u/Akaza_fineasf

بشكل عام اي زول ما ليه اي حق في الهجوم على رأي الناس او ذوقهم الشخصي، مع انه عندي اراء جدا جدا متطرفة عن البسمو روحهم لا انجابيين لكن اذا قلت لي انه دي رغبتك الشي دا ما بيفرق معاي في اي شي ولا مشاعري ليك حتتغير ولا بمثقال ذرة.

اذا جات وحدة قالت انا دايرة اعرس رجل اعمال غني وما حأقبل بغير كدا دا اختيارها الشخصي، لو جيت هاجمتها وقلت ليها شوفي روحك عاملة كيف ولا قلت ليها انت رجلة اعمال عشان تكوني عايزة رجل اعمال انت كدا للاسف يا عزيزي معقد وكلامها هبشك في جرح وسبب ليك ضيق نفس.

بنفس المنطلق لو جا راجل في نص السودان قال ما عايز الا يعرس بت لون بشرتها فاتح وشعرها طويل وعيونها كبار وما دايرة تشتغل ودايرها تتنقب وتسوي لي وووووو، مافي اي بت من حقها ابدا انها تتحسس ولا تصف الزول دا بالرجعية لانه دا ذوق شخصي ما نفع معاك؟ كمل حياتك لانه الزول دا ما جاي يعرسك انت ولا جا يخطب من اهلك الزول دا خليه يلقى البت الهو عايزها وصدقني مهما كانت طلباتك غريبة البشرية ديل كتار حتلقى البينفع معاك.

الرجعي الحقيقي القايل انه لازم الزول يكون عنده قيم غريية عشان يبقى متحضر واي اذواق شخصية منافية للقيم دي حصرا بتضع صاحبها في اطار الرجعية الفكرية، مادام الزول طلباته ما فيها شي غير اخلاقي زي انه عايز يتزوج طفلة او يتزوج بت بالغصب وهو عارف انها ما عايزاه تبقى رغابته كلها اذواق شخصية واي زول يهاجم الزول دا عشان شي زي دا مع كامل عدم احترامي زول جاهل وعقله محدود شديد.

زمان قلت اني عايز اتزوج وحدة عندها توحد أو انطوائيه زايدة وما بتحب اهلها، دي كلها مواصفات انا شايفة كويسة معاي لكن في ناس من الوقت داك لحد هسي شايفني مريض بحد وصفهم عشان عندي رأي ما متفقين معاه؟ god forbid a guy who wants a woman who can relate to وطبعا ما فرقت معاي وقتها لاني عارف منطلقهم القالو بيه الكلام وانهم ما عارفين الوصف حق البت الشايفها انا عادية وهم شايفينها مريضة غير قابلة للحياة ينطبق علي برضو.

اخر فترة اشتريت روبيكس كيوب من النوع السمح عشان اتعلم احله بسرعة زي الاسيويين النيردات ديلك، وفي يومين وصلت لي اني احله كامل في اقل من دقيقتين وهسي قاعد اتعلم ال CFOP للناس البعرفو في الحاجات دي وهدفي اوصل لأقل من 30 ثانية.

اخدت كورسات من منظمات عالمية في المجال الانا ناوي اشتغل فيه واخدت شهادات حتى وانا شايف انه الشهادات دي ما عندها قيمة فعلية في سوق العمل لكنه انجاز برضو، وفي نفس المجال حق اللوجستيات دا قدمت تطوع غير مدفوع مع منظمة وفي انتظار الرد، الخبرة العملية قيمتها اكبر بكتير من الشهايد.

برضو مشيت شفت مواد سنة سمستر 3 شنو وشفت المواد العندها اطول عدد ساعات وقريتها الاناتومي والفسيولوجي و medical physics والاحصاء وال electrical circuits وطبعا خلصتهم الاربعة عشان اقدر العب براحتي وقت الجامعة تفتح، that so not me لاني من اتولدت ما حصل قريت لي مادة في حياتي ناهيك عن اقراها كلها قبل يدونا ليها، لكني محتاج اجيب معدل فوق 9.00 في السنة الجاية عشان كدا لازم يتم.

