بعد مشاهدتي لفلم the godfather باجزائه الثلاثه للمره الثالثه ايقنت ان هذا الفلم overrated ولا يستحق المكانه العاليه التي وصل لها لما به من اخطاء تقنيه واخراجيه واداءات تمثيليه ضعيفه من بعض الممثلين ماعدا عمي وعم عيالي طبعا الباتشينو هل حد عنده اراء تانيه تقدر تغير رأيي عن هذا العمل
باحترااام.
كنت عايز اشتغل كول سنتر انجليزي جمب دراستي لاني كنت محتاج فلوس جدا لاني هقعد سنه زياده في الكليه بسبب اني كنت بتعولق في اول سنتين فعايز اشيل مصاريفي كامله من غير ما ارجع لاهلي عشان متقلش عليهم فرحت قدمت في احد الشركات واتعملي انترفيو مش من ترينر عادي لا ده من شخص عالي اوي في الشركه وعملي انترفيو تقيل جدا وبعد ما خلصت الانترفيو بساعتين وانا رايح انام لقيت رساله مبعوتالي من جروب لسه داخل فيه اني اتقبلت واني هبدأ ترينينغ من تاني يوم علطول فرحت لدرجه اني معرفتش انام ورحت الصبح جري وكلي توتر وخوف لتجربه جديده في حياتي دخلت الشركه وانبهرت من المكان والاشخاص والمعامله لاني كنت شغال في شركه تعبانه قبل منها بدأت ترينيغ والوضع كان زي الفل والترينر شخص لطيف جدا وكان بيهزر وبيطلعنا بدري وبتاع وقضيت اسبوع جامد مره واحده في اخر يوم في الاسبوع وبعد ما اخرونا اليوم ده عشان نقعد مع ال director لقيته بيقولي انا و٣ اشخاص نستني منمشيش فاستغربت بس قولت يمكن في حاجه عملناها وانا معرفش مثلا بعدها قالنا اكلم واحد واحد ولا كلكوا مع بعض قلناله كلنا مع بعض قالنا تمام انتوا هيتم الاستغناء عنكم في الاكونت ده لان مستواكوا اقل من المطلوب طبعا احنا اتصدمنا واشمعني احنا بالذات مع ان كان في بنات حرفيا هو اختبرهم وطلع مستواهم بجد تعبان انما احنا متمش اختبارنا اساسا ده كمان واحد منا كان غايب اليوم اللي قبل منه فقاله انت قيمتنا علي انهي اساس قاله علي اساس اني خلتكوا تقرأوا من البورد في مره قاله وده سبب كافي انك تمشينا عشان كانت قرأتنا بطيئه من علي البورد قعد يحور ويلف ويدور بالكلام وفي الاخر مشينا فعلا وقالنا الشركه هتتواصل معاكوا لعمل انترفيو تاني في اكونت تاني وبالفعل اتصلوا بيا بعدها باسبوعين وعملت انترفيو مع شخص ترينر عادي مش تقيل زي المره اللي فاتت وبدعت لكن لحد الان محدش اتواصل معايا بل جالي ايميل بيقولي ايه تجربتك مع الشركه كشخص سابها وهي رساله تلقائيه بتيجي لاي حد مشي فانا معرفش ايه السبب اللي خلانا نمشي وعلي انهي اساس حكم علي مستوانا بدون اختبار حقيقي علما بان كان في اختبار اول الاسبوع اللي بعده هو حتي مستناش يختبرنا فعلي طلب مننا نمشي علطول