اختفاء الاماكن الثالثه (للنساء بالخصوص )
الاماكن الثالثه هي اماكن الاختلاط (socialising ) الي تروحها و تكون بدون تكلفه و ما تكون المنزل او العمل
اول كانت المجالس مفتوحه بكثره و البيوت ابوابها مفتوحه
انا انسانه اجتماعيه و احب اعزم الناس و احب اروح للناس
الان كل الزيارات صارت محسوبه بالملي عدد الحضور و نوعية الناس الخ الخ
يعين اول كنت اذا بروح ازور وحده والد ادري بختلط باهلها و ناسها و الي يعزون عليها لان الزياره خليطي
اسبوع الماضي سيرت على صديقتي والد بس هي المحدده اليوم و عدد المعازيم ولو اني اشوف هالشيء ممتاز و افضل لها خصوصا للوالد بس يوم رجعت لكل الجمعات و المناسبات لاحضت انها نفس الوجيه نفس الناس من سنين نعرفهم و نعرف وجيهم ماعاد الدنيا صارت صغيره اول كنت اتعرف على فلانه و اكتشف انها حماة علانه الخ الخ
باستثناء الزواجات ممكن و حتى عدد المعازيم صار يتقلص
اعتقد ممكن الرجال عندهم المجالس او الاستراحات للان مفتوحه و يختلطون ببعض اكثر و لكم لاحظت بدوا يقلصون جلساتهم ايضا
وش رايكم في هذي الظاهرة