بشكل عام عندي سؤال، هل لما تنجز بتبقى سعيد؟ انت شخصيا يعني، لانه انا لا، بس العرفته، او عشان اكون صريح الاتعلمته from an old friend انه when you feel down about yourself you need to be productive وقلتها بالطريقة دي عشان دي الطريقة الاتقالت بيها، طبعا الوقت داك ما اتفقت مع الكلام دا بحكم انه اتقال لي في وقت امتحاناتي كانت قريبة فيه وكنت ما قاعد اقرا ولا قادر اقرا عكس الصديق الكان وقتها ما عنده نص ساعة بس في يومه من كتر القراية والاجتهاد الكان بسويه وكنت احسده اشد الحسد على مقدرته على القراية.

لكن هسي؟ بعد ذهاب الصديق بقت وراه نصائحه ومواقفه الجميلة تمر قدامي كل يوم، وللاسف الشديد اني ما حأقدر اوريه كل انجاز اسويه زي زمان ويجي ينفخ لي راسي ويحسسني اني ملك غير متوج على انجاز تافه شديد، ما قاعد اشتكي لاني انا الضيعت الشي دا بنفسي واستاهل اشد الاستيهال، عشان كدا جيت اوريكم انتو وغالبا nobody really cares والقدر يحصل يقرا لحد هنا غالبا حيمسك موضوع صاحبي دا ويخلي الموضوع الاساسي.

ما زال عند امل وعندي شعور انه حيقرا الكلام دا في القريب العاجل ويعرف انه هو المقصود، يمكن القلب يحن لما سلف، يمكن، ليه لا؟ من متين نحن عايشين اذا ما عشنا على الامل، التخطي بقى ما خيار متاح، الموضوع شخصي عديل، مسألة حياة او موت، كلها بيده، والله يعين.

بعد عرفت السعادة هي شنو، اقتنعت اني ما حأقدر اصل ليها، فهل بحثي عن السعادة لحد ما لقيتها بقى لي سبب مأساة اكبر؟ وهل انا اصلا عايش في مأساة زي ما بوصفها ولا بحب اصنعها لي روحي بس عشان برتاح فيها اكتر؟ طيب هل لو وصلت للسعادة الانا توصلت انها هي السعادة الحقيقية حأكون جد جد سعيد؟ هل بقدر افصل سعادتي من باقي البشر واصنعها لي روحي بي نفسي وما تبقى بيد اي زول؟ هل اصلا الناس الزيي مكتوب ليهم يسعدو في حياتهم؟

اسئلة معلقة، لكن الاهم من كدا، اذا وصلت لمرحلتي دي من البؤس أنصحك تفتش ليك دافع يخليك تنجز في حياتك قبل ما تبقى ليك مسيخة، وبما اني عارف انكم حتسألو انا عايش لشنو في الدنيا دي هسي ببساطة انا كرست حياتي دي كلها عشان اشتري هايلوكس ديل قبينة موديل السنة مكنة بنزين ما جاز وتكون عالية ما واطية، سعرها حاليا جديدة بي 450 مليون، عشان كدا الهدف دا حيستمر معاي وقت طويل لحد ما أحققه، واكتر شي خايف منه وما داير افكر فيه اصلا، ماذا بعد تحقيق الهدف؟

المهم، اخر مرة ضحكت ضحكة حقيقية كان قبل حوالي اسبوعين او عشرة ايام ما متأكد، ما عارف ليه، كل العارفه -وزي ما بيسوو المراهقين العايزين اتنشن" اني عايز اختفي، ما عايز اقول اموت عديل، لسة فيني امل، لكني اكرهني واكره حياتي كره اعمى، ليه النفس البشرية كدا؟ ليه اكتر شي دايرينه هو الشي الما بنحصله؟ ليه لما تستوعب انك ما حتقدر تحصل الشي الفلاني دا بتبقى دايره اكتر من اي وقت تاني؟ ما ممكن خلاص القلب يسمع للمنطق ولو لمرة واحدة ويكمل حياته البائسة دي بدون ما يتفوق في انه يخليها اكتر بؤسا؟ وليه جمعتنا الايام اذا كانت حتفرقنا؟ كيف كانت حتكون حياتي لو ما كنت عارف بوجود الشي دا من الاساس؟ هل كانت حتكون بائسة للدرجة دي؟ ولا ما كان حيكون في سبب للبؤس؟؟؟؟؟؟؟؟؟؟؟؟ ولو الجواب هو التاني ما مفروض اعتبر انه ما حصل اجتمعنا واكمل حياتي بطريقة طبيعية؟ ليه جربت اسوقها مرة وانا عارف انها one ride ومافي زيادة؟ الجواب ببساطة عشان ما كنت عارف انه سواقتها بالحلاة دي، سقتها وما فحطت بيها للاسف لانها ما حقتي اصلا، ما مسموح لي اخرب لساتكها، لو كانت حقتي كنت فحطت زي ما عايز وجبت ليها طقم جديد بعد اخلص.

