انثى ٣٠ سنة و احس حياتي حوسة وما اقدر اسيطر على شي
السلام عليكم
مدري وين اروح ومين اكلم ولمين افضفض لان احس مشكلتي مانحلت للحين
عمري ٣٠
متزوجة
وماعندي اطفال
موظفة
معي دكتوراة
اغسل ملابس زوجي اول باول
شراباته دايم جاهزة
بوكسراته جاهزة
بيتي نظيف
لكن
انا حياتي حوسة
عباياتي دايم وصخة
او نظيفة بس مو مكوية
ماعندي شرابات نظيفة
او نظيفة بس الوان مختلفة
تجيني رسايل مهمة ما اقراها مثل اجتماع، ادري عنه لا دقوا علي وقالوا وينك واجيهم ركض
مو جالسة اخذ شغلي بجدية
اعيش على عنصر المفاجأة
يوم الاثنين طلعت للدوام بسرعة ويوم وصلت لقيت عبايتي تتلصق كهرب، وجلست ابكي لان زوجي كل صبح ياخذ شاور ويلبس ثوبه ويبخ بخاخ وحياته منظمة وانا حياتي فوضى عارمة ومو قادرة اسيطر على شي
الوقت الوحيد اللي اخذت حياتي بجدية يوم كنت احضر دكتوراة
الماجستير نجحت وانا ما اذاكر
البكالوريوس برضو نجحت وانا ما اذاكر
الثانوي المتوسط ماعمري احذت شي بجدية ودايم انجح
الأستاذات بالجامعة وبالمدرسة كانوا يقولون اني ذكية بس زي ماتقولون مطيزة
ماتوقعت هالمشكلة بتسيطر على حياتي وتوصل لحياتي الشخصية والعملية
تعبت
تعبت
تعبت
ابي ارتب حياتي ما اعرف من وين ابدا
مرات احس فيني adhd بس انا ما اتحرك كثير بس مخي مشوش بشكل مرييييع خصوصا بعد حبوب القلق اللي اخذها
احتاج دعوة او كلمة تخليني افتح عيوني على اساس المشكلة