علاقتي بامي ( ف ض ف ض ه )
ماادري انا وش علتي بالضبط بس انا انسانه انفر من الروابط العاطفيه مع الاهل ولا اتذكر وش اللي سببلي هالشي ، علاقتي مع امي علاقة اوامر وطلبات فقط يعني مثلاً اطلبها فلوس او اكل الخ بسس والكلام بيننا قلييل جداً ولا تعرف عني شي مع ان علاقتها باخواتي زي علاقته الصديقات ومو عشان امي تكرهني ، بس لاني انسانه مااحب الروابط هذي لدرجة حتى لما امي تحضني انفر ولا احب هذا الشعور واشوفها تحاول كذا مره تتكلم معي بس ماني قااادره ابداً وللامانه ممكن يكون لاسباب كثيره منها ان امي ماتفهمني ابداً ولا تتفهم مشاعري ولا تتفهم عقليتي وتشوفني شخصيه مجنونه وتنتقد باشياء كثير ولا عمرها سالت ليش انا اسوي كذا او ليش بدر مني تصرف معين بس شغاله انتقاد ومقارنه وهالشي مايعني انها طيبه بالعكس امي احن قلب بس احس مااقدر ارجع طبيعيه معها ولي سنين على هذا الوضع لدرجة انه اثر حتى على نظرتي لنفسي من كثر المقارنه والانتقاد كرهت كوني انثى ولاصرت اطلع ولا البس ولا حتى احط ميكب وانعكس هالشي على روابطي العاطفيه مع اهلي اخواني مااكلمهم ولا اعرفهم خير شر وحنا كلنا بنفس البيت ونفس الشي مع ابوي نادراً مااكلمه واخواتي علاقتي معهم عاديه ، ولما اسوف امي تحاول احس احزن عليها صدق وبنفس الوقت الوم نفسي مع انها هي اللي كانت تنتقد ولا تداري
وبس والله افرغت مافي جعبتي وياليت لو احد يمر بنفس التجربه يقولي كيف يتصرف