u/Dependent_Village_70

الواحد و العياذ بالله ذاكر انهارده اكتر من نص الماده و الامتحان لسه قدامه خمس ايام

مش عارف افهم اهلي بيعملوا معايا كدا ليه ابويا و امي منفصلين من فتره و من ساعتها و الاتنين حساسين زياده عن اللزوم لما الموضوع يخصني بمعني اني لما امي تشوفني بكلم ابويا في الموبايل مثلاً او لما بينزل مصر اجازه و اروح اقعد معاه شويه تقلب عليا و متكلمنيش او تعاملني وحش و ابويا لما مثلاً ساعات مقدرش ارد عليه او انشغل عنه و مكلموش في يوم نفس النظام يطلعني وحش و مش مديله اهميه و المشكله عندي ان محدش فيهم واخد باله ان هما السبب في كدا طول عمرهم بعيد عني و مشغولين بمشاكلهم و بس و محدش مهتم بيا و ايه اللي انا حاسس بيه ناحيتهم و لما خلاص مبقاش فيه مجال للخناق بينهم افتكروا ان ليهم ابن و بقيت مطالب اهتم بالاتنين و ابقا انا قايم بدور الاهل و هما الابناء حقيقي مش عارف اتعامل معاهم
انا حبيت افضفض بس علشان الموضوع ده خانقني

مش عارف اتخطى مواقف كتير حصلتلي في طفولتي و مواقف اكبر من سني اتحطيت فيها و مش قادر استوعب ازاي اهل يسيبوا ابنهم الصغير يوصل لحاله زي اللي انا وصلتلها من عياط و انهيار بسبب مواقف اكبر من سني زي المشاكل العائلية و حقيقي مش قادر الوم حد فيهم بس صعبان عليا نفسي و لما بتخيل ان ممكن طفل في سني ساعتها و يحصله حاجات زي دي بحس اني عمري ما كنت هسكت علي اللي بيحصل

مش عارف بصراحه ليه ساعتها محدش اتدخل و فهمهم ان اللي بيحصل ده غلط و اني طفل مستاهلش يحصلي ده كله

كله كان بيشوفني طفل متدلع علشان مش بتضرب و اللي انا عايزه بيجلي و متفوق في دراستي ف خلاص كدا بالنسبالهم انا تمام

لكن يا جماعه الضغط النفسي و الابتزاز العاطفي اوسخ و اصعب 100 مره من اي عنف جسدي او حرمان و بيفضل معلم معاك طول عمرك و بيشوه شخصيتك و نمطك في التعامل مع الناس

خلوا بالكوا من نفسية عيالكوا و ياريت لو انت مش قد الخلفه متخلفش اصلاً