هل بتستمر تروح السينما لو كان النفيش ولا الاكل ممنوع فيها ؟

اوكي بطرح السؤال بطريقة ثانيه :
شنو الاهم بالنسبة لطلعتك .. النفيش ولا الفلم ؟

اذا مشروبي المفضل iced toby’s latte extra sweet، واحب طعم الحليب على شي حالي وماجربت ماتشا من قبل، من اي قهوه تنصحوني اطلب؟ وشنو اسم الطلب؟

سلام عليكم
لو واحد بدايه عشرينات يبي يلعب رياضه وياخذها ك هوايه ويصير لاعب فيها
منها رياضه ومنها متعه وممكن تفيده في مستقبله

انا كويتي

ابوي كويتي

امي كويتية

بس لما اسولف احس مو مثل اغلب الكويتيين

كانه واحد امه اجنبية...

انا تطورت في هالناحية اخر ٥ سنين بس ليلحين لما اسولف مع واحد في كلمات ما افهمها بعض المرات واقط بدليلت وانا ودي اتحسن في هالناحية لانه احيانا انحرج من هالشغلة

شلون الواحد يتحسن بهالشي؟ واذا في واحد كان في نفس الحالة شلون تطورت؟

عندي سؤال ودي اسمع قصص صارت لكم او احد تعرفونه.
في مره تمنيتو شي من بعيد لي بعيد و دعيتو الله وايد يرزقكم ياه و رزقكم؟ سواء شخص بعيد من ظرف واحد/ زوج/ شي ثمين / مبلغ / شي ملموس او لا.
شي من كل قلبكم تتمنونه و تحسونه مستحيل بس كملتو و ايقنتو ان ماعلى الله شي مستحيل و دعيتو وايد و تحقق؟

سولفو لنا لعل تعطون امل حقي و حق غيري

حتى لو كان شي تافه او مادي، انا شخصي****اً** بالنسبة**** لي**** سيارتي**** الجديدة**** مع**** انها**** موجودة**** عند**** ناس**** واجد**** وماهي**** من**** السيارات**** اللاكجري**** بس**** حطيت**** فيها**** مبلغ**** تعبت**** عليه**** و كل**** ما**** تضايقت**** اتذكر**** ان**** عندي**** ياها**** و اعتبرها**** انجاز**** بحياتي**** و استانس**** والله**** احبها**** خيال**ي 💔

جديات ماعندي مكرويف و لا نار ولا شي، شلون اسخن الاكل؟

في اماكن ترضى تاخذ اللانش بوكس تسخنه🌝🌝

اشوف وايد اكاونتات يديده و الي اقل من سنة صارلها. من وين عرفتو البرنامج؟ (الكل يجاوب حتى الي ١٠ سنين و اكثر.

انا مسؤول عن اخواني واحد عمره 20 وثاني 15 انا عمري 24 المشكلة كله مع الاخ الصغير بدون مبالغه لو اقول داعم طوفه يمكن شوية بحقه عمره 15 يحسسني انه خلاص شاف كل شي بهل دنيا لا مبالاه بشكل مرعب الوالدة خايف عليه طبعا وتكلمني تبيني اتدخل والله احس بعجز غيري طبيعي قدامة بنهاية انا هم ابي اهتم لنفسي محتاج غير اشياء واجد مو انانية لكن اركز بشنو واخلي شنو انا يشهد الله مابي له الا كل خير ومفروض ياخذني قدوة بكل شي بحياتة كل الامور الغلطت الي صارت لي 24 سنة هو قاعد يكررها بس ×2 من ناحية دراسة الله بالخير الشخصية مو افضل شي واجد من دائرتنا الخاصة يكلموني عنه ويقولون طقه عادي السمنه باعلى مراحلة دايم شايل همهم ويشهد الله ابي لهم كل خير لكن الي قاعد يسوونه بنفسهم لايطاق ولا اقدر اطالعهم واسكت

بنات (و شباب اذا حابين) أبي آخذ رايكم بموضوع الخطبة التقليدية عندنا، لأن أحس عندي مشاعر وايد متضاربة تجاهه.

آخر فتره تقريباً يتني ثلاث خطبات من ثلاث شباب مختلفين، (انا سارلي فتره طويله عايشه بره يعني هل شي يديد علي كوني سنتين عايشه بالكويت) بالطريقة المعروفة. وحدة تكلم وحدة، تقول لها عندنا ولد وعندكم بنت، بعدين ياخذون رقم أمي، ويصير الكلام بالبداية بين الحريم.

يعني أنا فاهمة إن عندي حق أرفض. محد قاعد يجبرني. بالعكس، إذا ما عجبني شكله، عمره، وضعه، أهله، شغله، أو أي شي بالمعلومات، أقدر أقول لا من البداية. وهذا حقي طبعاً.

أحس فكرة إنج تنحطين فجأة كـ “احتمال زواج” لشخص ما تعرفينه غريبة. يعني قبل لا يصير بينج وبينه أي كلام أو إحساس أو قبول حقيقي، يصير في تقييم من بعيد. هو يشوف صورتج أو يسمع عنج ويقرر إذا يبي يكمل، وإنتي تشوفين صورته ومعلوماته وتقررين إذا تبين تكملين. كل شي يصير من البداية على الشكل، العمر، العايلة، الوظيفة، الوضع، السمعة، والمواصفات العامة.

