u/EquipmentFederal3040

الموضوع بدأ وانا في ابتدائي في الفصل كنت قاعد وبصيت لا إراديا في وجه بنت قاعده بعيد اسمها هاجر بنت عاديه مفيش حد من زمايلي كان شايفها حلوة وانا مقلتش لحد اصلا عليها المهم الموضوع دا فضل لمدة اسبوع مثلا ونسيتها خالص ولا حتى كلمتها ولا بصيت لها حتى.
المهم دلوقتي عندي ٢٠ سنه وانا قاعد في حالي مش عارف ليه جت في بالي فجأة من غير ما اشوفها او اسمع عنها كنت بقلب في التيك توك وفي موسيقى نوستالجيك شغاله افتكرتها وتخيلت وجهها بضحكتها الحلوه وبشرتها الحسنه وعيونها الساحرة مابقيتش فاهم دماغي فيها ايه
حسيت ان البنت دي مقدره لي واني اكلمها مع ان انا ماعرفش جايز تكون مخطوبة او حاجه بس على ما اتذكر هي ما دخلتش ثانوي وماشفتهاش من ايام اعدادي مثلا.
حاسس انها بنت نظيفه اوي و عاوز اشوفها اوي.