التقييم رأيي شخصي، مع انه كرنج وشي غبي شديد لكن ماف عندي موضوع وما فرقت، برضو لو عايز تقييم شخصي من انسان رهيب زيي كلمني في التعليقات وابشر😛

1/ اللهب الافضل على الاطلاق
يعني you can’t go wrong with him، عنده منطق كويس وتفكير نقدي مع انه يعتبر متخصص في السياسة نوعا ما ونادرا ما يشارك في حاجة تانية لكن لما يكون عندو راي في موضوع اجتماعي حتتفق معاو، وعندو قدرة كبيرة في فصل مشاعره عن طرحه عشان كدا كلامه غالبا موضوعي ودي نقطة تحسب ليه، 8/10 .

2/ الفارس عسيب
اكتر انسان ممكن يضحكك لو انت قافلة معاك، طريقة كتابته رهيبة شديد وبيقدر يصنع ليك من an everyday normal interaction قصة تضحك عليها، انصحكم تقرو بوستاتو كل ما تفكرو في الانتحار حيغير ليكم رايكم خصوصا عشان هو انسان غير محظوظ والله بخته في مواقف لا يحسد عليها كتير، 7/10 .

3/ تجميع الهالة
انسان، يعني قصدي مرات بتشوفه ذكي وعنده منطق رهيب ومرات تانية بتشوفه انسات كاجوال زي البتشوفه كل يوم، شكله نيرد لكن ما متأكد، عموما اقول ليك استمر، 5/10

3/ الانصاري الصغير
انسان interesting وعندو potential والكويس فيه انه بيقول رأيه الشخصي حتى لو الناس ما متقبلينه، مع عدم اتفاقي معاه في حاجات كتيرة لكن الموضوع دا نقطة تحسب ليه، المشكلة في انصاري اني شخصيا ما شايف انه عندو القوة الكافية لأسلوب الحياة دا، يعني انه يشارك اراء ممكن تكون مثيرة للجدل وشكله انسان مهتم بالاجتماعيات عموما وصعب عليه يتحمل الانتقاد لو كان دايم، برضو متذكر زمان كان بيكرهني قبل ما اعرفه اصلا يعني ما حصل تكلم معاي لكنه كرهني عشان شاف الناس بيكرهوني ودي نقطة تحسب عليه، ولو كان سبب كرهه اختلافه معاي في شي دي نقطتين تحسب عليه، عموما لو ركز اكتر على ال critical thinking وحاول يبعد عن ال reductive thinking شايف انه ممكن يبقى مفكر منطقي في المستقبل وانا اكبر الداعمين له، لكن نصيحتي ليه انه ينتظر شوية، اتوقع انه صغير في العمر، عموما اديه 7.5/10 .

5/ لؤلؤ X الماس
ممكن توصفها بكلمة واحدة، A girl, not in a bad way tho لكن قصدي انه ردات فعلها اكتر شي متوقع من اي بت طبيعية، ودا بيوضح ليك انها بتميل انها تتبنى رأي الاغلبية في معظم المواضيع ولو كان عندها رأي منافي غالبا حتسكت وما حتقوله ودا شي ما كعب اذا مرتاحة كدا، برضو ما بقدر انتقدها لانها 24 ساعة في ريديت ومن القراء الدائمين لي بوستاتي خسارتها حتكون صعبة التعويض عشان كدا اديها 6/10

