يا جماعه ده موقع واحد ومش جرافكس فظيعه ده موقع البنك وملحقتش ادوس على حاجه
اه بس خلصت
انا بكتب الكلام ده عشان انا مكنتش متخيلة البشاعه لاني مش بستخدم النت واي فاي ولا في التليفون الا نادرا
انا بستخدم ايثرنت وبقتح فيديوهات ومشتركة مع 2 غيري واقل باقه وبنسحن مرتين في الشهر وساعات تلاته بس استهلاكنا فيديوهات (جوده متوسطه او قليله عادي)
بكتب عشان افهم الناس ان ممكن توفروا شويه لو عملتوا ايثرنت مش واي فاي عادي. مش فكره ان حد بيسرقة بس اظاهر هو بيتحسب بطريقة تانيه