السلام عليكم ، ادري الموضوع ثقيل بس احس اني منفجعة احتاج مشورتكم لأي احد مر بنفس ذا الموقف او لأي شخص يستخدمه وتركه احتاج نصيحتكم وش اسوي وش الصح تكفون شوروا علي
دايم اشوف قصص أهالي يعانون مع أفراد عائلاتهم المدمنين والتبعات المفجعة الي تصير توني طالعة من بث والقست اخوها المدمن الي يسمع منها، ودايم تحاول تساعده تحرش في بنتها !
وانفجعت زياده ان يتطور موضوع اخوي ويوصل لهالمرحلة!
امس كنا طالعين مع الأهل وشفت علبة دائرية بشورت اخوي الصغير ( ١٥ سنه ) حاولت اطلعها عصب وقعد يقول مالك دخل وأنا حاولت امسك أعصابي لما استوعبت خصوصا ان امي معي واخوي الثاني وسكت قبل مانطلع مسكته على جنب وقلت له " الأفضل معد أشوفه معك احسن لك" وادري أسلوبي غلط لأكن من الصدمة ما ادري وش أقول ، وبعدها تجاهلني ولاكأنه صار شيء ، قررت اهداء شوي وانتظر فرصه استفسر منه على انفراد وابحث عن الموضوع وكيف أتصرف معه ( للحين ماصار فيه فرصه اجلس معه )
بديت ابحث عن الموضوع كيف افتحه معه والأعراض عشان احدد إذا هو ياخذها من زمان او حديثا واكتشفت اغلب الأعراض من زمان كانت عنده لكن كنا نقول مراهقه ، تغير هرمونات والأفضل مانصطدم معه ، والحين منصدمه كل شيء كان قدام عيوني ليش ماحطيت هذا الاحتمال ( نحف مخيف ، ماياكل بالبيت ، ألم بالرأس ، انعزال ، عيون حمراء ، سهر ، جفاف الفم ، مزاج حاد ، عصبيه ، خروج مستمر وطلب فلوس دايم بعذر الأكل او الطلعة مع الأصدقاء ، عناد ، اداء دراسي ضعيف ، تأخير الصلاة ، هروب من الاجتماعات وغيرها )
مابي افجع اهلي وبنفس الوقت خايفه عليه، وعندي شك ان السبب بيئة مدرسته له سنه ونص تقريبا ومن يوم مانقل وهو متغير ، محيطنا مافيه اي احد يدخن او يتعاطى ، وماعندي احد ثقه وواعي ممكن افتح معه الموضوع وماودي أصلا احد يدري أبدا شوروا علي تكفون اخاف الموضوع يتطور ويوصل ادمان ويخرج عن السيطره وهو شخصيته صعبه وفيه مؤشرات للادمان ، فكرت اخذه للمستشفى يشوف تبعات الي يسويه من أمراض وفشل وفكرت اخذه لعيادات الاقلاع وهم يتواصلون معه ويوعونه ، إذا احد عنده اي شخص ممكن يفيدني بالسوشل ميديا او مراكز دلوني عليه الله يجزآكم خير