u/Due-Weather-355

عنجد يجماعة اجمل شعور بعيشه هو وجود اشخاص بحياتي بحمد رب العالمين انه بيعطيني الفرصة والقدرة اشوفهم لوقت طويل وبشكل مستمر، هسا وصلت البيت بعد ما كنت قاعد مع البيست، قعدة اكثر اكثر اكثر من متواضعة، حرفيا عبارة عن كاستين نيسكافيه الي واله تكلفتهم دينار ونص، منقعد مع بعض كل اكم يوم هاي القعدة منضل من بعد العشاء لآخر الليل واحنا بالسيارة، ما منخلي اشي بقلبنا الا ومنحكيه، منكون نحضر مسلسل منحكي عن حلقاته، منحكي مشاكلنا وهمومنا، منحكي مواقف صارت خلال اليوم ومنفرط ضحك، منحكي عن شو نفسنا نسوي، ايام منضحك وايام منزعل لحد القهر وكل مرة شيء متغير، ولكن الثابت دايما هو انه ما منشبع من القعدة، وبعد ما نقعد ٦ ساعات ويجي وقت نروح عالبيت منحس انه لسا ياريت لو نقعد كمان، نصيحتي لكل شخص ما عنده حدا منيح هيك بحياته او حدا مخلي حواليه ناس سيئة ومنكدة عيشته، نصيحتي يا عزيزي روح دوّر، والله العالم فيه ناس بتجنن وخرافية بس اطلع من القوقعة الي انت فيها، ناس بتكون بقمة سعادتك معها باقل القليل، بكاسة قهوة بسيطة بتحسسك انك انسان سعيد وبتنسى همومك، والله الي ما عنده بيست يروح يدور على واحد.