محتار ومصدوم من بنت سودانية.. محتاج أفهم وجهة نظركم بكل صراحة
مرحبا** يا جماعة
أنا شاب فلسطيني حابب أفضفض معاكم وأفهم منكم موضوع تعبني وصادمني كتير ومش قادر أستوعبه
أنا بدرس برة في دولة مش عربية وهناك اتعرفت على بنت سودانية كانت عايشة بالسعودية وبعد الحرب نزحوا وكانت هي البنت السودانية الوحيدة بالجامعة عنا وما في عنا سودانيين غيرها أنا كنت بآخر سنة وهي كانت بأول سنة إلها
لأنها كانت مغتربة ولحالها وبتمر بظروف صعبة وقفت معها بكل كبيرة وصغيرة أنا معروف عني إني متفوق جدا بالجامعة وبصفتي مقيم بنفس البلد من خمس سنوات وعندي خبرة فيها ساعدتها في كل شيء دراسيا وكنت أطلعها وأجيبها وأخفف عنها غربتها علاقتنا استمرت سنة تقريباً**** وما عمرها طلبت إشي إلا ويكون حاضر بنفس اليوم وعمرها ما دفعت أي إشي حرفياً ما قصرت معها بأي شي وأعطيتها كل الحب الأمان والاهتمام وعمري ما زعلتها بكلمة
كنت جاد جدا معها وبدي إياها بالحلال لدرجة إني حكيت لأهلي عنها وخليتها تحكي مع أهلي وتتعرف عليهم عشان نرسم الأمور على أساس إنه هي رغبتها تتزوج لما تتخرج مع العلم إنه هي بدت دراسة الطب على عمر اثنين وعشرين يعني بتتخرج وعمرها ثمانية وعشرين سنة وأنا حكتلها إني مستعد أستناها وما عندي أي مشكلة وطمنتها من هالناحية
الصدمة وين في نفس يوم تخرجي اليوم اللي المفروض أفرح فيه بعد تعب السنين اتفاجأت فيها باعتالي رسالة بتصدم بتقولي فيها علاقات الحب حرام ولازم نترك بعض وسكرت الموضوع
أنا أكيد ما عندي اعتراض على الدين بس اللي صرعني إنه تصرفاتها على أرض الواقع تانية خالص وكانت تقدم حب واهتمام بس مش بنفس القدر اللي كنت أعطيها إياه هي ضايفة شباب سودانيين كتير عندها على الإنستغرام وبتتفاعل معهم عادي ومرات بتنزل صورها بدون حجاب وبتسلم بالإيد عادي ولما كنت ألمحلها إنه هاي الأشياء بتضايقني وتغار عليها كانت تقولي عادي عنا بالسودان هاي الأمور طبيعية وثقافتنا هيك فكيف فجأة صار الحب اللي بيننا والارتباط الجاد هو اللي حرام وباقي التصرفات عادي
أنا حاسس بظلم وكسرة خاطر مش طبيعية ومستغرب ومحتار هل فعلاً**** الثقافة هيك ولا هاي كانت مجرد حجة وشماعة عشان تنهي العلاقة وتتخلى عني بعد ما أمورها استقرت بالجامعة وغير هيك هي حكتلي قبل هيك إنها كانت بعلاقة حب استمرت خمس سنين بالسودان وأذتها جداً فهل معقول هادا الشخص اللي كان بحياتها رجع فجأة وباعتني عشانه
يا ريت تشاركوني رأيكم بكل صراحة لأني بمر بفترة صعبة ومحتاج أفهم شو اللي صار وشكراً**** إلك**م