ليبيا صح بلد نفطية بس مش زي مايقولو في الاخبار او في التقارير كله هذا نحس فيه كذبة ان ليبيا غنية ومش عارف شني والغرض من الكذب هوا التحكم وتهدئة الشعب والسيطرة عليه ، وبعدين اني بحثت في هذا الموضوع ولقيت ان العراق والكويت بل وحتى نيجيريا مخزونها وانتاجها اكبر من ليبيا، وحنّي في ترتيب ال15 عالميا بالضبظ
انا شاب 17 سنة نخدم في موزع شفرات
المهم دوامي المفروض ينتهي 10 مساء.
وانا نسكر خشوا اثنين واحد منهم في العشرينات والاخر ثلاثيني ومعاهم طفل صغير يبو رقم مميز
المفروض هما كبشر عاقلين يصبوا باحترام وينتظروني ننهي الخدمة بس طبعا لا.
العيل يجري ويخبط وحوس المحل وانا ساكت.
والاخر كل شوي يفكر في رقم ويغيره لين قعدنا لعند 10 ونص
وبعد هذا كله طلع رقم سعره 75 مدلي 30 وقالي تو بعد نجيك مرة اخرى نجيبلك الباقي قتله ميصيرش طلعلي اوراق ومش عارف ايش وانا في الجيش كتيبة مش عارف ايش وخوذ رقمي و و و
المهم خلصت الباقي من جيبي ولما روحت اتصلت بالرقم اللي عطاه ليا طلعلي غير مستعمل (عطاني رقم غلط)
نبي نعرف ليش انت مسلم وشن خلاك تختار الديانه هادي بتحديد والي خلاك تكمل فيها
(مفيش اي الألحاد او كفر في الموضوع )
رشحلي كتاب خلاك تطلع منو بحاجة اثرت فيك جدا
انا بدا عندي تفكير انه افضل التخصصات الجامعية في ليبيا هما 4 تخصصات... ومرتبات من الافضل الى الاقل اللي هما.. هندسة مدنية ٬ طب بشري ٬ قانون (وتكمل محاماة او معهد قضاة) ٬ محاسبة .
الموضوع انه
1_هادم اكثر تخصصات يمكن تحصل منهم ايراد مادي ممكن يعوضك شوي على عمرك الي راح .
2_ تخصصات ماتعتمدش ع الدولة او ع تعيين وتقدر تشتغل بيهم وانت حتى ف الحوش.
3_تخصصات مرغوبة حتى دولياً.
ومع هذا انا قريت تخصص بعيد ع التخصصات هادي .
مجرد راي شخصي
في كل فيلم في امريكي حتلقا البطل في نهاية الفيلم يبوس في صاحبته وانقدها والدنيا مدمرة وارها ولا كأنه ويتم نشر فكرة ان الحب هو المخلص هو المنقذ وهو حل البشرية من كل شئ.
الشئ هذا انتقل لينا وللعالم ككل حقيقتا، وهذا علاش الزواج يفشل والناس تتفاجئ بعد الزواج بإن مشاكلها مانحتلش و ان الحاجات اللي مزعجة قبل الزواج مازال مزعجة بعده وان الحياة مش وردية بالعكس الزواج مثلا مرحلة ثانية مختلفة بهمومها وافراحها ومشاكلها ومسؤوليتها، فامتعتقدش ان الحياة زي الافلام ان لما تحب و تتزوج تبدأ الحياة فجأة وردية والجو جميل والهموم والاحزان تختفي، كيف بادي ياتشم.
ثانيا: من غير حتي الزواج والعلاقات، هي فكرة الحب يعني روجوا لها بشكل اسطوري وعلي حساب القيم الاخري، علاش مانتكلموش علي العدالة زي مانتكلموا علي الحب، علاش منتكلموش علي الابداع او الجمال او التضحية او الارث او الحرية او الواحب.
من قال مثلا ان الحب اهم من العدالة و الواجب ، العدالة والواجب اعظم وارقي من الحب بمراحل، الحب علي الاقل الرومانسي منه هو غريزة هو انجذاب جنسي لا اكثر و لا اقل، فكيف هذا الحب اهم من الواجب اللي هو الشئ العقلاني بالكامل اللي لابد ديره تحب او تكره، تموت او تحيا لانه واجبك وعطيت كلمة، لكن ترا جرب تقول لزوجتك مانديرش في الشئ س لان نحبك ندير فيه لاني واجبي ، يمكن تطلب الطلاق فورا.
فأيه، مش الحب الحاجة الوحيدة في الدنيا كقيمة ، في عرم قيم اخري اهم وارقي من الحب بمراحل،
نبي حد يوريني من وين نبدا او كيف نبدا بتفصيل او حد يفهم في cybersecurity ولا hacking، يقولي كيف تعلم ومن وين بدا وكم خذا من الوقت🙏🏻
ليبيا عندها موارد ولكن الموارد لا تعني الغنى، الغني الحقيقي هو المعرفة يعني لو عندك ٤ تريلون براميل نفط، والعالم فجأة استغني عليه، شني بدير بيه المورد هذا.
نتفكر في ايام زمان اللي يقولوا نحوا معمر لانه بيبدل الدولار بالدينار الذهبي، باهي وبدله، بسهولة يقولوا نقعه واشرب ميته الذهب لان كل شئ تقريبا تشري فيه منهم، الدواء والغذاء والبنزينه و اللبس. هما يقولوا لك شني يقبلوا مقابل خدمتهم مش انت تقوللهم.
حد بطاطا وخيار وطماطم وموز وكل الخضروات، وانت عندك ملح وحتي هو عنده غر مش هلبة زيك. انت قتله بنبيع لك الملح بالذهب وبنشري منك بالذهب، هو ببساطة يقولك مانبيش وانت اللي محتاج واللي نقوله انا بيمشي.
المعرفة وتحويل المعرفة هاذي لصناعة واكتفاء ذاتي، هي الغني الحقيقي، تونس اغني مننا لو غدوة صارت حرب عالمية ثالثة من جديد، التوانسة حيطلعوا منها، حني ماعندناش مانكلوا.
الدولة وحتي انت شخصيا تعرف قداش قوتك بعرفة مقدرك علي تحمل الكارثه لما تصير، حد طول عمره في القطاع العام وليه ٢٠ سنة فيه ويأخد ٥٠٠٠ د، وعندك موظف ليه ٢٠ سنة قطاع خاص يتنقل وينقز من شركة لشركة وبزنس لبنزنس، ومتوسط معشه ٣٠٠٠ دينار.
من في اعتقادكم حيقعد حاله كويس لو برميل النفط نزل ٤٠ والدولة قالت بنقص موظفين