I'm hopeless, is there a way out there?
Nharkom zin ennes elkol :))
Avant tout netmanna surtout ennou mafamech chkoun bch yetnammer wala yetmanyek 3al klem eli bch n9oulou wala y'attaquini 5ater s3ib bch na7kih chwaya.
N7eb npartagi 7keyti w nchouf fammech chkoun 3ach b tajrba kifi 9bal, w 5raj menha wala chkoun expert ynajem yansa7ni, w raghm elli s3ib eli bch ysada9ni mais bel7a9 ena ensen ma3andi 7ad fil denya, walit 3ayech isolé w déprimé taw 3andi 1 an presque, la no5rej la ndour la na7ki m3a 7ad, la nesta3mel social media w la na7ki m3a 7ad presque.
J'ai 34 ans tawa, célibataire, encore 3ayech fi dar baba eli 5alehelna allah yar7mou, 5weti zouz bnet akber menni metweffin zeda, w 3ayech lehi b ommi mra kbira 3morha 77 ans, mridha avec mobilité réduite.
Bennesba lel vie professionelle, 3malt expérience de 6 ans fi mon domaine a l'étranger fi société Internationale kbira w hamdoullah 3andi fi mo5i el minimum, 3andi Master fi Université min Tunis, na9ra ktob barcha ltawa, w na7ki 4 langues a part l'arabe, C1 Francais w C1 Anglais.
Vie perso? l7a9 ma3adech no93od m3a s7abi fi Tunis 5ater 3ayech fi cercle tefeh, nes tmout 3al rakcha fil 9hawi w ymarmdouk ki yrawek cheded kteb, mawedhi3 tefha ken 3al koura, politique, sexe, drogue..
3andi un ami proche mais mouch fi Tunis, yomkon howa elli mazelt en contact m3ah men s7abi, w sa3at na3tiwha sahreya Gaming en ligne mais a part ca pas d'amis..
Zeda l7a9 menich quelqu'un d'attirant physiquement, 3andi manque de confiance fi rou7i, w lowkey n7es eli j'ai des troubles mentaux zeda, raison pour laquelle peut etre zeda 3omri ma sou7ebt wala 5rajt fi date m3a tofla (I'm straight, w ghriba na3ref.. mais yomkon ne7chem barcha in-real w ma nerte7ech lel 3bed bil sehel, w mouch dima nal9a nes yabdew m3aya sur la mm longueur d'onde.)
Bref ma ntawalch 3likom, dhourouf lazzetni narja3 n3ich fi Tunis menha eli kont na7ki fih 3la 3ayelti, el ghorba w la solitude zeda mais le truc ennou ki rja3t lenna 7awelt n3awed nebni rou7i men jdid fi bledi, 9olt belekchi 7yeti tetbadel nhar pour le mieux, na3ref nes jdod mais binetna sakart 3la rou7i akther.
Hamdoullah financièrement mastoura chwaya 5ater, je sais bien gèrer mes dépenses, deja la nochrob la netkayef, donc 93adt netmasref modda twila melli kont m5obih, mais ta3rfou denya so3bet w barcha 7ajet tbadlet..
Ma l9it 7ata thneya n3awed nraja3 biha rou7i lel rythme eli kont 3ayech fih, jarabt entrainement modda w batalt (je suis obèse), 5edma fi Tunis fi 2 sociétés mouch fi domaine mte3i w 7asit brou7i zombie fil 5edma ndhaya3 fiha presque 13h par jour pour un salaire de 1100-1400 TND max donc 9assit.
D'ailleurs ltaw npostuli activement ltawa mais l7a9 les seuls retours elli 9a3din yjiwni aghlabhom min les centres d'appel, mouch domaini w menich netkabber mais la réalité entouma ta3rfou wa7adkom, du coup rasatli 9a3ed battal ltawa 3ayech netmasref chwaya mil freelance w chwaya mil side hustles.
N7eb na3ref est-ce que famma mosta9bel lwe7ed kifi? za3ma hedha elkollou aftermath 3aychou ena mta3 choc culturel mel conditions de vie eli kont 3ayech fihom lbara?
Est-ce que bch yjini nhar w no5rej mil we7da elli ena fiha? na3mel s7ab s7a7 wala nal9a chkoun yefhemni w nefhmou?
Za3ma ynajem yji nhar nousel na3ti fih thi9a ltofla w nebniw 7aja mezyena m3a b3adhna? wala mm nousel nebni 3ayla?
Sa3at n9oul impossible weli masiri bch nkamel n3ich wa7di w nmout wa7di, w ma3andi mnin hareb menou el chay hedha... w dima nod5ol fi 7alet mta3 silence w dépression kbar barcha w denya tetsaker fi wejhi w nakrah kol chay..
Bech tans7ouni rani wallah 5oukom 7ayer w 7yeti en mode "Pause", et merci pour vos retours.