وأدري إن هذا طبيعي عندنا، وأدري إنه يمكن أأمن وأوضح من التعارف العشوائي. بس بنفس الوقت، في شي داخل قلبي ينقبض من الفكرة.

شلون تحسون تجاه فكرة إن شخص ممكن يرفضج من البداية بس لأن صورتج ما عجبته؟ أو لأن وزنج، شكلج، ستايلج، عمرج، أو أي شي سطحي ما ناسب اللي في باله؟ وحتى العكس، شلون تحسون تجاه فكرة إنج إنتي بعد ممكن ترفضين شخص من صورته ومعلومات بسيطة عنه، قبل لا تعرفين شخصيته أصلاً؟

أحس العملية كلها تخلي الواحد يحس إنه قاعد ينقي أو ينرفض مثل ملف، مو كإنسان كامل. مو معناته إن الطريقة غلط بالكامل، ولا معناته إني ضد الخطبة التقليدية. بس أحس فيها نوع من القلق، لأنج فجأة تصيرين معروضة لفكرة قبول أو رفض من ناس ما يعرفونج فعلياً.

ما أدري إذا كلامي مفهوم، بس ودي أعرف: هل في بنات يحسون نفس الشعور؟ هل الخطبة التقليدية تخليكم تحسون إنكم تحت التقييم؟ ولا تشوفونها عادية وأسهل لأن من البداية الكل واضح ويعرف شنو يبي؟

أبي آراء المجتمع بصراحة، خصوصاً اللي مروا بهالتجربة أو انعرض عليهم أكثر من شخص بهالطريقة.

اهلي عبالهم اضحك لا صج ابي اقحص قدام مدرستي و إذا ما
قحصت بتقعد بخاطري طول عمري او اخلي اخوي يقحص

من اكل عادات مكملات اي شيء

انا ضد الغاء هذا شرط. لانه هل صب راح يتحول لي صب r/kuwait يعني نرد اهناك احسن.

