u/Downtown-College-306

الصراحة فيه شيء دائمًا يخليني أستغرب.
لما كنت أدرس الثانوية في أمريكا، كان كثير من المدرسين يقولون لنا: “اجتهدوا وادرسوا زين عشان ما تكون نهايتكم تشتغلون في مطاعم الوجبات السريعة.” لكن المفارقة أن الحد الأدنى للأجور وقتها في مطاعم مثل Panda Express أو Burger King كان تقريبًا بين 15 إلى 18 دولار بالساعة، وكثير من اللي يشتغلون فيها كانوا طلاب ثانوية يشتغلون بارت تايم أثناء الدراسة، يجمعون مصاريفهم أو يعتمدون على برامج دعم مثل FAFSA.

وطبعًا الحمد لله على الابتعاث، والمكافأة كانت تقريبًا 1736 دولار شهريًا، لكن بعد كورونا وارتفاع تكاليف المعيشة والتضخم صارت بالكاد تكفي في كثير من المدن الأمريكية، خصوصًا مع الإيجارات والتأمين والمصاريف اليومية.
المشكلة اللي فعلًا تثير الاستغراب هي أنك تشوف طالب ثانوية أو شخص يشتغل بارت تايم في مطعم ممكن دخله يوصل أحيانًا أعلى من راتب بعض المهندسين حديثي التخرج، رغم أنه لا أنهى جامعة ولا حتى أحيانًا أنهى الثانوية.

والموضوع هنا مو موضوع “كفاءات”.
أنا درست في أمريكا، وتخرجت من جامعة تصنف الأول على الولاية، و من جامعة تُصنف ضمن أقوى 20 جامعة عالميًا في التخصصات العلمية والهندسية، ومع ذلك لما دخلت سوق العمل صار من الصعب أحصل على وظيفة براتب يعادل حتى جزء من الأرقام اللي يحققها طالب ثانوية يشتغل بارت تايم.

هنا يجي السؤال الحقيقي:
إذا كان التفوق الأكاديمي و التقني، والجامعة القوية، والاجتهاد لسنوات طويلة، كلها ما تضمن قيمتي العادلة في سوق العمل، فهل فعلًا المشكلة “كفاءات”؟ أم أن المشكلة أعمق؟