هل دي نوبة قلق؟
انا شاب ١٩ سنة
من ساعة تالتة ثانوي وبدأ يظهر معايا موضوع التوتر ده بطريقة مش طبيعية حرفيا مش طبيعي لكن كان رد اهلى ساعتها انه شئ عادي من ضغط السنة
وصل الموضوع انه جالي قولون عصبي واتطور بعد كدا مثانة عصبية
مبقتش عارف الصراحة اعيش حياتي طبيعي من ساعتها
بقيت بدخل الحمام كتير جدا وبقيت شايل هم ده
انا في كلية عملية والسكاشن بتقعد ٥ ساعات ولا حاجة
قبلها بيوم باخد كمية دوا علشان اقعد طبيعي بس
مبقتش عارف اسافر ولا استمتع بوقتي الصراحة خالص
وقت ما بتيجي النوبة دي ضربات قلبي بتطير في السما ومبقاش عارف اخد نفسي خالص لغاية لما اقوم للحمام والصراحة انا بتحرج ان كل شوية استأذن الدكتور عن كدا
الموضوع مسببلي ازمة نفسية كبيرة جدا مش عارف اعمل فيها ايه
كشفت باطنة والتشخيص كان IBS والعلاج كان كولوفرين
كشفت نفسية وعصبية والتشخيص كان OCD وكان العلاج انافرانيل وقطعته مكملتهوش
اعمل ايه تاني ؟؟