الجرافيك الجديد ممل
طبعا انا عارف انه ناس كتير هتنتقد كلامي بس انا جاي الفت نظر (البعض) لكام حاجة معينة والي مجرب هو بس الي هيفهمني
لو جيت تبص على فرق ما بين الالعاب الجديدة والقديمة طبعا هتقولي ده فرق شاسع في الجرافيك, بس مش ملاحظ انه فرق التطور ده خلى في تضحيات لحاجات حلوة كتير؟
لو جيت تبص على اهم الاسس للجرافيك ديزاين الجيمنج والي هو الارت ستايل
كنت بتلاقي بالظبط من 20 سنة ايام العاب بلايستيشن 2 و 1 ويمكن بعض العاب ال3
كنت بتلاقي فعلا كريتيفتي في الاشكال والالوان والتصاميم حتى ولو كان في تفاصيل قليلة في الجودة بس كنا بنشوف اللعبة حلوة فعلا والعبة كجرافيك بيبقى حلو بردو يمكن لحد دلوقني
لكن دلوقتي مع ظاهرة الريميكات وان الشركات كلها بتاخد عناصر التصميم من بعض زي زاوية الكاميرا والتحكم والاشكال بتلاقي عموما نفس الشكل حتى ولو في قصة مختلفة بس بنفس الارت ستايل (يمكن الكلام ده لا ينطبق على بعض العالب الدارك سولز)
او في لعبة gta san andreas
كنت بتقدر تعمل كل حاجة تقريبا في اللعبة منغير مودات
اما في gta v
بتلاقيهم شالوا معظم الانشطة وحاجات علشان يحطوا فلوس في تطور الجرافيك بس
عامة الالعاب الجديدة بأختصار مبقتش تدي نفس المتعة بتاعت زمان وانا هنا مش هتكلم على الاونلاين الي فيه مشتريات من جوا اللعبة والقمار الي فيها هي بالنسبة لي برا النقاش اصلا
بس الالعاب القديمة بيبقى لسا فيها البركة بردوا عكس الالعاب الجديدة الي مهما كان عندك العاب جديدة قد ايه وختمت قد ايه ممكن تزهق لتكرار العناصر واشكال جرافيك والتصاميم والتحكم اما مع الالعاب القديمة او البسيطة ممكن تختمها كذا مرة بطرق مختلفة
يمكن علشان كده بقيت بتجه للالعاب الاندي اكتر والالعاب القديمة خصوصا في بدايات السلاسل زي ميتال جير
اتمنى بس تكونوا فهمتوا قصدي علشان مكنتش عايو احس اني لوحدي في الحوار ده واصلا حتى وانا بفكر اجيب بي سي جديد هلعب العاب قديمة وبردو ونادر جدا لما تكةن لعبة جديدة لو ليها بسلسلة انا بعشقها زي Resident evil or silent hill
دمتم بخير