u/navybluegirl3

انا بشرتي مختلطة، وعايزة حلول للمشاكل دي، عندي بثور سودة عند مناخيري مع اني بستخدم غسول ستارفيل بس مش بتروح،

وعندي برضو بثور بيضة عند الدقن وحشة برضو مع شوية بثور سودة كمان وحساها اعمق من اللي عند المناخير،

والمسام في خدودي واسعة حبة،

مع بعض الحبوب تحت الجلد في كامل وجهي،

وعايزة برضو افتح بشرتي حبة او اتنين،

واخر حاجة شفايفي غامقة كذا درجة وسمعت ان سيرم فيتامين سي بيفتح شوية هل الكلام ده صح ؟؟

انا باكل اكل مش صحي كتير من مصنعات واندومي كتيررر ومشروبات طاقة**

عايزة بقى حلول من حيث السيرمات و الغسولات والكريمات وكدة وياريت مع ذكر افضل الماركات الاقتصادية 🌹🌹

انا عايزة اشتري لابتوب في حدود ال20 الف كدة واكيد هيكون مستعمل، وانا عمري ما اتعاملت مع اللابات خالص ولا اعرف فيها حاجة، انا اكيد هحتاجه للبرمجة والتعاملات العادية والاكسيل اكيد، فعايزة اعرف الbudget دي تناسب ايه من حيث المساحة والرامات ومش عارفة ايه وبتاع، واي نصايح علشان اشتري حاجة كويسة يعني ..

اقترحولي رواية صغيرة ابدأ اتدرب بيها على القراية،

انا كنت قريت روايات هاري بوتر زمان و مغامرات شيرلوك هولمز وعجبوني .. عايزة حاجة حلوة كدة زيهم

ايه المفروض اعمله يخليني واثقة من نفسي، لأن عندي العيب ده في شخصيتي والموضوع ده باين للناس، ويعني ايه اصلا يكون عندي ثقة، انا عندي شوية مشاكل ممكن تكون سبب عدم الثقة اولهم اني مش بحب شكلي نهائي، وكمان ماعملتش اي اهداف في حياتي ولا حاجة مميزة خالص وانا اهو داخلة على ال20 وبجد حياتي مافيهاش الوان، ونفسي قصير في الحاجة و ممكن ماعملهاش على اكمل وجه واللي ببدأه مش بكمله ومش بحاول كتير في الحاجة فمابقتش بحس اني قد كلمتي ولا قد احلامي مع ان احلامي كتيرة، وشخصيتي ضعيفة بستسلم بسرعة وحتى ماعنديش علاقات كويسة .. لو عندكم ترشيحات لفيديوز او كتب بتتكلم عن الموضوع قولولي عليه :) علشان ضيعت كتير من حياتي

لما تيجي بنت تتعرف عليكي وانتِ واقفة في الموقف والدنيا زحمة ومافيش مواصلات، اعرفي انها عايزة تحجز الكرسيين اللي من قدام وتحدفك انتِ جنب السواق🎀💕

​

حصلتلي كذا مرة وكنت بحسبهم حابين نقعد نرغي عادي🤙🏻

​

اكتر حاجة مكرهاني في اوضتي ماتور الجيران اللي جنبي، هما حرفيا اقسم بالله ماتورهم مابيفصل غير كام دقيقة وهما لازقين في اوضتي فبسمع الهزات دي كتير جدا، حرفيا بيشتغل في كل الاوقات ماية قاطعة او لا، وهما اصلا عندهم كوافير فبجد مش بيفصل، والموضوع مستفز لدرجة كبيرة واقسم بالله احيانا قعد اكتر من ٢٠د مش فاصل انا اصلا استغربت هو فيه ماتور يقعد كل ده ويفصل بس كام دقيقة كل مرة، انا مش لاقية حل بفكر اجيب سدادات ودن بس حاسة مش هحبها

ايه احسن تطبيق معاكوا لقراية صيغة ال epub وفيه خاصية اني ازود خطوط من عندي، غير تطبيق moon لأنه مش حلو معايا

وشي بيكون بهتان اغلب الوقت عايزة سيرم او اي حل ليه، بشرتي مختلطة، انا كل اللي بستخدمه غسول ستارفيل واحيانا بحط مرطب بس اغلبية الصيف مش بحط

عايزة طريقة اخسس بيها وشي و لغدي وياريت كمان لو ينفع مناخيري، بس مش عايزة حلول زي اقطع سكر خالص ولا اقلل عيش خالص، عايزة حاجة اقدر اعملها بدون حرمان ليا يعني، ويكون وشي ملموم كدة ومافيهوش دهون، مش عارفة اشرح بس يارب تكونوا فهمتوا🫡

حاسة إني استسلمت بدري موت لسه ماكملتش ال20 ومش فارق معايا حاجة ولا دراسة ولا علاقات ولا اعدل اسلوب حياة مع إني اكتر حد محتاج إنه يعدل من نفسه والوقت بيعدي بسرعة ومش عاملة اي حاجة في حياتي، واكيد طبعًا طبعًا لو ماتعدلتش هندم مستقبلًا، بحس بزعل لما بلاقي اللي حواليا بيحاولوا في حياتهم وبيحبوا نفسهم وعندهم ثقة ومش بيستسلموا بسهولة وبيحاولوا وانا العكس تمامًا، ماعرفش مالي🤙🏻🤙🏻

حد يعرف لو عايزة اقدم تدريب في بنك القاهرة، ازاي اوضح اني عايزة فرع معين علشان التقديم على لينكيدان وكل اللي طالبينه الcv بس مع الرقم والبريد