6/ تخصص القروش
بتقدر تقول انه a chill guy، عنده ثبات انفعالي جيد لكنه ragebaiter فاشل، ممكن يبقى رهيب لو شارك اراءه زيادة لكنه انسان passive شديد، ودا بيدي على INTJ شوية لكن ما متأكد، عموما 5.5/10

7/ الاشارة الملكية
برضو a chill girl بتطبخ طبخات رهيبة مرات وبتنشرهم، عندها اراء معقولة مع اني بختلف مع بعضها لكن بديها نقطة عشان عندها قدرة في انها تكتب رايها بطريقة نقاش حضارية وموضوعية ودا شي انا افتقر ليه، 6/10

8/ المنفعة الجليدية
عندها ذكاء خارق، لانها من القلة القدرو يلاحظو قدر شنو انا طريقة كتابتي وسردي للحاجات رهيبة وتستحق الاشادة ودا شي فشل فيه اغلب الناس الفاشلين الهنا ديل، get better, be like her المهم، 7/10

9/ الحساب الغير مسؤول
انسان داخليا جيد، لكن للاسف من النوع البرضو ما بيتحمل ضغوطات اجتماعية وصورته وسمعته بالنسبة ليه اهم من الحق عشان كدا لو شاف انه رايه في موضوع حيسبب ليه هجوم او انتقاد بيسكت، يمكن قاعد اقول كدا عشان بيحقق الكوميديا على حسابي وعارف انه الناس حيدوه ابفوت لو ذب علي لكنها برضو تعتبر حقيقة، المهم اديه 2/10

يعني لما امك وابوك قررو يجيبوك هنا ما شاوروك، ساعدو على نجاة الجنس البشري واشباع رغباتهم فقط، لكن الموضوع ما خطير لانك كدا كدا مكتوب ليك انك تتولد، السؤال الاهم هو، حصل جربت تكون انسان غير مرغوب فيه؟

انا شخصيا شايف اني انسان ممل، ما بتقدر تقول اني downer عديل لكن ممل بس، ما عندي تعريف اكتر من كدا، شايف انه الناس من بعيد قد يشوفوني شخص interesting وفي ناس نفسهم يكلموني ويتقربي مني لكني عارف تماما انه وقت ما دا يحصل حيكتشفو الواقع واني ممل جدا وعارف ليه انا كدا او انا شايف روحي كدا، المهم مافي شعور اسوأ من انك تكون غير مرغوب فيه لدرجة امك وابوك الاتخذو قرار انهم يجيبوك للحياة دي وقت يعاينو ليك بتشوف نظرة الندم في عيونهم.

عدم الرغبة ما بيقيف هنا، حتلقى انك انسان سهل التعويض، ما فيك شي مميز يخلي الناس قبل يقطعو علاقتهم معاك يفكرو مرة تانية او يدوك فرصة تانية، في واحد بيقول attractive people always get another chances، لو قعدت تسك الزول الما عايزك نفسيا كدا حيبقى ما عايزك زيادة، ولو قلت انت التبقى مستغني وتمشي ببساطة الزول التاني ما حيفكر فيك اصلا وحتكون ريحته بس، هنا يبقى السؤال الإعجازي، تسوي شنو عشان تبقى مع الناس الانت بتحبهم؟

ممكن واحد يجي يقول ليك just get better، وواحد تاني يقول ليك تقبل واقعك ويذكرك انه the winner takes it all وانت يا عزيزي القارئ ما مكتوب ليك تبقى الفائز ابدا، زمان تكلمت عن العجز وانه شعور سيء، هنا بيدخل العجز مرة تانية وانك ما قادر تلقى الانت عايزه، تسوي شنو؟ في زول تالت ممكن يستعمل الية دفاع تجنبية وببساطة ما يدخل اي زول لدائرته المغلقة وبالتالي ما حيتعلق في زول وما حيفرق معاه اذا في زول ما راغب فيه، لكن دا ما بينفع لانه الانسان كائن محتاج يجتمع بالباقيين.

