u/Double-Cry-3414

are all girls against bi girls or lesbians ?

صراحه مش مرتاحة اني احكي هيك بس بنفس الوقت بدي احكي لأني حاسه ابصر كيف و اتمنى ما يكون علي ذنب لأني بدي افضفض بسببها

اختي اكبر مني بسنة و علاقتنا عادي زي اخت واختها ف ب 2019 كنت حاكييتلها سر عني( هو كان غلط بس مش مبرر ل اللي هي عملته معي ، وقتها حكيت مع شب اول مره بحياتي ) و مسكته علي هددتني فيه شهر انو اذا ما بعمل اي شي بدها ياه بتحكي لماما وبالأخر حكتلها وكانت اسوء ايام حياتي بسببها حتى وقتها علاقتي مع امي خفت شوي بس بعدها رجعنا عادي

انا من هداك الوقت صار عندي trust issues بسببها و بشكل كبير يعني اذا اختي هيك كيف الغريب ؟

حرفيا ما بأمن عليها ولا بسر عني و لحد الان ما بحس بأمان معها و صح انو بنحكي مع بعض بس حرفيا مرات بنفر منها بدون سبب لهالدرجة موضوع هيك أثر علي و هي من النوع اللي بعيد القصة اكثر من مرة يعني كثير بتقعد تنقد اهلي لما يصير اي شي او نتطاوش (زي اي عيلة عادي) بتضلها تعيد بالقصة والمشكلة يعني انا معها بنفس البيت بشوف وبعرف بس بختصر ف انو يعني عملتلي عقدة صرت اتعقد بس تحكي معي انا انسانة ما بحكي ع اشي كثير بكتم ولا بعلق ع اشي حتى لو مش عاجبني و هي دايما بتحاول تمشي البيت زي ما بدها وبتضلها تتأفأف و مرة اكشتفت عندها نفاق بس مش رح احكي شو هو بس يعني ليش هيك ؟

انا عندي دفتر بكتب فيه افكاري واي شي بدي ياه و ما بعرف وين اخبيه لهاي الدرجة وصلت معي و بالأخر لقيتها فاتحيته ما بعرف اذا قرأت بس قالتلي الورد بدفترك حلو لاني كنت حاطه فيه ورده

و مرة كنا قاعدين كلنا ف امي كانت تحكي انها ما كانت بدها تجيبني (انا اجيت بالغلط اصلا) و من هالحكي واختي صارت تحكي (ييي يا فلانة ما كانوا بدهم ياكي ) وانا صرت اقول عادي عادي وامي صارت تمدحني بس يعني اسلوب شفقه اتمنى فهمتوا انه يعني امي مش قصدها اشي

بس انا من زمان بحس حالي احتياطية بالعيلة وما الي مكان انتمي فيه و انا اللي دايما لحالي حتى لو الكل حواليي بس دايما شعور الوحدة واني انسانة مش مرغوبة فيها مصاحبني من وانا صغيرة صغيرة و بحزن على نفسي وانا صغيرة لأني كمان كنت احس هيك بس انا ما ببين عحالي هيك اشي انا شخصيتي قوية و بخلي هاد الاشي بيني وبين نفسي

و اختي مره ظلمتني باشي واهلي صدقوها وانا من القهر مش مسامحها ولا على اشي من اللي عملتلي ياه ومش دايما بطيقها و مرات بتمنى انو امي نزلتني كان احسن الي من كل النواحي

و بتمنى ما تفكروني اني بكبر الموضوع بس هاد هيك اختصار لنقطة ببحر بتمنى تتفهموني و شكرا