تكملة البوست الماضي (:
طيب، أول شي أعتذر على الإطالة😅 قعد يومين بالثلاجة لين ما فضيت و كملتهم،
و بعدين صار لي يومين متكاسل احط الصور هنا، بس خلاص طولتها
هذا البوست الأول:
https://www.reddit.com/r/Saudicook/s/FSRwL9lQcI
المهم، كانت الفكرة باختصار اني بسوي الثوم زبدة و أسوي garlic bread
و زبطت و جيت على النهاية نسيته بالفرن شوي و انحرق الوجه😓
بعدين زي ما تشوفو كانت محاولة إنقاذ بالسكينة شلت الطبقة المحروقة و كان غير المتوقع و نجحت محاولة الإنقاذ الحمدلله و طلع ممتاز لولا انه انحرق شوي و صار أقسى من اللي كنت أطمح له، بس بشكل عام زبدة الثوم مع الترف مرة طلعت أسطورية…
و هنا نجي للبطاطس…
كان على أساس اني سلقت بطاطس بسوي crushed و ابهره و أطبخه ب truffle oil بس لم تزبط معنا، البطاطس طلع انسلق بزيادة و صار ينهرس ما "ينفغص" و هو كان المفروض ينفغص عشان يبقى على شكله، بس لما شفت الوضع ماش قمت أخذت أقرب مخرج…أخذت النص و هرسته مع جبن موزاريلا و دقيق و شوي من زبدة الثوم و سويتها زي الpatties و طبختهم على الصاج مع زيت ترفل للمرة المليون (لأني أحب الترفل و دائما أكل ما أشوف الطبق يسمح أضيف عليه سواء زبدة أو زيت ترفل ولا حتى شرائح و في مرة لقيت جبن بالترفل في التميمي، حلو بس غالي، المهم نرجع للموضوع، طبخته و طلع حلو مرة الصراحة و حطيت فوقه زيادة من الزبدة، صح انه طلع قنبلة على قولتهم بس مرة لذيذ، و باقي البطاطس بس قطعته شرايح سميكة و حطيت فوقه من الزبدة عشان ليش لا و حطيته بالفرن و صار عادي الصراحة ما كان واو، بس كان فيه طعم ثوم و ترفل خفيفين، و بس والله هاذي كانت التكملة و إن شاء الله القادم أفضل (: …و إن شاء الله المرات الجاية ما أنسى أصور لكم😅