🛑🛑حرق🛑🛑

قرأت لميرنا كتابين بس صديقي السايكوباتي في اول السنة و قضية ست الحسن الشهر اللي فات

تقييماتي ليهم كانوا كالتالي صديقي السايكوباتي ⭐⭐⭐

قضية ست الحسن ⭐⭐

ودة شيئ شوية عاملي احباط لان الهايب على كل كتبها مجنون لكن الكتب فعلا مش عاجباني وهقول ليه كمان شوية انا مش شخص hard to please خالص انا العكس تمام بجد

مشكلتي مع صديقي السايكوباتي كتير ولاني قرأتها من 6 شهور ف ناسية فيها كتير المهم ميرنا كانت بتقدم هادي وسالم على انهم قتلة متسلسلين؟؟ هادي ممكن بسبب خط القتل التاني اللي كان بيعمله هواية كدة بعيد عن سالم و الboss بتاعهم (مش فاكرة اسمه) لكن سالم كان قاتل مأجور بعيدا طبعا عن ال background بتاعته

واتمنى محدش ييجي يقول ان القاتل المأجور قا/تل متسلسل انا مكنتش عايزة واحد يقتل لانه بياخد فلوس و اوامر بل بيعملها لسبب ما زي مثلا دافع هادي مع الخط التاني زي ما قولت واللي عجبني جدا لانه كان ليه سبب وعجبني بصراحة

واما بالنسبة لسالم ف ميرنا مقالتش اي حاجة عن مقابلته لمراته وليه اصلا قرر يتجوز بعد ماضيه وازاي قابل مراته وليه هي بالذات ولانه حرفيا مكنش بيعمل كدة لمجرد يخفي هويته لأ هو بجد كان بيحبها وعايز يكون راجل اسرة ويبني عيلة معاها

كمان مقالتش ازاي وليه دخل الجامعة لانه المفروض اتربى في بيئة مش مهتمة بالكلام دة

وغيرهم كتير انا بس مش فاكرة لاني قرأتها من زمان

انا بالنسبة لقضية ست الحسن ⭐⭐

فيها 3 قصص بيتحلوا غالبا بالصدف البحتة وان الطريق متيسر بشكل مجنون لنوح عشان هو القادر الفاجر اللي محصلش وكدة شخصيات بتظهر لمجرد ان ليها سبب والسلام الموضوع دة مكنش مشكلة في اول قصتين لانهم بشكل كبير ملهمش اي علاقة بنوح شخصيا المشكلة ظهرت جدا في القصة التالتة اللي ظهر في اولها شخصية المفروض ان ليها علاقة بحياة نوع الشخصية وبقالهم سنين يعرفوا بعض 🛑 حرق 🛑 الشخصية دي هي المجرم في الاخر بس انا حرفيا قفشتها من الاول اصلا اصل ليه لما هما يعرفوا بعض من زمان ليه ميرنا مقدمتهاش من الاول في القصة الاولى او التانية ليه قدمتها في القصة اللي سبحان الله هي القاتل فيها طبعا مش هتكلم عن شخصية نوع المستفزة ولما بتكلم مع حد في الموضوع دة يقولي أصلها شخصية realistic والله احب الموضوع دة جدا بس شخصيته منفرة بالنسبة ل MC يعني وكان في حتة برضوا معجبتنيش مش فاكرة كان ايه سياقها في الرواية بصراحة بس نوح رد وقال زن الستات كنت مصدومة في ميرنا جدا لانها مش بس قالت حاجة زي كدة في روايتها بل قالتها على لسان راجل كمان

طبعا مش هتلكم عالاخطاء الاملائية في الرواية لانها مستفزة بل كمان على سذاجة اللغة و الحوار انا مبحبش اللهجات في الكتب لكن الكتاب دة بالذات كان اللهجة ركيكة وغبية بشكل مجنون مقارنة بصديقي السايكوباتي مثلا اللي اللهجة فيه كانت احسن بكتير بالنسبالي

واخر حاجة اللي ملهاش علاقة بميرنا نفسها (اتمنى) ان الخط في الكتب كبير جدا في العادي دة شيئ تحفة بالنسبة لاني شخص عنده ضعف نظر بس الكتابة في كتب ميرنا بالذات ست الحسن ملاحظتهاش في صديقي السايكوباتي ان الكتابة كبيرة جدا لدرجة ان الصفحة فيها جمل قليلة جدا مقارنة برواية يعني هل بجد دار النشر عملوا الحركة الرخيصة دي لمجرد ان كتابها يكون مليان شوية وكدة لان لو الحجم طبيعي مش صغير ولا كبيرة ف الرواية هتكون 200 صفحة ان مكنش اقل اللي اكتشفته كمان ان ال Audio book بتاعها حوالي ساعتين يعني تقريبا نفس مدة التحول ل كافكا بس الفرق ان رواية التحول صفحاتها اقل بكتير من ست الحسن وبعيدا عن المقارنة دي ازاي كتاب 300 صفحة ال Audio book بتاعه ساعتين بس يعني واضحة جدا بصراحة

I'm not hating on merna herself the thing is her book are so over hyped which is disappointing me bsraha