تقريبا نفس الفكرة العامة و نفس خط الاحداث ،و الفيلمين اتعملوا حلو جدا،بس حبيت Ford v Ferrari اكتر ،كريستيان بيل و مات ديمون اداءهم كان قوي جدا و يمكن عجبني لاني شوفته الاول ف منبهرتش ب F1 اوي.
ايه رأيكم ؟!
٦ ضباط مختلفين تماما عن بعض ،منهم الشرير و الذكي و الغلبان و الطيب و نبطشي افراح و اخ مضطهد و مظلوم مدمن كحول و عجوز متصابي ، و لسه في شخصيات مقولتهاش،كوميدي شغال اكشن شغال تراجيدي شغال رومانسي شغال ،ميقدرش على تنوع الشخصيات ده غير عدد قليل جداااا من الممثلين ،و ممثلين كتييير شخصيتهم و تعبيراتهم بتطبع ع الادوار اللي بيعملوها ف تقدر تشوف التكرار ف ادوارهم هو بقى لا كل دور مستقل بذاته و متقدرش تشوفه ف الادوار اللي عملها،ماجد الكدواني role model لمعنى كلمة ممثل.
انا مبحبش زندايا ،و شايفها ممثله متواضعه جدا ،و مش لاقي اي مبرر منطقي يخليها بطله ف افلام بحجم spider man ,dune ,the odyssey .
انا مستغرب الموضوع جدا ، رأيكم؟
بيتهيألي مارفل قررت ترجع الناس اللي نجحتها عشان ترجع تبيع ،قمة النجاح كانت infinity war فعلا و اتبنى ليها مقدمات يمكن ٢٠ فيلم و بعد كده ف end game سرحت iron man ,captain america , black widow ، روبرت داوني جونيور - كريس ايفانز غيابهم ضعف الافلام و بالذات انهم استبدلوا كابتن امريكا مش انهوا الشخصية زي ايرون مان ،ف انا شايف الفيلم محاولة لاسترجاع الحرس القديم و نلم الناس معاهم من كل حته عشان نرجع نبيع . رأيكم ؟!
جوكر هيث ليدجر كان مميز و مختلف و صاحب مبدأ و عنده فلسفه مستعد يخسر كل حاجه عشان يثبتها . وكان ديما حاطط نفسه داخل دايرة الاحداث ، بيختبر الانسان قدام نفسه و قدام قراراته ،و بيختبر نفسه معاهم و فكرة انه تقريبا كان دايما بيعطي خيارين ده من اسرار جمال الشخصيه ، راهن ضد هارفي و ضد باتمان و ضد الناس ،كسب و خسر و اثبت وجهة نظرة . رأيكم و بتفضله ولا بتفضل حد تاني؟
رأيك ايه في فكرة وجود انطباع مسبق عن الفيلم / المسلسل ؟
اكتر حاجه باعتمد عليها هي ال trailer نفسه و انتم ؟
ان حد يكره اعلى الافلام تقييما و اعظم الافلام السينمائيه ده شيئ عادي ،او حد يحب فيلم واخد تقييم 1.25 من 10 ده شيئ عادي برضه خصوصا اننا بنتكلم عن حاجات للتسليه مش اكتر.
من وجهة نظرك من الشخصية الاكثر فتكا من هؤلاء؟
طه حسين الزهار و الحاج حسين الزهار ،طه اتزق ف القصه غصب عنه و كان اشبه بثأر ،لكن حسين الزهار كان بيختار و بيخطط و بينفذ ،حسين الزهار كان هو القاضي و الجلاد في نفس الوقت و ده يطرح سؤال حسين الزهار كان مجرم ولا كان بطل ؟!!!
