u/Dull_Put6966

أريد برنامج مثل سبوتيفاي حتلوو سبوتيفاي مهكرر محتاجته كلش

طلاب الدفع السابقه الي درسوا ألكتروني وحصلوا معدلات عاليه على منو درستوا؟ وبرأيكم الدراسة الالكتروني تفيد؟ شلون ضبطتوا الماده وامتحنتوا بيها؟

لان اني مدرسه أهليه وحرفياً ضغط منهم ومن الاهل وخصوصاً درجاتي جاي تجي زفت حرفياً هسه صحيح المدرسة خوش بس أهل اليوتيوب بالنسبه الي أضبط وافهم عليهم.. وبصراحه جاي أعيد التفكير بمدرستي لان حرفياً تعبوني خصوصاً من يدزون الدرجات للاهل ولا المشكلة وياهم درجات طالبات صفي وعدنا طالبات ماشاءالله عليهم خوش درجاتهم و100 بس ويكعدون يقارنوني بيهن وكل ماا احجي يكلولي "أي قابل هنه أحسن منج؟" لو " قابل متوفرلهن شي وأنتِ ما متوفرلج؟ " ويكعدون يغلطون وكلام سمم حرفياً... افهم همه يردون مصلحتي وغايتهم حسنه بس طريقتهم غلط

وحتى مدرسين مدرستي بعضهم متفاهمين والبعض الاخر مدري شلونهم خصوصاً ابو الفيزياء يرزل ويفشل ويكول للطالبات كسلانه يعني مو طبيعي عنده 80،70 أنتِ كسلانه مو خوش درجتج ويرزل.. لعبت روحي وعلي... وقبل كم اليوم جان أمتحان فيزياء مسائل الفصل الثاني وكعدت الصبح مااكدر امشي عندي ألم برجلي وزاد عليه وغبت حاطيلي صفرر...ويكل للطالبات " الي غابت باجر عكبه يجني يردن طبيه "وهسه ترزلت من أهلي...

فـ بس جاي أسئل لان حرفياً تعبت حيل وأفكر اعوف المدرسة الاهليه مادام بعدني مادافعه فلوس واكعد ألكتروني واقره.. بس أخاف أسخت لو مااضبط وأحير بوضعيي..