u/Disastrous_Brief6240

السلام عليكم, عندي في الكلية في حاجة غريبة بشوفها بتحصل قدامي و حصلت معايا شخصيا, ان لو مثلا دكتور طالب مشروع برمجي, طالب واحد او اتنين من التيم هما اليعملوه و الباقي قاعد مش بيعمل حاجة, مثال كان عندي مشروع بسيط في الكلية و كنا تلاتة في تيم و انا كنت عامل حسابي الشغل هيتوزع علينا علشان كلنا نشتغل حتى لو المشروع تافه و بسيط بس لازم نتعمل ازاي نشتغل كلنا مع بعض ازاي نستخدم git ازاي ندمج شغلنا مع بعض ازاي نتواصل و كل دي حاجات غصب عنك هتتعلمها لما تشتغل مع تيم بشكل احترافي علشان على الاقل تتحط تحت تجربة, بس طلع واحد معايا في التيم قالي انا عملته كله, قولتله ليه قالي في ما معنى الكلام ان المشروع بسيط و مش محتاج, انا من ساعتها هتجن و المشكلة ان دي شوفتها اكثر من مرة, ليه منخليش كل الناس الفي تيم تشتغل وليه نخلي الناس المشتغلتش تبقى فرحانة و شايفة انها كده ريحت دماغها و خددت درجات بدون مجهود هو بس يقرأ الكود كده و يحاول يفهمه, انا معرفش حد فاهم قصدي ولا لأ, بس دي مصيبة يا جدعان ما ده الهيخلي محدش يتعلم اي حاجة, و حجة العمل الشغل كله ان هو مش حمل وجع دماغ, طيب ده اسمه ايه, الموضوع ده هيجنني, رغم ان انا من الناس الشيافه ان الجامعة مش بتجيب همها في حاجات كتير بس يوم ما الجامعة تعمل حاجة كويسة احنا بايدينا بنضيعها, طيب كده احنا مستنيين نتعلم ازاي مش فاهم, طالما كل واحد مش عايز يحل مشكلة في تيم في مشروع "بسيط" في جامعة, اتمنى يكون قصدي وصل, انا كاتب ده كنوع من النصيحة ان يجماعة لما تيجي فرصة في الكلية انك تعمل بروجكت في تيم اشتغلوا كلكوا و اتعلموا ازاي تقسمه الشغل مع بعض و لو في حاجة مش عارفها هتتنفذ في البروجكت اتعلمها و نفذها, استعمل git و غيره من الادوات, البروجكتات دي انا شايفها فرصة ذهبية حتى لو المشروع تافه, و معلش الكلام الكتير بس الموضوع كان هيجنني.