u/babyychiara

الاوضه هتبقى ساكنه اكتر

ماما مش هتنادي عليا عشان الغدا تاني

اختي مش هتدخل وانا بعمل شعري تحكيلي عن حجات في يومها

مش هصحى من نومي وفي نغزه في قلبي عشان انت جتلي فالحلم

اليوم هيمشي طبيعي عادي والحياة هتكمل

المكتب مترتب والكرسي قدامه والميكب والحجات بتاعتي مترتبة

السرير مترتب وشعاع الشمس داخل الاوضه من شباك اوضتي

المراية بتاعتي محدش بقى يعدي من قدامها

مش هصحى بفكر فيك تاني ولا بزعل على كل حاجه

صحتي النفسية مش هتبقى أسوا ولا احسن لانها مش هتبقى موجوده

محدش هيسمع صوت اغاني طالع من اوضتي تاني

التابلت بتاعي مقفول مش هيلاقي حد يفتح عليه افلام واغاني

او غالبا ماما هتبيعهم مش عارفه

البوسترز ال عالحيطه غالبا هيتشالو او هيفضلو زي ما هما

مش هقعد اشغل فيروز وام كلثوم تاني الصبح واغني معاهم

مش هقعد انا واختي ناكل مع بعض تاني على سريري وانا تعبانه وراجعه من برا

صوت الاطفال جيراننا فالشارع هيفضل موجود عادي

واختي الصغيرة مش هتدخل تاخد رأيي في هدومها الجديدة تاني

مش هنزل الجامعه ومش هشيل هم هلبس ايه بكرا تاني

الشنط والشوزات بتاعتي هتتركن مش هلبسها

البيت لونه مش هيطفى ولا هيزيد لون...هيفضل زي ماهو

مش هسمع زعيق بابا تاني او خناقات اهلي او مشاكل

مش هتمنى انك ترن عليا او تكلمني عشان احكيلك قد ايه تعبانه من غيرك

مش هفتح ابلكيشن ورا ابلكيشن كل شوية عشان اشوفك بعت او لأ

انت غالبا هتفكرني خلاص نسيتك واختفيت

ممكن تكلمني بس بعد فترة ، وغالبا موبايلي مش هيكون موجود او لو موجود ماما ال هترد عليك

الاوضه ممكن تبقى ابرد شوية لان محدش بقى يدخلها او يمكن ماما تدخلها مرة كل فترة

مش هفتقد حجات كتيرة بس اتمنى اكون مقدرة كل حاجه وانا ماشية وممتنه ل دا .

انا بتلكك عشان اعيط انهارده ف مش هعيط لوحدي عيطو معايا