جامعي بس استنجد فيكم يالثانوي
انا جامعي قفلت القدرات اذكر في ثالث ثانوي في زنقه بنت كلب تحصيلي و قدرات و المدرسه اذكر وقتها من الضغط كنت ابكي واذاكر ف بطبيعتي كوني أخ كبير ما ابغى اخواني اللي اصغر مني يطيحون في فعلتي ( التسويف لين ثالث ) طبعا عندي اثنين اخوان اصغر مني كل واحد اكبر من الثاني بسنتين ، اللي اصغر مني كنت انصحه وهو في ثاني وقتها وأنا اول جامعه كنت أقوله ارمي الجوال وذاكر احسن لك ما أبغاك تصير مثلي وتنضغط يقولي مالك دخل كنت انقهر ليش متعب نفسي في واحد ما يبغى نصيحه قلتله بشغلك ذا محتجيب حتى ثمانين قال تمام توكل وكان ما يتقبل أي نصيحه مني راح ثالث وصار له نفس اللي صار لي وانضغط ضغط أنا ما انضغطته اول دفعه مسارات وقدرات وتحصيلي والثانوي وستيب أتوقع قاعد أشوفه واقوله قايل لك بتنخنق المهم قفلها ب 93 وبعدين انحجبت وعاد وجاب نفس الدرجه والحين هو هندسه (ماشاء الله) . الحين وصل اخوي الصغير لأول ثانوي أقوله ذاكر بس في اليوم ساعه ما تضرك نفس الموال يزبدلي ويقولي مسوي لي فيها الأخ الكبير وتوكل ومالك دخل وهذا بحكم انه آخر العنقود وتيتم وهو عمره ثلاث سنوات مدلع بشكل مهول وعنده حصانه ف اللي اقدر أسويه إني اقفل عليه البيسي حقي ما يلعب عليه يروح لجواله وجواله الحين ما صار يفكه أقوله بس نص ساعه ذاكر واعطيه محفزات يتحمس معي لين اجيب له الشي اللي طلبه بعدين اساله ذاكرت يقول لا فـ الزبده مو راضي يذاكر ولا يسمع
نصايحكم يا اخوان.