u/DayPractical2713

اني ضيعت تقريبا 7 سنين من ال2013 الى ال2020 ولا اي شئ يذكر او اي انجاز و الحياة بدت عندي من ال2021 الفضل لله ولكن اقسم بالله مناكل صوابعي ندم ع السنين الي فاتو مشو في الا شئ خدمة و صرف و زرادي حتى سفر لا و مافيش قراية و احد الاسباب القوية القروبات والله ديما ننصح في الجيل الجديد اي حد مش متع قراية ولا خدمة فوته بيضيعك معاه او اي حد نكدي و يحبطك فوته لان اني هكي زوز قروبات الله يسامحهم وخلاص و لليوم زي ما هماو الحمد لله سيبتهم و طلعت ولو نخدم زي توا قبل راهو مداير مليون شئ ع نفسي بس الحمد لله نصيبات الدنيا

تقراءنحن عيلة تتكون من 4 خوي الكبير متزوج و متهني و عنده 2 ولاد و عيلة هادية جدا و متعلمة و نصلو ونخافو ربي و حياة طبيعية زي اي عيلة و اني باني شقتي فوق الحوش و عندي اخت صغيرة تقراء و زي باقي الناس و لكن عندي خوي م98 معاش عرفنا الحل معاه لان يدخن في حشيش و يمد في ايده ع الفلوس نسكرو في الديار عليه و نحينا منه مفتاح داره معاي في الشقة (بعد ما نتزوج بيطلع منها) الدوة معاه شئ شئ بالمنطق ما يبيش بالعلم بالضرب و الحرمان بالمعاملة الجافة و المعاملة القنينة راسه مسكر و ديما عايش دور الضحية ومش عاجبه شئ ماشي بي انتم جبتوني اصرفو عليا و اني منتزوج فترة جاية امي و بوي متوترين انه يقعد معاهم في الحوش لوطه اصلا المسبب الاكبر للمشاكل هوا ( مرة طلع شهرين قعد مأجر و يجي خميس و جمعة الحياة زي العسل ماشية), حتى عرضنا عليه العلاج قال لا انتم جيبولي العلاج شنو الحل ؟

في شئ مخوخمني اني ، تخايل صانع محتوى لما بيدير دعاية ع محل او اي شي ياخد من 2000$ و اكثر هذا الي شهرته كويسة مش قوية هلبا للعلم ، يطلع ما يقارب 13000 الف ليبي ع ريلز المدة متاعه دقيقتين فقط تخايل ان الدقيقة محسوبة على 6500 ، و الدكتور قري وتعب و سهر و تخرج و خدم و تحته بنادم و تخطيط قلب و اكسجين و مليون شي و روح تحت ايديه يدير في العملية الي تاخد في اكثر من ساعتين مرات يطلع بي 10000 فقط فيها بالكثير ، كيف صار مش عارف 🤷🏻‍♂️

شعور التخرج من الجامعة و اخد البكالوريوس، من الثانوي واني ننتقل من كلية لكلية لان مش راغب شي فيهم ، ولما جي خاطري في مجال نحبه و هانية قالك لا لان هادي كلية الفنون و الاعلام للأغبياء والمثليين و الجو هذا (تعرفو التفاصيل) و الكلام هذا مع ان خدمت في راديو و طالبو بيا قناة بانوراما قبل مراسل تجريبي لمدة 3 شهور بس نظرة العائلة غير صحيح للأعلام ومنها اني خدمة فقط لليوم مع ان طورت نفسي و حالياً شاد موارد بشرية من اشهر الشركات في ليبيا بس قاعد بالثانوي

امي حفظها الله دكتورة و تقعدت و فايتة ال60 عام ربي يطول في عمرها و يشدها بصحتها ولكن مُصره انها تقري في الجامعة و هيا ما ليهاش علاقة بالتدريس و رجليها تعب و محاضرات و ما نبيش حد يضحك في المحاضرة ولا يقولها كلمة بايخة لان مناكله وجهة ، سبورة و قناة تيلي جرام و جري و لهيد والله ما قده نعرفها + انها تحسس من اي كلمة كان تقلها قصيرة تحرج لابال يجي فرخ يضحك ولا يلوح كلمة هكي ولا هكي تمرض و هيا السكر ع الحافة و الضغط كل شوي راقي ، نبي حل لان ما تبيش تقتنع والله افيدونا يبارك فيكم