هل طبيعي اني اقز من الرجال اللي يدقون الميانة مع البنات بالدوام و العكس؟ يعني انتم في محل عمل تاخذون قهوة و فطور لبعض و ترسلون ميمز و غباء. قرف. هل رجال ممكن ياخذ وحدة تسوي كذا بالدوام للناس؟ انا مستحيل اتخيل زوجي خفيف كذا.
Am I closed-minded?
السلام عليكم. خطيبي وقت دراسته للبكالوريوس ابتعث امريكا قبل لا ننخطب. زوج اختي تعرف عناس طلع انهم كانوا معاه وقت الدراسة و قالوا انه كان عنده حبيبة طول مدة الاربع سنين و فالينها يعني اذا فهمتوا شو اقصد كانهم متزوجين بس بدون زواج….
واجهته و طلع صدق .. انا ميتة من الداخل حرفياً الله لا يحط حد مكاني، بس ما في دموع تطلع. و بنفس الوقت اخاف اظلمه لانه يقول تاب و وفترة طيش.. انزين حتى انا كنت مراهقة و عشت فترة طيش بس ستل ما ضحيت بديني و شرفي.
هل عذر كافي ارفض؟ و لا انا اظلمه؟ بس ربي قال لا ينكح زاني الا زانية او مشركة .صح ؟
المشكلة انه جلس ينكر لاخر لحظة تمثيله ابهرني انا اتمشى اقول لاهلي هو انسان بريء و عنياته طلعت انا البريئة .
حتى لو انا اظلمه انا مستحيل اطالع بوجهه او اقبل فيه زوج لي انا عندي الاجابة بس افضفض.. حبل الكذب طول عمره قصير.
السلام عليكم. عندي مشكلة مع الكوابيس لدرجة صرت اكره النوم اقرا الاذكار و احاول ما اكل شي ثقيل قبل النوم او ما اتعشى لكن ما في فايدة.
اختي قالت اني اصر باسناني و انا نايمة بصوت عالي (احكهم فبعض) و فعلاً لما اقوم من النوم احس بألم بفكي. اتوقع اعراض توتر و ضغط نفسي الغريب ان انا مسيطرة عنفسي طول اليوم و ما احس ان التوتر مؤثر علي بذاك الزود عايشة طبيعي يعني و اطلع اغير جو و عايشة حياتي .
احد مر في اعراض كذا او ينصح بشي اسويه يخفف بدون اروح لدكتور نفسي لان ممكن يأثر على وظيفتي. شكراً.