دور الظابط سعد في مسلسل ابن حلال للفنان محسن منصور عامل دور الظابط الفاسد بطريقه جامد فشخ مش عايز ابالغ و اقارنه بدور الظابط حاتم لخالد صالح في فيلم هي فوضي بس هو اقرب واحد لي ميتقارنش طبعا بخالد صالح بس ممكن يكون احسن واحد عمله بعده انا قصدي علي انهم نفس الاستايل و نفس الطريقة
​
سلطان في غبي منه في افضل كراكتر كوميدي مثل الغباء و بطريقه غير مبالغ فيها وحلوه وبنسبااي دا لكذا سبب
2.انه شكله طبيعي ومش بيحاول يخلي شعره شكله غريب او شكل وشه وحتي ما بيحولش يستخدم تعبيرات وشه و العبط دا عشان يجيب ضحك
4.ان الشخصية ليها دوافع انه بيحاول يجيب الفلوس عشان يتجوز فانت ممكن تتعاطف معاه
لو في حد عنده اسباب تانيه او عنده كراكتر كوميدي مثل الغباء احسن يقولي.
الافلام الي هتلاقيها على روتانا سينما بعد ما النت يخلص
كراكتر القرموطي من افضل الكركترات الكوميديه بس قليل لما حد يقولك انه الافضل لان الفنان احمد ادم حلبها في فيلمين مش احسن حاجه
الاول القرموطي في ارض النار الفيلم يعني ماشي حاله
التاني قرمط بيتمرمط دا فيلم ردئ فشخ
فيلم بلبل حيران من اجمل افلام احمد حلمي كفكره ان الانسان احتيجاته بتختلف حسب الي معاه و بلذات غي شخصيه بلبل الي هو بيحسبها بلورقه و القلم و بيدور علي مقاييسه الي هي بتخلتف حتي اسم بلبل ذكي فشخ لانه بيدل علي طائر البلبل و بيدل علي حيرته
انا متفهم عملوا الفيلم دا لي عشان الناس كان مش طايقه حسني مبارك 2008 فا نزل الفيلم الساذج دا مع اني بحبه جدا بس في حجات كتير مش منطقيه الريس ملاك وطيب و الي حواليه هما الاشرار من كتر ما جابوا ان بقيت الوزراء هما الاشرار و هما السبب في كل الفساد طب ما فين الريس من دا كله دا كدا المفروض مش شايف شغله و هو يعتبر هو البيعين و هو الي يراقب و يشوف انجزوت اي في اخر كام سنه
رغم دا كله انا بحب الفيلم فشخ بسبب عمنا طلعت زكريا الله يرحمه
انا عارف اني جاي متأخر بس المسلسل دا بسمع عنه من زمان فا كنت فاكر انه مسلسل عادي لسا متفرج عليه ولسا مخلصه.
المسلسل دا خرج عن المألوف قليل لما بلاقي مسلسلات مصرية بنفس الفايب دا
ومبسوط اوي بتجربه دي ياريت نكتر من دي و نقلل بقا مسلسلات الدراما الشعبيه
بريزون بريك اولا جامد فشخ بس و امتع المسلسلات الي شفتها هل فعلا كان يستحق يبقا 90 حلقة ولا كان ممكن يختصروا اكتر من كدا
يعني :
سيزون 1 فاجر افضل سيزون فيهم
سيزون 2 جامد برضو و تكملة للاول
سيزون 3 حلو قصة مختلفة واشخاص جداد
سيزون 4 ممل وفي حجات كتير ملهاش لازمه و اسوءهم بلنسبالي بس قفلته و قفلة مسلسل كانت حلوة
اما بنسبة لي سيزون 5 هدوا نهاية الجزء الخامس مع انه كان كويس نوعا ما
فهل prison break لو كان اقل كان ممكن يبقا احسن ولا مش قارقة