تحسون رفض شخص للزواج لأنه سليم وما فيه أي مشكلة صحية، لكن أخوه أو أحد من أقاربه من الدرجة القريبة عنده إعاقة، توحد، متلازمة داون أو مرض معين، يعتبر سبب كافي خوفًا من انتقاله لأطفالهم؟ ولا تحسون إن هالسبب سطحي وظلم للشخص؟
إذا الريال قال لزوجته:ما أباج تداومين، أنا بصرف عليج وبوفر لج كل شي هل تشوفونها راحة واهتمام، ولا غالباً بتكون بداية تحكم وسيطرة بحياتها؟
الصراحة عندي خوف من العلاقة الحميمية، مب لأنه استوى لي شي، بس من الأشياء اللي أسمعها. ولفت انتباهي بوست «هل في طريقة نقدر نعرف فيها مدى اهتمام الطرف الثاني بالعلاقة الحميمية قبل الزواج؟»، وقصة ربيعه بعد زادت خوفي من الموضوع.
لأني تربيت على فكرة إن بعد الزواج أنا بس أكون نظيفة وكاشخة، والريال هو اللي يبادر ويعرف كل شي، ودوم أسمع «خليها على الريال». فصراحة انصدمت يوم عرفت إن في رياييل ممكن ما يكون عندهم رغبة أو اهتمام بهالشي.
الحين سؤالي: إذا البنت أصلًا ما تعرف شي عن العلاقة، والريال بعد ما يبا أو ما يبادر، شو المفروض تسوي؟ وهل المفروض البنت تتعلم عن الموضوع قبل الزواج، ولا ممكن إذا عرفت وتكلمت عنه مع الريال يفهم عنها شي غلط أو يحكم عليها إنها مجربة؟
في حاله مرت علي من شخص كان وايد متعلق بخطيبته و كان دوم يزورها و وايد يطول وياها بس ها طبيعي انا اعتبره لأنهم في البدايات لكن موضوع التحكم هذا الي ما كان حلو فيه لدرجة انه يوم قال حق البنت لا تودين امج المستشفى خلي اخوانج يوصلونها ماتحملت البنت و فسخت الخطوبه، الريال الحينه في حاله نفسيه صعبه لانه تعلق فيها
هل المشكله انه تعلق لدرجة التحكم؟ و تحسون لو عطته فرصه و تكملوا بيتعدل الريال؟ و كيف الواحد يقدر يكشف الشخص المتحكم او المتعلق من البدايه عشان ما تستوي مشاكل نفس هاي؟
إذا مرت الزوجة باكتئاب ما بعد الولادة، في شو يقدر الزوج يساندها ويساعدها؟ وهل في وحدة مرت بهالتجربة أو سمعت عن حد مر فيها وتقدر تشاركنا؟
إذا مرت الزوجة باكتئاب ما بعد الولادة، في شو يقدر الزوج يساندها ويساعدها؟ وهل في وحدة مرت بهالتجربة أو سمعت عن حد مر فيها وتقدر تشاركنا؟
بكل احترام ومن باب معرفة الآراء: للرياييل، هل فعلًا تفضلون البنت المربربة/الممتلئة أكثر من النحيفة؟ ولا تحسون إن هالشي مجرد Beauty Standard تعودنا عليه في مجتمعنا العربي؟ و شو تعريفكم للمربربه؟
شو التصرفات أو الصفات اللي تخلي الريال يحس إن الحرمة “ نكديّة”؟
شو التشابهات اللي تشوفونها ضرورية بين الزوجين لنجاح الزواج؟
لو تقدم لكم شخص وايد غني وفيه كل المواصفات لكنه بخيل بتعطونه فرصة؟ وهل تتوقعون إنه يتغير؟ وإذا رفضتوه تحسون في حد بيوافق عليه؟
إذا ريال قال لكم إنه بيتريا البنت لين تخلص دراستها وبيخطبها بعدها هل تثقون بكلامه؟ وهل في حد مرّ بنفس التجربة فعلًا وتزوج بعدها؟
بنات في وحده جربت منتجات لافمنيت و استفدتوا او لا؟
هل في عوايل عادي عندهم يتقدمون للبنت و اييبون ورد طالبين القرب وهديه ذهب بس بدون عقد و يسوون غداء للرياييل و كل شي جاهز من تحاليل و شوفه شرعيه و يعقدون بعد شهر؟
في حد عنده هالعادات لانه نحن نشوفها ك شيء يديد علينا انه يسوون ها كله بدون عقد قران و توقيع و يأخرون ها كله، في عوايل عندنا جي تسوي؟
هل تلاحظون إن الرجل العربي غالبًا يعبّر عن حبه بالعطاء المادي والمسؤولية أكثر من التعبير العاطفي بينما الرجل الغير عربي يكون أكثر تعبيرًا عن مشاعره؟ وهل الرجل العربي فعلًا أقل عاطفة أو بس ما يعرف يعبّر؟