u/pearldn

امس قمت الصبح تجهزت للجامعه ركبت السياره وانا بنص الطريق قلت بشوف السناب وشفت ستوريات اغلب صديقاتي من برا الستوري ان في شخص توفى ، دخلت الستوري وقريت اسم صديقتي الكامل وانا قاعده احاول استوعب قلت مستحيل هي ورحت حسابها واشوف نازل بحسابها ستوري (صاحبه الحساب توفت) ومن الصدمه مابكيت بس اغرب شعور حسيته لما شفت ستريكاتها الاخيره بعد ماسمعت خبر وفاتها اللّه يرحمها ، هي شخصيتها اجتماعيه وبشوشه جدا لما كانت معاي بالمدرسة الكل يتفق شكثر هي بشوشه وايجابيه وماعمري شفتها تعصب على احد او زعلانه من احد او حتى تكلم اي شخص بطريقه عاديه دايم بشوشه وتنشر سعادتها للكل الكل يكلمها وهو يبتسم ، وانا اشوف الستريكات وهي تصور بعفويه وتضحك مشاعري تلخبطت مدري اضحك ولا ازعل بس الزعل كان طاغي وابتسامتي كانت شبه معدومه ، اللّه يرحمها توفت بحادث وانا طول هاليومين افكر فيها مع انها ما تعتبر صديقتي حيل ما اسولف معاها ومااعرف عنها ولا شي ولما كنا بالمدرسه كانت علاقتي معاها سطحيه بس بشكل ايجابي يعني بينا سلام وضحك شوي ، اكثر شي معور قلبي هم امها وخواتها الصغار تقريبا اعمارهم بين ٦-٨ ودايم تصورهم وتلعب وتضحك معاهم اتخيل اذا كبروا ذاكرتهم لاختهم بتكون مشوشه ، اللّٰه يرحمها ويصبر اهلها.

حبيت اشارك مشاعري وابيكم تدعون لها بالرحمه.

ليه المجتمع يشوف ان الرجال الي يدخن عادي ومحد ينتقده او ينصحه الا قليل واذا قرر انه يترك الدخان يدعمونه. بس بالعكس البنت الي تدخن يشوفونها بنت ماعندها شرف ولا تستحي وانتقادات وطعن بالشرف والكلام واذا قررت تتركه محد يدعمها وماتتغير نظرتهم عنها.

ادري ان الدخان غلط للجنسين وماادعم هالشي لا للبنات ولا للاولاد.

قبل ٦ سنين في شخص كان عنده مرض الاكتئاب وكان يعاني منه ويتعالج وانا من كثر خوفي له دعيت ان يكون فيني ولا فيه وللان اعاني ٦ سنين وماحسبت حساب ان ماعندي فلوس اتعالج من هالمرض ولا اقدر اطلع بروحي للطب النفسي ولا اهلي يتفهمون هالشي عشان اكلمهم واعانتي الجامعيه كلها تروح لجمعيه مايبقى منها ولا فلس والعلاج السلوكي ماينفع معاي حرفيا تيبست بهالمرض كل هالسنين وماعندي حل.
مااتوقع ان في احد بيفهم شكثر انا حيل تعبانه من نفسي ومن كل شي وتعبت وانا كل يوم اعيش يوم ورا يوم وكل مره اتحسف اكثر اني دعيت على نفسي.