ما حد يدرس طب
.. لا تدرسو طب . ابدا مش مجدي ماديا ولا معنويا.
بتتخرج بطلوع الروح و دافع دم قلبك عشان تنافس الف واحد على مقعد .
و هجرة برا كل مالها بتصير أصعب و أصعب و مكلفة جدا.
و اصلا مش مضمونة
اي حد بدرس طب يفل بجناحه قبل ما يفوت الفوت.
هي نصيحة سمعتها وانا اولى و طنشت و فكرت انا رح اكون اشطر من يلي قبلي و بخلص بمعدل عالي و هي وجه الضيف . .. بنافس مليون واحد نصهم معدلاتهم عالية زيي ، ما فرقت ب شلن.
تخصص واقع مستقبله من كل نواحي .. تخيل في برامج اقامة غير مدفوعة!!! ما في تخصص قبلها عحاله غير الأطباء.
و صحيح هي البرامج بدها فت مصاري ف يلي وضع اهله ع قده، برضه لا يفوت طب .
و من جديد اغلب المستشفيات صارت تطلب تدفع ١٠-٢٠ دينار عشان تقدم الهم . ف برضه وضعك المادي تعبان ، لا تفوت طب ،
لا تفكر رح تفتح الدنيا بوجهك و تنشل اهلك من الفقر. هاد الحكي ايام السبعينات ، هسا رح يزيد فقرك اذا صرت طبيب.
اضافة: اي جهد رح تبذله هون، يعتبر عادي و مرات أقل من عادي ، بينما بتخصصات ثانية رح تتخرج بجوز الاول على القسم مش دفعة و بتلاقي طريقك مفتوح.
تعديل: حبيت انزل البوست للمساكين يلي ما في حد ينصحه، و وضع اهله المادي مسخم.
فخ كبير رح تفوت فيه. الباقي ، الله معكم.
جماعة التخصصات الثانية ؛ فهمنا وضعكم سيئ بس الطالب عارف قبل ما يفوت، هون لا (غير عن قرف كثير موجود هون ما بتسمع فيه )
و يلي ستيل حابب يفوت؛ ذنبك على جنبك يخوي ، good luck 😂