هنا حتجي الية دفاع تانية وهي romanticizing the loneliness وذم العلاقات الانسانية عشان يغش روحه ويقنعها انه الوحدة شي جميل وانه البشر كائنات شريرة وانا مرتاح بحياتي، لكن في الحقيقة كل يوم بالليل بيقعد يرسم خيالات عن انه في انسان راغب فيه جدا وبيحبه، وفي نص الهواجيس تقطعه فكرة، هل انا اصلا استحق الحب؟

…

لو خلى نفسو تجاوب ليه حيسمع جواب ما ظريف، هل ممكن الزول يتغير ولا يقوم يقتل روحو بس؟ وهل هو محتاج يتغير؟ ولا احسن شي يسويه انه يكره الناس قبال ما يعرفوه زي الناس وكدا حيتغدى بيهم قبل ما يتعشو بيه، لكن هل الناس اصلا كان ناويين يتعشو بيه ولا دا في راسو بس؟

ماف زول حيقدر يجاوب ليه على الاسئلة، لكن الشي الوحيد المافي زول مختلف عليه، انه صاحبنا دا غير مرغوب فيه وماف زول بيحبه، وما اظن يجي يوم وزول يحبو اصلا، لكنه قاعد منتظر بفارغ الصبر، قاعد يحاول كل شي يقدر عليه عشان يكون انسان احسن، لكن لما اتوزعت الصفات الكويسة شكلو كان غايب، لما يتقبل بس انو انسان كعب ومافي ليه امل في الدنيا دي ما حيكون عندو خيار غير يفرش مصلياتو دي ويشتغل على الجنة، اصلا الدنيا لو اتكرمت عليك بتديك 80 سنة اخير ليه الجنة والله

برضو نسيت اقول انه العنوان ما ليه علاقة بالبوست😛

The legendary غباشة is finally back on track

ما حأقول ليك كلام مبتذل زي خش كورسات، تعلم لغة، تعلم مهارة تنفعك في سوق العمل او اي شي بديهي زي دا، ديل كلهم حاجات فعلا كويسة ولو سويتها حتفيدك بلا شك وانا شخصيا قاعد اتعلم الماني هسي، لكن النصيحة العايز اقولها ليك بالنسبة لي اهم من دا كلو.

من بداية العشرينات دي الفترة البيطلع منها الانسان من مرحلة المراهقة ويبدا مرحلة الشباب، انت مسؤول عن تصرفاتك وبقى عليك واجبات مجتمعية اكتر من زمان، دي الفترة البتبدا تكتشف فيها نفسك وتتغير نظرتك لي حاجات كتيرة شديد في حياتك، فأفضل شي تسويه لنفسك هي انك تفهمها، الجاي اتكلم عنه اليوم ببساطة هو ال self awareness.

في فترة زي دي ممكن تكون في علاقة، انتهيت منها، عندك مشاكل في التعلق، عندك مشاكل في الصداقة او مشاكل في اي نوع من أنواع العلاقات الانسانية، فكيف تفهم نفسك بشكل كويس يخليك تقدر تفهم المشاعر والرغبات جاية من وين؟ لما تتصرف بطريقة معينة اسأل روحك سؤال بسيط، لكن الاهم من السؤال نفسو لازم تكون صريح شديد مع نفسك في السؤال دا.

مثلا لما تفرح، تزعل، تحس بالخطر او بالحماس اسأل روحك، ليه انا حسيت بالشي دا؟ مثال اكتر تفصيل، انت معجب بي وحدة وجات رسلت ليك رسالة وفرحت شديد ومشيتو تتكلمو وكل ما تتكلمو سعادتك بتزيد، بدل تقول دا شعور طبيعي اسأل روحك انت ليه فرحان؟ ممكن تقول والله عشان قاعد اتقرب من وحدة انا معجب بيها، لكن دا ما جواب، لانه التقرب يعتبر وسيلة لي غاية اكبر، انت لازم تصل للغاية دي، هل انت عايزها تتقرب منك عشان تشبع جزء عاطفي معين من روحك؟ ولا عشان تحقق فانتازيا عن علاقة رومانسية لي نفسك؟ ولا عشان تتزوجها وتستقر؟ ولا you just wanna get laid الجواب دا ما بيعرفه زول غيرك، ويمكن انت ذاتك ما تكون واعي بيه.

