u/EVIL_STAR_

اليوم نزلت اعلانات توظيف على‫ LinkedIn، البلشه اني بالغلط حطيت ان الاشعارات تجي على الايميل لما اي احد يقدم عالفرصه، كيف الغي ذا الخاصيه الايميل بيصك الالاف، اخاف تضيع ايميلات مهمه ولا يمتلي الايميل

السلام عليكم ورحمة الله وبركاته
انا اتدرب تمهير بشركه كبيره عندها فروع كثير حول المملكه، بالبدايه مسكوني شغل اول ٣ شهور وكان عاجبني اقرب للحلم بالنسبه لي (كرف بس عاجبني)، بعد ثلاث شهور جاني المدير وقال انهم بينقلوني لفرع الشركه الرئيسيه عشان فيه حاجه هناك بعد ماترقت وحده الى منصب مديره ويبوني امسك مكانها القديم، الجهه هذي معروفه بانها توظف بعد التمهير كثير، المهم اني بعد ماكملت ثلاث اسابيع بالفرع الجديد جاني احباط… الشغل ماعجبني وضاقت فيني الوسيعه(مشكلتي مع الشغل مو الفرع) جابو معاي متدربه ثانيه قلت فرصتي اكلم المديره الحين، كلمتها فالبدايه كانت متفهمه وحنونه وابشري وتم وباسال لك، مر يومين رحت سالتها اذا فيه تحديث عن الموضوع، جاوبتني وهي مستعجله ومنزعجه انهم ماردو عليها، قلت تمام مو مشكله انا ترى ما اضغط عليك وحابه اني اساعدك بشغلك بس كان ودي اسالك اذا صار شي عن الموضوع.
مر اسبوع وكانت طول ذا الاسبوع مالها خلقي وكل مادخلت عليها شكلها تحسب اني باسالها عن الموضوع وانا جايه اسالها عن الشغل وكيف اسويه عشان ما تحس اني مابي اشتغل وهي تجاوبني من طرف خشمها…
الخميس اللي فات ماعاد قدرت استحمل لان من يوم كلمتها وانا اطلع من البيت وانا اصيح وارجع وانا اصيح خلقه المكان بعيد عن بيتي ساعه ومع ذلك غاصبه نفسي اروح، المهم الخميس كلمت المانجر وقلت له السالفه وكان متفهم وسالني اذا اللي مضايقني احد ولا الشغله نفسها ورديت ان اللي مضايقني الشغله نفسها، بعدين سالني اذا قد كلمت احد بالموضوع قلت له اي قد كلمت فلانه (من ردة فعله عرفت انها ماكلمت احد تبيني اشتغل معها)، قال تمام راح اقيم ادائك بالشغلتين واشوف وين ممكن اثبتك.
من يوم كلمته وهي مع انها جايه متاخر و ما شافتني وانا عنده، قاعده تشمق لي… يالله مجنونه ما اعرف وش اسوي معها حرفيًا اسوي شغلي و زياده ومحترمه مع الكل، ماعاد ابي اروح بس مضطره اغصب نفسي، حسبي الله نفسيتي جدًا سيئه، الشغل سيء، هي سيئه يالله حرقتني وانا تمهير كيف لو وظفوني عندها.

ماعاد ادري وش اسوي لو كملت معها باقي لي شهرين بس جابت لي التكاك لدرجة اني مابي اروح وما اقدر انام، طول الوقت الموضوع مأزمني و طول الوقت يجيني Anxiety attack لما افكر اني باداوم الاحد.

وصلت البيت وعندي اربع خيارات (لابيت - تولد - ناب - سُّره)
بسرعه البانزين بيخلص ومابي اعبي الا بكرا ههههههه

السلام عليكم ورحمة الله وبركاته

فيه احد دقو عليه SANS هاليومين؟

دق علي واحد وانا اسوق يقول انا من SANS (مو متاكده) واحتاج كم معلومه بسيطه عنك (هويه، تخصص، GPA,اذا اختبرت انقليزي من قبل وكم الدرجه) والصراحه المفروض من اول يعرفون هالاشياء، بس اني اختبصت من السواقه والزحمه والشخص صوته مو واضح بس اتوقع اني سمعته يقول SANS يارب يعني

فابي اعرف الناس اللي قد سوو المقابله والاختبارات وخلصو قبل هل دقو عليهم هالايام ولا باقي؟

انا مقابلتي كانت بنوفمبر