بتعملوا ايه ف الحبوب اللي بتطلع بعد الشيفينج او الواكس عايزة حل كريم ولا حاجة اعملها علشان بجد جسمي بيتملي حبوب خصوصا من الواكس لما بعمله ف دراعي
جبت صابونة استارفيل للحبوب بس حسيتها مش فعالة
انا ابتديت اكره طولي بجد انا ١٧١ عادي يعني مش زرافة بس بجد معظم اللي بيتقدملي اقصر مني مش فاهمة في ايه الموضوع يعصب والله يابخت القصيرين
المشكلة ان الناس بتستغرب لما برفض علشان الطول اللي هو ايه يعني اقصر منك بكام سنتي بس لا مستحيييل
طول عمره معروف الراجل بيكون اطول من البنت
للناس اللي متجوزتش لسة، ازاي بتتخطوا انكوا لسة ملقتوش شريك حياتكم ؟
طول حياتي مش فارق معايا عادي اتجوز ولا متجوزش ، بس الفترة ديه اهلى ضاغطين عليا جامد اللي هو انا لسة ازاي متجوزتش لدلوقتي ومقارنات بقى باللي حوليا اللي اتجوزت واللي خلفت وانا لسة قاعدة ، ف الموضوع ضاغطني نفسيا لدرجة بقيت بدعي وبصلي صلاة الحاجة ان ربنا يكرمني ويبعتلي نصيبي
بيتقدملي ناس مش كتير علشان مبخرجش اصلا حتى شغلى اونلاين وانا من النوع اللي مبصاحبش بس المشكلة محدش منهم كان مناسب معانا او انا مش ببقى مناسبة ليه ف بجد الموضوع مضايقني، اللي هو ليه محدش بجد من اللي جه ربنا وفقني معاه، البنات بجد بتتجوز من اول حد بيتقدم بقول الحمد لله والله اكيد الخير عند ربنا ويمكن اللي جيه قبل كدا مكنتش حياتي هتبقى معاه احسن حاجة
بس اهلى ضاغطني مع انهم هما اللي بيرفضوا احيانا ف مش عايزة نصايح ولا حلول بس بتكلم علشان مش لاقية حد والبوست همسحه اصلا
يا جماعة بتحسنوا ال speaking ازاي ف الانجلش
نزلت hello talk على امل الاقي حد اتكلم معاه حسيته ابلكيشن لل dating اكتر كله عايز يتعرف وانا مش عايزة كدا وكلهم بيبقوا مصرين اصلا يعني حتى مش natives
و discord مش فاهمة فيه حاجة حاساه اعلى من مستوايا ومبعرفش استعمله اصلا
هلو بنوتات انا عندي مشكلتين ف ضوافر رجلي وايدي
اولا ايدي، طول عمرها ضوافري صحية وطويلة وقوية عادي بتتكسر بس مش دايما لو حطيت ايدي ف الماية او لو اتخبط ف حاجة مثلا بس الفترة ديه بقالها كذا شهر كدا حرفيا بتتكسر اوحدها حتى وهي قصيرة بتتشقق وتتكسر بقيت بقصها كل شوية تطول شوية وتتشقق وتتكسر بردو مع اني ابتديت احط زيت زيتون وتوم كانت بتطول عادي بس بردو بتتكسر ف ده نقص فيتامين ولا حاجة؟ معرفش
بالنسبة لظوافر رجلي (خصوصا اليمين) بجد منظهرها حقير دايس عليها قطر وبتتكسر بلاقي تحتها ضفر تاني ومشققة ومهما احاول ارطبها بردو شكلها زبالة خشنة كدا يعني الضفر الكبير اللي شكله كويس بس التانين لاء مع اني والله على طول بقصها وبنضفها بس بردو حد عنده حل؟
هاي هل فعلا نوع الموبايل بيفرق ف الصورة؟ يعني ليه في ناس بتعرف تتصور وصورها بتطلع بيرفكت وناس لاء؟
انا مبعرفش اتصور خاالص ولا سيلفي ولا بالكاميرا العادية ومعايا اندرويد فممكن يكون السبب الموبايل ولا العيب فيا انا؟ اما بتصور بحس بجد اللي هو يع ايه ده، مع ان شكلي مقبول عادي وحلو بشهادة اللي حوليا ولا ممكن ده يكون بسبب اني مش شايفة نفسي حلوة اصلا
في حاجة غريبة بتحصلي
من اول يوم عيد كدا ف حد فضل يرن عليا ع الواتس الساعة ٦ الصبح انا صحيت مش فايقة الاهم محطتش الموضوع ف دماغي رجع يرن تاني ع الساعة ١٠ انا عموما مبردش على حد مهما فضل يبعت ويعمل انا افتكرت حد من الشغل فقولت اشوف مين لقيته بيعبط ف الكلام ف بلوك على طول
تاني يوم رقم تاني رن بالليل فرديت بردو فضل يعبط ويقول كلام قليل ادب ف قفلت ف وشه وبلوك بس لقيته بعدها بيوم بعتلي ع الواتس فبلكته برظو مكنتش اعرف اني لازم ابلكه بردو واتس
النهاردة بقى رقم تاني لسة من شوية بردو رن كذا مرة انا مردتش ارد مش عايزة اسمع كلام زبالة تاني
وبالمناسة ع التروكولر بيبقوا متسجلين عادي بأسماء عادية فكنت برد على اساس ممكن يكون مندوب ولا حاجة
ف حاسة الموضوع غريب خصوصا اني مبديش رقمي لحد ولا حد يعرفني اصلا
فممكن يكون حد مستقصدني مثلا؟ بيوزع رقمي؟ ولا انا دماغي سرحت شوية
بتعملوا ايه ف شعور الوحدة؟ انا مثلا معرفش حرفيا غير ٣ ف حياتي هما اللي ينفع اقول عليهم صحابي وقريبين جدا من بعض بس بجد مبنتكلمش غير كل شهر مرة مثلا والخروج مبنشوفش بعض غير ف السنة مرة لو قدرنا علشان نقلت محافظة تانية حتى لما كنا ف نفس المحافضة نفس الكلام بردو
المهم ان كل واحدة ليها حياتها اللي شغلاها حتى لما بحاول اتواصل مع حد فيهم مبقدرش اوصلهم او بيعلقوني
اتأقلمت عادي بحاول اتماشي مع الوضع بتفرج على مسلسلات او بمارس اي هواية بحبها بس بجد الواحد بيجي عليه اوقات بيبقى خلاص الوحدة هتقتله محتاج يتكلم مع حد يعرفه بس للاسف مبلاقيش احيانا كتير بحس كدا اني هاموشة محدش واخد باله مني حياتي واقفة وكل اللي حواليا خلاص خد طريقه وكون صدقات وكون علاقات وانا واقفة حرفيا