لكن لما تجاوبه بتقدر تحدد بالضبط رغباتك شنو، والرغبات بتحركها الدوافع، والدوافع بتتحكم بيها المشاعر، والمشاعر في النهاية عبارة عن الفطرة البشرية البدائية مغلفة بي حاجة اكثر تعقيدا بتخلي الانسان انسان، لازم تكون صريح مع نفسك حتى لو ما عجبك الجواب، صاحبك اشتري جهاز احلامك، باركت ليه "وفرحت ليه" لكن في شعور سيء من جواك بيدفعك بالقوة الى انك تتضايق، قبل ما تتهم روحك بالحسد اسأل روحك ليه ممكن ازعل عشان صديقي اشترى جهاز احلامي؟ هل عشان انا ما بحب الزول دا وما بتمنى ليه الخير؟ هل انا جد جد انسان كعب وحسود وما داير اي زول يفرح غيري؟ ولا انا ما عندي مشكلة مع صحبي انا بس عايز الجهاز العندو دا وما عندي امكانية ولو شفت صورته ساي بيجيني الشعور الكعب؟ جوابك على السؤال دا بيكشف ليك نفسك على حقيقتها.

هسي وصلنا لي اهم جزء، انا يا اكازا اكتشفت نفسي الى درجة مُرضية، قبل ما تقول اي شي عايز اقول ليك انه مافي انسان كامل، كلنا فينا خصال خبيثة، سواء عاجبانا ولا ما عاجبانا الشي دا ما بيخليك تلقائيا انسان كعب، انت زول عندك مشاكل في التعاطف، دا يعني انه عندك خصلة سيئة ما يعني انك انت انسان سيء، بعد تفهم الشيء دا بتقدر بعداك تتصرف مع الحاجات الكعبة الفيك، لما تأثر خصالك الكعبة دي على مشاعرك انت بتكون عارف ليه انت بتحس بالطريقة المعينة دي وما حتسمع ليها تتدخل في اتخاذك للقرار المعين دا، بتقدر تحكم المنطق، لكن لو كنت زول ما عارف ليه انت بتحس بالطريقة دي حتمشي مع المعتاد وحتسوي الشي الانت حاسي انه صحيح وترضي نفسك، الوقت داك نفسك بتكون اقوى منك للاسف وبتكون انسان غير ناضج.

الحاجة دي ما كل زول بيقدر يسويها، يعني ما كل انسان طبيعي بيقدر يصل لمستوى عالي جدا من ال self awareness، ممكن 85% من الناس يصلو مرحلة تخليك يعيشو حياتهم بس، بيغلطو كتير وبعداك على حسب قوتهم النفسية بيتحملو نتايج اغلاطهم، وديل بسميهم الناس العاديين، وفي 14.5% من الناس الاذكياء البيقدرو يفهمو نفسهم بنسبة اكبر بتخليهم يعرفو حدودهم وين وعيوبهم وين لكن الفرق انهم ما بيقدرو يتحكمو بيها بشكل كامل فبيقمو يتبنو الية دفاع عبارة عن انهم يختو حدود لنفسهم وما بيقدرو يتعدوها، ببساطة حيعيشو في ال comfort zone بتاعتهم للابد، مثلا خاضو تجربة كعبة مع نوع من الاشخاص، تاني خلاص كل ما يشوفو اي شخص احتمال يكون بيشبه النوعية دي بيبعدو عنو بشكل اعمى وبس، النوعية دي بسميهم المستنيرين وديل عندهم potential انهم يترقو للنوعية الاخيرة.

اخيرا بتلقى زي ≈0.5% من البشر في قمة الذكاء، زيي كدا، الناس ديل وصلو لمرحلة عميقة في فهم انفسهم لدرجة بيعرفو كل احساس يحسو بيه نابع عن شنو وبيعرفو كل زول بيكلموه هو عايزين منه شنو وما بيخافو من خوض اي تجربة لانهم قبل ما يخوضوها اصلا عارفين المخاطر المحتملة وعندهم تجهيزات لي اي نوع من انواع المخاطر ومافي شي ممكن يحصل هم ما خاتين ليه حساب، والذكاء العميق دا هبة من الله لكن علم استغلاله جهل منك، انا وصلت المرحلة دي قبل ما اخش العشرينات ودا حيخلي الحياة اصعب بس، اغلب الناس الحولك بيكونو يادوب بيكتشفو نفسهم والعالم من حولهم وممكن يجيك صاحبك يقول ليك اكتر كلام ABC في العالم وشايف روحه ذكي عشان اكتشف الاكتشاف العميق دا وحتكون مضطر انك تمثل الصدمة وتديه اطراء خفيف كدا عشان تكون صديق جيد بس، المهم النوعية الاخيرة دي انا بسميها الانسان الاعلى، واي زول مفروض يسعى عشان يكون الانسان الاعلى في حياته.