View Poll

يارب ماينمسح ولا ينشهر ويصير اداة للتضبيط

بنت عمي جايبه كاميرا فوريه و قايله انها تبي تجيبها من زمان و تبينا نصور و ناخذ صورنا لما نخلص و قالت يلا صوره جماعيه و انا وافقت و في بنت ما تحبني و تكرهني بنسميها بصله وافقت ان تاخذ صوره وانا معاها و انا استغربت حيللل لان مو من عوايدها بالعاده و ما تبي تصور معاي بس هالمره وافقت و كان مريب حيل بس ما فكرت زياده و صورنا و سالت بنت عمي منو يبي اول صوره وانا قلت "انا اول وحده " وهذيج طالعت و ما قالت شي بعدين قالت حق بنت عمي لحظه ابي الكاميرا بصورها ستريك و الموقف قدامي سوت زوم حيل على صورتنا الي موجوده بالكاميره و صورتها و يعني واضح تبي تبين الصوره ومو حق الستريك لان بعد انا قاطه وجهي شوي 😭😭 و اطالع تلفونها حفظتها و ما دزتها بس مابي احط بذمتي يمكن ارسلتها بعدين مع ان سناب شايل خاصيه ان تجيبين الصوره من المحفوظات و تندز على انها ستريك بس يلا عادي و لما خلصت صورت لفت علي و قالت اسفه بس ما اسمح انج تاخذين صورتي وانا مارح اخذها صورتج بعد يعني اخذ الصوره لا بس تصورينها بتلفونج عادي ليش شايفتني غبيه ؟؟ جان اهز راسي و اروح اقعد و اخلي الصوره عندي و امسك تلفوني و اقعد اصورها قدامها و اقرب و ابعد و بكل زاويه خذيتها و هي و اخوها الصغير يطالعون و خليتها طول الوقت معاي و بعدين قلت حق بنات عماني ان" ابي صوره بس حنا عشان اخذها معاي " و انا ترا مارح اخذ الصوره الجماعيه معاي بس مخليتها عندي لاني نذله و ابيها تحتر و بعدها بعطيها بنت عمي 😭😭😭 و حطيتها بالطاوله الي قدامي و هي نادت اخوها الصغير و ساسرته و مر اخوها من قدامي كان يبي يخمطها من الطاوله حسبالهم مارح اتكلم بس انا فطنت و قبل لا ياخذها حطيت ايدي عليها و طالعت اخوها و هو طالعني و كمل ولا جنه سوا شي وراح يقعد بالجهه الثانيه يعني يرقع لنفسه المهم ان لما قمت اصور مع بنات عمي خليتها تحت تلفوني ولا تجي و تحرك تلفوني و تاخذها بسرعه و رقعتها ان تبي توري بنت عمتنا الي قاعده بروحها بس انا فهمت و قعدت اضحك و هم يقولون شفيج وانا اقول فرق الطول بين عيال عمي يضحك (كانوا واقفين قدامنا )بعدها طبعت صورنا بدونها و خذيت صورتين بس للحين اراقبها عشان ما تاخذها للبيت و بعدها حطتها على على الطاوله الي جنب الباب و تطالع اخوها الصغير و سوت له حركه وعاد انا فهمت ان اخوها بياخذ الصوره و يزرق بيتهم ولا ابوي المنقذ توه جاي من ربعه و جا يسلم على العيال و البنات وانا مسكت الصوره و وريتها ابوي عشان بنت عمي تشوف مكانها لان بصله و اخوها داعسينها تحت الاغراض الي على الطاوله و كل البنات و العيال كانوا يشوفون وانا اراوي ابوي بعدها حطيتها على الطاوله فوق الاغراض و جت بنت عمي خذتها و حطتها بالطاوله الي قدامها و بعد كم دقيقه جت الاخو الصغير و خذاها و سوا نفسه يبي يشوفها و حطها على الطاوله الصغيره الي بين الكنبين الي ما تقدرين تشوفينها الا اذا كنتي مقابلتها وانا اقدر اشوفها و بصله قاعده بالكنب الي جنبيي و اخوها الصغير كان قاعد يم الصوره و انا عني عليها مابي احد ياخذها غير بنت عمي بس صار شي شتتنا و وقت ما كنا نطالع الباب يعني ما نقدر نشوف الاخت و اخوها او الصوره الاخ الصغير خذاها و عطاها اخته لان لما التفت على الصوره ما لقيتها و الاخ الصغير الي كانت قاعده جنبها صار فجاه جنب اخته و انا ما تكلمت لان ما اقدر اتهمهم وانا ما عندي دليل و اكيد مارح يخلون احد يفتش جنطه بصله و بعد جذي ربع ساعه بنت عمي استوعبت ان الصوره مو موجوده و قعدت اتدورها وانا قعدت اقولها شوفي هني و شوفي هني و البنت تسوي نفسها غبية و تطقطق بالتلفون و لما بنت عمي جت جهتها تدور قعدت تسوي نفسها غبيه و تقول "شنو تسوين" و بنت عمي تقول "الصوره " و هي تقول "اي صوره " و واضح انها تمثل و قعدت و حتى ما ساعدت وانا ساعدت قلت يمكن انا غلطانه و هم ما خذوها و حنا مسلمين و مستحيل احد يسرق و بعد ولد عمي الي انا اسكته من انه يحش فيهم عندي لان حسباله انا اكرههم مثل ما يكرهوني يقول يمكن ابوج خذاها و قلت له لا ابوي ما خذاها و ليش بيلخذها اصلا و انا حطيتها بنفسي على الطاوله و البنات يطالعون و انا فهمت ان قاعدين يتهموني بس قلت don’t read too much into it و هذا شي چايد و هم ما شافوا منج شي و يعرفون ان ما عندج هالسوالف بس في سوال خلاني ابجي يومي كله بنت عمي قالت لي ممكن توريني الصور الي خذيتيهم وانا فهمت ان قاعدين يتهموني بالسرقه بشكل غير مباشر و الي يقهر ان بنت عمي قبل كم ساعه كانت تمدح فيني و تقولي مشتاقه لج و يمكن اتوقعها من اي احد الا هي فا ،هل تحسون اني بالغت بقراءتي لسؤاليها؟

اللي قاعد يصير برا مو طبيعي، ووصلنا لمستوى انحطاط يخرّع، لدرجة إن محد قام يستحي. التحرش بالبنات وصل لمستوى مو طبيعي، لدرجة إن حتى أختي ما قامت تطلع بالليل. لأن وايد شباب عبالهم إن مجرد نظرة منهم معناته إن البنت معطيتهم ويه.
شنو اللي فجأة خلى الشباب عندنا شفقانين جذي؟ أدري إن في أزمة وحدة وفراغ، بس اللي قاعد يصير مو بس بسبة هالوحدة. هالشباب يتصرفون جذي حتى وهم طالعين بشلّات ومجموعات كبيرة مع ربعهم، عشان جذي يحسون إنهم مستقوين ببعض. شفت هالشي بعيني وأنا أتمشى بالخيران مول؛ شلّة كبيرة قعدوا ينبحون على بنت جنه الوضع طبيعي ولا حسوا بأي ذرة حيا

هالثقافة بدت كلها بسبب تيك توك. أكثر شي أشوفه رياييل ينزلون مقاطع ويكتبون كابشنات إن مجرد نظرة بعينك بكوفي عادي معناها إعجاب أو حتى يلمحون لأشياء أوصخ، وكأن المكان صار للمغازل. وحتى بعض البنات ينزلون نفس هالنوع من المحتوى. الطرفين قاعدين يشجعون هالسلوك المقرف.
إحنا محتاجين قوانين مثل بعض الدول الأوروبية. أشوف إن منع استخدام وسائل التواصل الاجتماعي للي أعمارهم أقل من ١٦ سنة راح يفرق وايد ويرد بعضهم لصوابهم. بالنهاية إذا استمر الوضع، كل جيل بيعتبر هالثقافة طبيعية لأن تيك توك قاعد يقنعهم إنها عادية