r/KHARTOUM_

والله الحاله صعبه لو ماعرست قريب ممكن اجن رسمي

ما عايز كتير، عايز بس اتزوج وحدة بتحب تطبخ الحاجات from scratch زيي، يعني يوم نقرر نسوي لبنة بدل نشتريها نجيب الزبادي ونعلقه يومين تلاتة لحد ما يبقى تقيل ونديه زيت زيتون ونعلبه وناكل منو، ولا نشتهي سندويشات بطاطس، بدل نشتري نمشي نجيب خيار ونخلله ننتظره اسبوع بعد يتخلل نجيب الدقيق نسوي عيش سوري في البيت ونسوي التومية ونسوي الكاتشب بالطماطم ونحمر البطاطس ونستمتع بأفضل سندوتش اخد مننا اسبوع انتظار.

ولا افضل شي الخبز، نسوي sour dough من الصفر ونعمل starter ونقعد كل يوم نتابعه لحد بعد اسبوعين يكون جاهز ونبدا نعجن العجين وكل شوية نجي نعمل ليه stretch and fold ونختو في التلاجة لحد بكرة ونخبزه وناكله مع اللبنة السويناها سابقا، لا نجيب حليب ومنفحة ونسوي كل انواع الاجبان في البيت، موتزاريلا وجبنة الدويم ونسوي cream cheese ونسوي بيها بعدين cheese cake وناكلها مع مربى فراولة برضو نسويها في البيت برانا، نجيب الفراولة نديها سكر وشوية ليمون وعلى نار هادية لحد ما تتقل ونعلبها في برطمانية.

يارب يارب يارب يارب يارب يارب يارب يارب يارب☹️☹️☹️☹️😣☹️😣☹️😣☹️😣☹️😣☹️😣😣☹️

يا جماعة نحن الشباب لي بقينا نتشابه كدا في الاستايل في الافكار في العلاقات في الشغل في اي حاجة حرفيا في طريقة الملابس لو واحد بقى ما زينا أو ما بلبس زي ناس معينة غالبا أو دائما بقولو عليه ما كول ما واو او وهمي او من البلد و الكلام الفارغ دا بالجد الموضوع دا محيرني ياخ حتى أذواقنا و عايزين نشتغل كيف بقى واحد واحد يا جماعة الموضوع بقى ملل و ما طبيعي ، بقيت لما ألقى زول زيي أو بفكر زيي ما بفرح زاتو بقيت بشوف الناس المختلفين عني أحسن بكتير ياخ عاملين زي الطقم حاسة اني ما قادرة انتمي ابدا الموضوع حرفيا ليهو اكتر من 4 سنين أزمة ياخ + وكمان ما تطلع حاجة جديدة مثلا استايل أو مرض نفسي عاد كلنا مريضين و كلنا بنموت في الماتشا و مشروبنا المفضل ( الحمدلله للان متمسكة بالشاي 🙏🏼 )

حابدا أتعلم صيني أو شبه بديت بس نفسي القى زول يشاركني نفس الاهتمام ونحاول نستمر سوا ونستفيد من بعض وياريت يكون عنده الشغف وحابي اللغة والثقافة عشان نصبر بعض.

انا نسيت شي مهم جدا مستحيل انسان طبيعي ينسى

نسيت اني كنت بحب اكتب

ونسيت انو عندي روايه كنت كاتبها من سنه ٢٠٢٠

من شويه كنت بفتش علي شي اضيع عليهو زمن شويه لقيت تطبيق وتباد محمل على تلفوني اتذكرت انو عليهو روايات

لو في زول ما بعرفو ف هو تطبيق فيهو روايات بتيح ليك تكتب او تقرا

المهم

دخلت ملفي الشخصي ولقيت اني ناشره روايه عليها ٣ مليون مشاهده ومليون و ٨٠٠ الف إعجاب وحسيت اتصدمت

ومع الصدمه اتذكرت وبديت اجمع اني بحب اكتب شديد

وانا بس متذكره اني بحب اقرا ولحد الان بقرا يوميا

بس حكايه اني بكتب دي ما كنت متذكراها ابدا

المهم

دخلت قريت اول شابتر وكانت حلوه شديد و بديت اتذكر مضمون وموضوع الروايه والشخصيات وما إلى ذلك

المهم اني انا بديتها من ٢٠٢٠ ولقيت اخر تحديث ليها كان بدايه ٢٠٢٤

وكمان ما مكتمله والناس بتعلق ومنتظره النهايه وانا ما متذكره النهايه كانت كيف في راسي

دا غير اتنين تانيات قاعدين في المسوده وكاتبه فيهم كتير بس ما منشورين

زعلانه اني فقدت شي كبير بي الأخص اني اخر سنه دي بقيت ما بعرف اتكلم او اعبر وشبه ما عندي القدره على ترتيب الكلام مع اني كنت زمان بكتب وبعبر

حتي في الواقع الفتره دي حاسه بقيت ما بعرف اتكلم او اعبر كويس فغالبا بقيت اتلزم الصمت اغلب الزمن وعموما بقيت بزهج اني اتكلم لو على ما انطق ولا حرف

كمان

الموضوع بالنسبه لي حاليا اكتر من الروايه

النسياااان الزي دا انا حاصل على شنو مع اني

كنت بعتبر نسياني مجرد تعفن دماغي لكن لحد ٢٠٢٥ ما كنت بستعمل السوشال ميديا طيب الخلاني انسي شنو

اي نعم بنسى كتير جدا بس حاجات بسيطه ما بنسى جزء مني

حاليا قلبي بدق واشعر بالقلق ياربي انا ناسيه شنو تاني

هل هاخرف بدري 💔

با جماعة احسن جامعة لدراسة it في مصر شنو؟ وادارتهم كويسه

اذا وصلت لي قانون في واحد من العلوم النظريه او formula في الرياضيات او اي معلومه هي مكتشفه اساسا قبل كده وحسيت بالفرح وانو لو كنت جيت بدري شويه كان حا اكون انا المكتشف😤 فالكلام ده غالبا غلط !❌❌

لانو المفهوم او القانون ده غالبا هو مضمن بي شكل ما في المنهج الدراسي او لاقاك شي قريب ليهو في النت ، المهم بطريقه ما عقلك اتعرض ليهو

انت هنا ابدا ما زي الاكتشفها اول مره لانو ما كان عندو المدخلات دي

حتى لو كنت شايف انو مافي علاقه بين القريتو في حياتك والحاجه دي u will never know 🥲

جاني احساس مشابه لي ده في Newtown method في الاحصاء وبعد فتره اتذكرت انو انا اتعرضت لي شي قريب ليه في كورس في الجامعه قبل اكتر من سنه

مره تانيه في مفهوم في علم اللسانيات, بعديها اتذكرت اني قريت كم مقال فيهو ولو انو ما نفس الموضوع بالزبط بس المهم المقالات دي أثّرت بشكل ما

في زول فاهم انا بقول في شنو ولا امشي انوم احسن ؟