مؤخرا مبقتش بحب ترشيحات الافلام معظمها بيبقى مجرد تريندات ،ده غير انك ممكن تسال جوجل و هيفيدك اكتر ،لكن انك تناقش فيلم مع حد في نقط زي القصة او الاداء او الفكرة و هل الحاجات دي عجبتك او لا بشوفه افضل
علامة من علامات الاكشن ،الجزء المفضل عندي هو rogue nation ،كأداء و صعوبة المهمة و منطقية الاحداث .بعديه ghost protocol
اجمل افلام اكشن التسعينات اللي بحبها ،اكيد فيه اكتر بس دول مميزين عندي جدا ،و للمفارقة نيكولاس كيدج بطل ف ٣ منهم ، رأيكم فيهم؟ ،و لو في افلام تانيه مميزة عندكم؟
في افلام جيمس بوند عجبني ٢ بس شون كونري و دانيال كريج .
شون كونري عشان الكاريزما و اداؤه و بداية الفكرة و محاولة انتاج تكنولوجيا في الستينات ، و دانيال كريج بسبب العمق اكتر ف افلامه ،يعني يمكن كان افلامه هي الاقل ف استخدام ادوات متطورة(زي المعروف عن جيمس بوند) لكن اعمق ف التمثيل و اعمق في ادوار الشر .
ليه نجوم السينما دلوقتي افلامهم قليلة جدا ؟ يعني عادل امام مثلا عمل تقريبا فوق ال ١٢٠ فيلم و ده واحد من غير م نحسب افلام نجوم الجيل بتاعه
ده اكبر من عدد كل افلام (احمد حلمي،احمد السقا،كريم عبدالعزيز،محمد هنيدي،احمد عز) تقريبا اكبر من عدد افلام كل ممثلين الجيل ده و يمكن الجيل الحديث كمان
الممثلين بالنسبه ليا مستويات على حسب الجودة و الكاريزما و القدرات ،لكن اعلى مستوى هو الممثل اللي شخصياته ملهاش اي علاقة ببعض متقدرش تشوفه جوه الشخصية بيختفي هو تماما،و تنوع الشخصيات اللي قدمها خالد صالح كان عبقري لدرجة انه عمل مرتين ظابط شرطة فاسد و الاتنين ملهومش علاقة ببعض اصلا واحد م الشرق و واحد م الغرب،واحد من افضل و اقوى ممثلين السينما المصرية
هل مش بتركز ديما مع كلام(زوجتك -خطيبتك) ولا ده بيحصلي لوحدي؟ لان بتحصل حاجات ولما اعترض اكتشف اني اتناقشت فيها قبل كده و كمان كنت موافق عليها!!!
الفيلم ده كان اهانة لثلاثية ماتريكس ،حاجه كده انتاج و كتابة و اخراج السبكي ،لدرجة اني باعتبرها لسه ثلاثية بس المفروض يتمسح من التاريخ
المسلسل الطبي الافضل في رأيي،مشوفتش حد بيتكلم عنه لكنه مسلسل عظمه.
نور الشريف ،حسين فهمي،محمود عبدالعزيز طلعوا فيلم قوي جدا زي العار كده ، قصه اجتماعية مع أبعاد عن الرزق و الغيبيات قمة ف العظمه .
وبيتهيألي انه مش واخد حقه كفيلم فلسفي زي فيلم الكيف .
اتفرجت عليه من مدة طويله و كان مسلسل حلو جدا و حسيته الناس مهتمش بيه ولا كان تريند لكن كان قوي ك تمثيل و اخراج و حبكه
م اتفرجتش على ولا جزء من الافلام دي رغم شهرتها حد يقول رأيه فيها سلبي او ايجابي اتفرج ولا متستاهلش؟!
ديما عندي اعتقاد انه افضل افلام هوليود او افلامها الايقونيه معظمها هي اللي ف الفترة من سنة ( 1990 - 2010 .)
بحس انه دي الحِقبة الذهبيه للسينما مع ان اكيد في افلام حلوة قبلها و بعدها.