r/KuwaitForKuwaitis

يا جماعة اللي مسوي الفحص الطبي للوظيفة في مستشفى الصباح من فترة قريبة ياليت يفيدني لأني صراحة ضايع شوي.
أنا حجزت موعد يوم الثلاثاء 13 أكتوبر، ومكتوب عندي إنهم طالبين تحاليل واختبار سمع وأشياء ثانية.
سؤالي: يوم موعدي أروح لهم ومعاي نتايج التحاليل جاهزة من قبل؟ ولا أروح مستشفى الصباح بنفس يوم الموعد وأعطيهم الأوراق وهم يسوون لي التحاليل والفحوصات هناك؟
وهل أقدر أسوي التحاليل قبل الموعد في المستوصف وأخذ النتايج معاي، أو لازم كل شيء يكون عندهم في مستشفى الصباح؟
مقر عملي ما عطاني أي معلومات، بس قالوا لي روح مستشفى الصباح يوم الموعد، وحتى لما سألت ما حصلت إجابة واضحة.
فاللي مسوي الفحص قريب ياليت يقولي شنو الخطوات بالضبط، خصوصاً إني ما أبي أروح يوم الثلاثاء وبعدين يقولون لي ناقصك شيء وأضطر أرجع مرة ثانية.

كلنا عندنا انسانية ونحب الحيوان، لكن قطو ميت بالحاره اليسار بخط سريع لا توقفين بالحارة اليسار وتعرضين حياتج وحياة الآخرين للخطر وتسببين حوادث واعاقات للناس عشان قطو ميت وشبعان موت ترى حياة الناس أولى، ذابحتج الانسانية ومقطعتج اصفطي باي مكان وشيلي القطو من الشارع مو توقفين بنص الشارع عبالج شارع بيتكم، لكن الحمدلله ان في دورية وقفت وراج على طول وشغل الفلشر عشان ينبه العالم واتمنى يصكج مخالفة عرقلة سير على جبهتج

سلام عليكم

بنات ودي لو اتعرف على بعضكم الي يحبون يقرون

احس الكلام عنده ربع قراءة وانا كاني بروحي فهودي اتعرف على الي يحبون قراية نفسي و حتى هوات معرض كتاب

فا فيه احد شي مني مناك؟ ١٩-٢٣ سنه بالغلط

احب روايات رعب و دراما و رومانس الخ

مادري لو بلقى بس اتمنى🐈‍⬛💔

امس قمت الصبح تجهزت للجامعه ركبت السياره وانا بنص الطريق قلت بشوف السناب وشفت ستوريات اغلب صديقاتي من برا الستوري ان في شخص توفى ، دخلت الستوري وقريت اسم صديقتي الكامل وانا قاعده احاول استوعب قلت مستحيل هي ورحت حسابها واشوف نازل بحسابها ستوري (صاحبه الحساب توفت) ومن الصدمه مابكيت بس اغرب شعور حسيته لما شفت ستريكاتها الاخيره بعد ماسمعت خبر وفاتها اللّه يرحمها ، هي شخصيتها اجتماعيه وبشوشه جدا لما كانت معاي بالمدرسة الكل يتفق شكثر هي بشوشه وايجابيه وماعمري شفتها تعصب على احد او زعلانه من احد او حتى تكلم اي شخص بطريقه عاديه دايم بشوشه وتنشر سعادتها للكل الكل يكلمها وهو يبتسم ، وانا اشوف الستريكات وهي تصور بعفويه وتضحك مشاعري تلخبطت مدري اضحك ولا ازعل بس الزعل كان طاغي وابتسامتي كانت شبه معدومه ، اللّه يرحمها توفت بحادث وانا طول هاليومين افكر فيها مع انها ما تعتبر صديقتي حيل ما اسولف معاها ومااعرف عنها ولا شي ولما كنا بالمدرسه كانت علاقتي معاها سطحيه بس بشكل ايجابي يعني بينا سلام وضحك شوي ، اكثر شي معور قلبي هم امها وخواتها الصغار تقريبا اعمارهم بين ٦-٨ ودايم تصورهم وتلعب وتضحك معاهم اتخيل اذا كبروا ذاكرتهم لاختهم بتكون مشوشه ، اللّٰه يرحمها ويصبر اهلها.

حبيت اشارك مشاعري وابيكم تدعون لها بالرحمه.