u/East_Discount_4142

بس حبيت أشارككم تجربتي علشان لا تضيعون وقتكم

عندي سيارة تسوى حول 7000 دينار، زيد أو نقص شوي

عرضتها أول شي على موتورجي ما يابت لي سعر مستحق أعلى عرض كان حول 5450 وأنا الصراحة أبي آخذ حقي في السعر كلش ما هو سعر السيارة هذا، عقب فترة شلت الإعلان.

بعدين جربت موتراتي ما رد علي بعد ما قلت له السعر سحب علي الظاهر، نطرت يوم كامل ثم صكيته بلوك

والثالث هو تطبيق أوغو جربت خدمة الفي آي بي أتوقع يسمونه؟ تنعرض السيارة على مزاد وقالوا احنا راح نرغب الزبائن ونرفع لسيارتك بطريقة البائع المحترف، الصدمة اتصل علي قال لي سيارتك أعلى سومة 4000 دينار! قلت لا مستحيل أبيع بالسعر هذا

من الأسباب اللي تطيح سعر سيارتك على هالتطبيقات إنهم ياخذون عمولة من المشتري، حول 350 أو 400 دينار بالنسبة لسعر سيارتي وتفرق على حسب سعر السيارة طبعاً، فالمشتري يحاول ينزل من سعر السيارة قدر المستطاع

لأسف يعني كان شعارهم إنه نريحك من الشريطية ونعطيك حق سيارتك ودير بالك من اللي يكسرون بسعر سيارتك كل شوي واحد يدق وينزل سعرها، لكن ما استفدت أبداً منهم ضيعت وقتي على الفاضي

الخلاصة: إذا تبي تبيع سيارتك بسعرها المعقول والمستحق لا تعرضها على هالتطبيقات، ميزة التطبيقات هذي السهولة لكنها من تجربتي يظهر لي ما تساعدك تييب السعر المستحق وأيضاً جمهور التطبيقات هذي أقل بوايد من فورسيل مثلاً أو حسابات الإنستاجرام