r/Cinema_Egypt

السلام عليكم شباب انا اتفرجت علي teen wolf و the 100 وبصراحة الاتنين جامدين جدا وبقالي شهر تقريبا بدور علي مسلسلات زيهم مش لاقي فا محتاج اقتراحات لي مسلسلات زيهم او مش مهم يكون نفس الفكرة بس يكون الشخصيات فيهم قبول و مش مهم عدد اجزاء كام او الحلقات المهم يكون تاريخي وشكرا.

فيلم اجازة غرام

الكتابة الكوميدي سهلة بس إحنا اللي بنصعبها علي نفسنا يعني مشهد زي اللي فوق ده عبارة عن خناقة بين واحد بحجم المعلم رضا بكل ما يملكه من تكوين جسماني مع الضيف أحمد فتخيل ان محمد رضا بيقول للضيف أنت منضهدني  فاللي هو إزاي كده.. ده حجم محمد رضا ضعف الضيف مرتين والاحلي بقي رد الضيف الغير متوقع اللي هو الالش الظريف لما قاله "لا.. أنا من طنطا"

مشهد تاني للمعلم رضا وفريد شوقي والمشهد فريد بيقول للمعلم رضا مين هو الباحث الاجتماعي فالمعلم رضا بيرد :-
" الموباحث الاجتماعي ده راجل ظريف بيجي يقعد يتكلم معانا بدل قعدته علي القهوة".

خلي بالك ده نقد لاذع جداً لدور السجن في إعادة هيكلة وتقويم المسجون ولكن بشكل ظريف يعني المسجون شايف أن الباحث الاجتماعي اللي دوره أنه يقوم سلوك المسجون ما هو إلا راجل فاضي بيجي يفك عن نفسه بكلمتين بدل ما يقعد علي القهوة.

فيلم ٣٠ يوم في السجن ما هو إلا فيلم لايت كوميدي عن مسرحية بنفس الاسم للكاتب بديع خيري ولكن تم صياغتها بشكل كوميدي ظريف للغاية لدرجة إن في افيهات ماركة مسجلة بأسم الفيلم زي افيه "هيعملني كوفته" أو افيه "بنت اخت كليوباترا" أو افيه "شنب النجعاوى" أو "صقفة للنبي" أو "الايراد يا مدحت" أو افيه "اصل أنا بأقص الكلا.. الكلام يعني" ده غير افيه "علي بوند واسماعيل بوند

شفت اول جزء لما نزل و عجبني و عرفت دلوقتي ان فيه جزئين كمان اتعملوا بس لاحظت التقييمات مش احسن حاجة. فلو حد شاف الجزئين دول يستاهلوا؟

إسكندرية ليه ( يوسف شاهين / 1979 )

يوسف شاهين بيقول علي المشهد ده أن من كثر ما محمود المليجي كان كويس ومؤثر حس شاهين وهو بيصور المشهد بالخنقة وده لأنه افتكر أهله ولحظات صعوده على المركب

المسلسل دا جابلي اكتئاب و انا صغيرة خصوصا حلقة الثورة خلتني حزينة اسبوع

اعتراف بالحب ع طريقة فضة المعداوي

- شوفتك!

-- شوفتيني يعني ايه؟!

- يعني كلمة ونظرة عين والقسمة وياهم

-- ايه!!

- أني كمان ماصدقتش نفسي واتخانقت معاها.. عيب يا فضة ده انتي عندك جوز عيال متجوزين وبنت على وش جواز.. ما تعمليش كده فوقي لروحك

-- أفهم من كده أنك...

- وقعت فيك يا دكتور

-- يا نهار اسود !

- و أسود من قرن الخروب، أنا يحصلي ده كله وبعد السنين دي كلها!

اتقدملي رجالة بالطوابير كل واحد فيهم أنقح من التاني مال وشباب وصحة، لكن ولا واحد ملا عيني لحظة واحدة ولا فكرت اجيب راجل يذل ولادي .. أقوم بعد المشوار ده كله أتروش من نظرة.. ونظرة من مين من راجل عجوز ما يسواش في سوق الرجالة تلاتة أبيض !

عن نظرة جميل راتب فى المشهد

المسلسل أنتج سنة 1988 من إخراج محمد فاضل، وتأليف أسامة أنور عكاشة، ومن بطولة جميل راتب وسناء جميل. وتدور أحداثه عن سيدة من أثرياء تجارة السمك ترغب في الاستيلاء على قصر أثري يقيم به أحد السفراء في فترة تقاعده

مشهد فاجر

تقريبا نفس الفكرة العامة و نفس خط الاحداث ،و الفيلمين اتعملوا حلو جدا،بس حبيت Ford v Ferrari اكتر ،كريستيان بيل و مات ديمون اداءهم كان قوي جدا و يمكن عجبني لاني شوفته الاول ف منبهرتش ب F1 اوي.

ايه رأيكم ؟!