اليوم سويت مقابلة لمرشحين/مرشحات تمهير
اليوم سويت كذا مقابله لمرشحين من تمهير وودي أوضح لكم اهم الفروقات بين الثلاثة واللي بناء عليها تم الاختيار حتى تفيد اللي مقبل على انترفيو
المرشحة الاولى كان السيفي ممتاز، المؤهلات والشهادات 👍🏻 بس كانت أجوبتها كلمة ورد غطاها، حتى أننا اضطرينا نعيد السؤال بصيغ مختلفة حتى نحفزها تحكي بس ما ادري كانت متوتره او ماعندها جواب ( ماكان هالشي واضح ) بس كانت well put together ومابينت توتر او ارتباك
معلوماتها ما كانت كافية عن طبيعة المجال ( تكنكلي ما كانت تمام )
تمطيط بالكلام وصارت فيه اسئلة بيننا بعدين على الاتيتود لو بيكون عائق
الثانية كانت مرتبكة جدا جدا حتى انها اعتذرت عن هالشي كذا مره خلال الانترفيو وكان صوتها يرجف، معلوماتها كان لا باس فيها ومؤهلاتها اقل من الاولى، مشروع التخرج تكلمت عنه بثقة ومره ممتاز ومرتبط بطبيعة عملنا
الثالث كان متوتر ومن التوتر كان ينسى الكلام اللي بيقوله ، حتى انها صرح انه كان مجهز مره زين للمقابلة بس من التوتر نسى كل شي
توقعاتكم من اخترنا وليش؟
تحديث: اخترنا الاولى
على الرغم من انه كانت فيه تحفظات على سلوكها وقت المقابلة وادائها بشكل عام في الاسئلة التكنكل بس كمؤهلات راح تخدمنا باللي نحتاجه، يعني نجحت بصياغتها بالسيفي بحيث أقنعنا اكثر من أداءها بالمقابلة وقلنا ان المقابلة ما نقدر نحكم فيها عليها ونأخذ انطباع عادل
النصيحه شباب وبنات، اتفهم التوتر خصوصا ان الأغلب تكون هذه اول انترفيو له لكن لا تخلي هالشي يوضح أمام المتلقي
حتى لو وضح لا تعتذر عنه او تتطرق له بكلامك ( اسف توترت ) (معليش نسيت )
خليك واثق دايما
Fake it till you make it
وخليك دايما جاهز لثلاث اسئلة وجهز إجاباتك عربي وانقلش لها
١) تكلم عن نفسك
٢) ليش مهتم تنضم لنا
٣) مصطلحات ادارية والفروقات بينها للاسئلة التكنكل
وبالتوفيق للجميع يارب 🙏