الفيلم ده اتعمل عن الازمة الاقتصادية و انهيار البنوك الامريكية ف 2008 و فكرة الرهن العقاري ، و اتكلم عن ٤ اشخاص تنبأوا بالازمة كل واحد ف مجاله ،الفيلم قوي جدا ،و كمان انت بتحس بالازمة و هي عماله تتفاقم و الكل مش قادر يتخيل انه ممكن تحصل ازمة اصلا و فجأة كل حاجه بتنهار ، اداء تمثيلي قوي جدا ،و احساس كل واحد منهم و هو مش مصدق الناس ازاي مش حاسين بالكارثة اللي هتحصل ،فيلم حلو جدا .
محبتش افلام كتير و ندمت اني حملتها بسبب قصه او نهاية او طريقة تصوير لكن احقر نوع من الافلام هو اللي بيزيف الحقايق و بيطلع المجرم بطل و بيغشك و هو باصص ف عينك كده ،و فيلم american sniper كان احد الافلام اللي كانت تجسيد للافكار دي ،نعمل فيلم عن واحد حقيقي معترف انه قتل ١٦٠ انسان ف الغزو الأمريكي للعراق و نطلعه بطل لدرجة انهم صوروا مشهد بيبرر فيه انه قتل ام و ابنها و قد ايه هو خلص العالم من الارهابيين و حمى اصحابه ،كان حاجه من احقر و انجس ما يمكن ان تراه . شوفتوا افلام غشاشه زيه ؟
ايه هو الفيلم/المسلسل اللي تابعت الاجنبي بسببه ؟!
مؤخرا مبقتش بحب ترشيحات الافلام معظمها بيبقى مجرد تريندات ،ده غير انك ممكن تسال جوجل و هيفيدك اكتر ،لكن انك تناقش فيلم مع حد في نقط زي القصة او الاداء او الفكرة و هل الحاجات دي عجبتك او لا بشوفه افضل
علامة من علامات الاكشن ،الجزء المفضل عندي هو rogue nation ،كأداء و صعوبة المهمة و منطقية الاحداث .بعديه ghost protocol
اجمل افلام اكشن التسعينات اللي بحبها ،اكيد فيه اكتر بس دول مميزين عندي جدا ،و للمفارقة نيكولاس كيدج بطل ف ٣ منهم ، رأيكم فيهم؟ ،و لو في افلام تانيه مميزة عندكم؟
في افلام جيمس بوند عجبني ٢ بس شون كونري و دانيال كريج .
شون كونري عشان الكاريزما و اداؤه و بداية الفكرة و محاولة انتاج تكنولوجيا في الستينات ، و دانيال كريج بسبب العمق اكتر ف افلامه ،يعني يمكن كان افلامه هي الاقل ف استخدام ادوات متطورة(زي المعروف عن جيمس بوند) لكن اعمق ف التمثيل و اعمق في ادوار الشر .
ليه نجوم السينما دلوقتي افلامهم قليلة جدا ؟ يعني عادل امام مثلا عمل تقريبا فوق ال ١٢٠ فيلم و ده واحد من غير م نحسب افلام نجوم الجيل بتاعه
ده اكبر من عدد كل افلام (احمد حلمي،احمد السقا،كريم عبدالعزيز،محمد هنيدي،احمد عز) تقريبا اكبر من عدد افلام كل ممثلين الجيل ده و يمكن الجيل الحديث كمان
الممثلين بالنسبه ليا مستويات على حسب الجودة و الكاريزما و القدرات ،لكن اعلى مستوى هو الممثل اللي شخصياته ملهاش اي علاقة ببعض متقدرش تشوفه جوه الشخصية بيختفي هو تماما،و تنوع الشخصيات اللي قدمها خالد صالح كان عبقري لدرجة انه عمل مرتين ظابط شرطة فاسد و الاتنين ملهومش علاقة ببعض اصلا واحد م الشرق و واحد م الغرب،واحد من افضل و اقوى ممثلين السينما المصرية
هل مش بتركز ديما مع كلام(زوجتك -خطيبتك) ولا ده بيحصلي لوحدي؟ لان بتحصل حاجات ولما اعترض اكتشف اني اتناقشت فيها قبل كده و كمان كنت موافق عليها!!!