u/Entire-Can5071

حابة احكي اشي سيء كتير بحس فيه من زمان ولسا وهو مأثر كتير على جوانب حياتي كلها لعل وعسى القى حد مر زيي بهاد الموقف او عنده نصيحةاو بس بدي احكي اشي بقلبي

لطالما انا كنت حدا حاول يتعلم اشي ومو قادر يتقنه وكنت اغلط وكانت ردات الفعل لغلطي سيئة او دايما

الشخص اللي بقدرو يحرجوه بسؤال وما اعرف اجاوبه كنت البنت اللي بالجامعه سبحان الله من بين الكل

انحرج بسؤال غير صحباتي مثلا ما بعرف السبب للامانه وكنت اغلط اغلاط تافهة ما لازم اغلطها مع انني

بعد وقت بكون عرفتها لحالي

وهاد زاد من احراجي وضعف ثقتي بحالي من جميع النواحي لانه كانو يحسسوني الكل اني ما بفهم ب اشي وهاد الاشي كان يدايقني لاني انا حدا بالمدرسة كنت شاطرة جدا

بس ما بعرف شو صار بالجامعه كنت مبينة للكل اني تيسه وما بفهم اشي وهاد يزيدني احباط وكره لحالي

وخاصة انه الدكاترة لما يشوفو مجموعتنا كان يبدأوو يسألوني انا وما اعرف اجاوب ب اشي حتى ما بعرف اتحايل او ابين اني شاطرة صحباتي كانو يبينو انهم عارفين حتى لو مو عارفين عكسي تماما بنعجق وبتوتر كتير وبحس من هون الدكتور حيحس بالمتعة انه يسالني اكتر لانه شايفني متوترة وثقتي عدم

كان في مشروع تخرج بالجامعة فعليا يمكن اكتر حد انا اشتغلت عليه وتعبت فيه غير عن مجموعتي بس من غبائي وقديه بضهر لغيري اني بفهمش اخدت اقل منهم من سؤال انسألته وما كان لازم انسأله ومجموعتي برضه ما كانو عارفينه بس نصيبي انا انسأله

تخرجت تدربت باماكن ولازلت كانو يحرجوني بأسئلة ودايما ما بكون عارفه جوابه واي شغل بشتغله بنفلوه بسألوني تفاصيل التفاصيل وبكون داخليا ععارفة بس ما بعرف اوصل المعلومه
للشخص فببين علي اني موفاهمه اشي واني يا ناقليته يا ابصر شو عاملة هاد الاشي خلاني شخصية زفت وصرت اشك بحالي من جميع النواحي صرت اكره حالي واشوف كل الناس اشطر مني حتى لو عملت اي شي بحسني كذابة صرت باصمة على حالي اني حدا جد ما بفهم ب اشي شو ماحاول

حاولت لاني بس تجاربي خلتني شخص احسه مو كفو لا اي اشي وكل ما احاول بحس في تجربة بتأكد علي وبتحسسني بالفشل وبتراجع وبكتأب

انا يمكن لأني انا حدا بحب اكون شاطرة بشغلة مش زابط اشي

هاد الاشي متعب نفسيتي لابعد حد وبصارع حالي عشانه

في اشي بخليني اتسائل كتير انه انا بنت اعتبر قصيرة بس مش كتير يعني مو اقل من 155 ووجهي طفولي شوي على حكي الناس واني مبين حدا بريء.... بس ما بعرف ليه هاد الموضوع زاعجني كتير كوني انا بعمر البنات بتزوجو فيه بحسني ما رح اكون كافيه لزوجي المستقبلي لانه بحس الرجال بحبو البنت الشوي بمعنى جريئة ومبينة ليدي اكتر صعب اشرح اكتر بس هيك بحس.... مع اني فعليا انا داخليا مش هبلة وفاهمه بس ما بعرف ليه كتير ببين حدا لطيف وبريء وخجول ....وهاد الاشي مش شوي كتير بكرهه فيي حتى مرة بتذكر وحدة من صحبتي حكتلي اني كتير مبينة حدا لطيف زيادة عن اللزوم واللي بحكيلي اني ناعمه واللي بحكيلي اني كيوت حتى بس اسمع كيوت بروح ذهني اني مش هالجمال اني كيوت زي الصغار.... بس جد نفسي اكون ليدي مو كيوت ولطيفه ومن هالحكي وهاد الاشي بخليني اخاف اكتر ما يجيني فرص زواج منيحة الا لاشخاص وشباب مبينين مو هالشخصية يمكن لانهم حيحسو بالامان معي وما حيحسو اني ححكم عليهم....

ما بعرف اذا جد هيك بصير بس سمعت انه او بقرأ انه الشب بهاب البنت وبنجذب الها لما تكون مبينة ليدي وانها ست زي مثلا اعطيكم مثال زي هيفا وهبي او هدول البنات اما المبينة حد بريء وكيوت ما حينجذب الها كزوج مش عارفة هاد الاشي بفكر فيه كتير وجد بقدرش اغير حالي بدي ارائكم لو سمحتو وعادي احكوها بكل صراحه افهم اكتر