عموما بقى الفرق بين مأمون حميدة واغلب الجامعات الخاصة ما كبير، اغلب الجامعات الخاصة بتلقى برامج الطب بتبدا من 10 مليون والهندسة 7، ما زي زمان كانت مأمون حميدة اضعاف باقي الجامعات بطريقة ما منطقية، هسي بقت تعتبر اغلى بشوية بس والجامعة الوطنية ما صدقت الناس شكروها لمن راسهم كبر وعملو فينا القوية، الجامعات الخاصة في السودان حاجة سيريالية واسعارهم دي لي طبقة معينة من الشعب بس

للبعرفوني ولو شوية طبعا، او شافو كم بوست لي وكونو نظرة عني، عندي فضول اعرف نظرتهم عني او انطباعهم الاول بس على الاقل، اتقبل النقد برضو

الحمدلله حمدا كثيرا، كنت قايل روحي شايل 4 ملاحق، لكن الحمدلله عديت، بل جيت الخامس على دفعتي الفيها 141 نفر، دا افضل خبر في اليوم السيء دا وانا كنت بديت اقرا التفاضل والتكامل عشان امشي امتحن الملاحق يوم 29، المواد الاربعة الكنت قايل روحي شلتها طلعتها منها بي شعره جبت في تلاتة منهم D والحسبان جبت فيها C وما دفعت ثمن تخاذلي، علما بي اني ما قريت للامتحانات الا قبل يوم منها🙏🏼🙏🏼

طبعا ما بكره الناجحين بالعكس كمان خصوصا في مجتمعنا السوداني دا، لكن الوقت داك شفت ستوري بالصدفة one of my EXes زمان في النهايات قالت انه انسان زيي حيعيد تالتة كم مرة حتى يقدر ينجح وقالت كدا based on my marks في أولى وتانية، قلت ليها انه الافضل تركز مع موادها الشايلاها دي ومع انه الموضوع كان سخيف شديد وقتها لكن تحول لي شكلة كبيرة، واي الكلام دا كان قبل امتحن تالتة يعني قبل سنتين كدا، وبرضو اي الوقت داك هي كانت خلصت تالتة جامعة “can we please not judge, age is just a number"

المهم الليلة البت دي شالوها منحة تقرا الماستر في وحدة من جامعات اوروبا اعتقد ومنزلاها ستوري، كان ما حيفرق شديد لكن بمحض الصدفة انا الليلة خسرت خسارة كبيرة شديد في المشروع الكنت شغال عليه وحاليا قاعد احاول القى لي طريقة الملم فيها اموري الجايطة دي وما اظن عندي حل وغالبا خسرت راس مالي كله الي هو اصلا دين من ابوي، اكيد ما حيطالبني بيه لكن انا معتبره دين علي لاني حلفت اني ارجعه ولو رفض ارجعه ما يديني ووافق، بيت القصيد اني بقيت فقير ومديون وانا لسة ما دخلت ال 20 ما باقي لي الا تقوم لي جلحات، بينما هي من نجاح لي نجاح غير مستحق.

ما عايز واحد دلولو يقول اي مفروض تفرح ليها، مع انه عندي فلسفة تستحقر الكره لكنها كانت انسان سيء جدا لدرجة كل ما تشوف الحياة ماشة مع انواعها دي بتكره حياتك، you can take her side idc, it’s a pathetic post anyway im gonna delete it soon

وتبا برضو لكل حاجة وصلتني للمرحلة دي واولهم نفسي، وأخيرا الحمدلله على كل حال والعوض من الله