u/EquivalentAdorable99

السلام عليكم 🌚

بصراحة صارلي تقريباً أسبوعين مدمن ريديت، ومدمن هذا الصب بالذات 😂 بهاي الفترة تعرفت على هواي ناس طيبين ولطيفين، وضحكت وياكم، و حاولنا نحل المشاكل بقدر المستطاع، وسولفت وياكم، وقضيت أوقات حلوة ما جنت أتوقعها

أكيد مثل أي مكان، أكو ناس زينة وأكو ناس مو زينة، وأكو بعض الأشخاص اللي ينشرون السلبية أو يحاولون يخربون الجو، بس الأغلبية هنا ناس محترمة وطيبة، وهذا الشي خلاني أتعلق بالصب أكثر

بس هسه للأسف لازم آخذ استراحة وأحذف التطبيق مؤقتاً، لأن امتحاناتي قربت ولازم أركز عليها، و إذا ضليت هنا فغالباً راح أضيع وقت أكثر من اللازم

إن شاء الله بعد ما تخلص الامتحانات أرجع أشوفكم من جديد، وأرجع ألبس العباءة وأكمل دور باتمان مال الصب 🦇🗿

وبالنهاية تباً للمتحرشين وتباً لكل شخص ينشر الحقد والكراهية بين الناس

وديرو بالكم على الصب بغيابي، وخلوه مثل ما هو مكان حلو ولطيف للجميع

مع السلامة مؤقتاً يا اخوان، ونشوفكم بعد الامتحانات

باتمان العراقي 🦇....

المتحرش مو أخطر شي من يتحرش، أخطر شي من يتحرش وهوه مقتنع إنو ما مسوي شي غلط

مسوي روحك صريح و تدخل على البنية وتطلب منها أمور غير أخلاقية، و من ترفض وتوضح موقفها، بدال ما تراجع نفسك، تبدأ تسب وتتجاوز عليها و على الناس الي انتقدتك، هاي مو قوة، ومو جرأة، ومو شخصية قوية، هاي قلة احترام وقلة وعي و قلة رجولة، هاي عود إذا عندك رجولة أصلاً

واللي يضحك أكثر مو فعلتك، اللي يضحك إنك مقتنع بيها وتدافع عنها وكأنك مسوي إنجاز

بدال ما يبرر ليش دخل على البنت وطلب منها هاي الأمور، صار يحچي عن شجاعته وأنه ما يخاف من أحد وكأنما المشكلة بالخوف مو بالتحرش

وللبنات: أي شخص يتجاوز حدوده من أول مرة، لا تنتظرن منه احترام، و مباشرةً انطيه بلوك

و المتحرش لازم ينحط عند حده، وينفضح سلوكه حتى يعرف أنو المجتمع ما متقبل هالقذارة ولا متسامح وياها نهائياً

إنما الدنيا حلم، والآخرة يقظة، والموت متوسط بينهما، ونحن في أضغاث أحلام

هذا قول للإمام علي عليه السلام، من تقرأه و تركز بيه راح تصفن و تشوف الحياة شگد تافهة

و راح تقلب نظرتك للشغلات اليومية، و امور نتعب عليها سنوات و نفرح بيها و نحزن بسببها، و من ثم تمر كأنها مشهد قصير،

و كأنما الإنسان نايم الآن، و الموت ليس نهاية القصة، بل لحظة الاستيقاظ، بحيث نشوف هواي من كبار السن يگولون ذاك يوم چنه شباب، و السنوات مرت بسرعة لا تصدق، و كأن العمر حلم قصير،

يعني اذا الدنيا مثل الحلم، فشنو الشي الي يستحق اتمسك بيه فعلاً؟

اليوم الصبح رحت أجيب ريوگ للبيت من المحل اللي دائماً أشتري منه أجبان وهاي السوالف

اختاريت اللي أريده ورحت يم الولد حتى أدفع الحساب، من اجيت أطلع الفلوس، سحابة الجيب قررت تسوي إضراب وما تنفتح، حاولت مرة، مرتين، عشر مرات، وكلما أحاول أكثر أحس الإحراج يزيد 😂🗿

بهاي الأثناء أبو المحل چان يباوعلي، وضلينا ثواني واحد يباوع بوجه الثاني، فجأة گلي أجيبلك كوسرة؟

اني ضحكت، و بعدين إجه بنفسه يساعدني يفتح السحابة، وبكل ثقة جرب وما انفتحت همين 😂🗿، فگلي عوفها خلي تولي

اني بهذه الأثناء گلت بيني وبين نفسي شيرجعني للبيت، و اخاف الحجية ترزلني من الصبح🗿

فجأة گلي روح، عود غير مرة جيب الفلوس

گلتله، بس اني اريد أشتري خبز من المخبز هم، و الفلوس بجيبي

فگام و طلع فلوس من عنده و گلي هاك هاي فلوس الخبز

والله انصدمت من الموقف أكثر من السحابة، شكرته وأخذت الجبن و الفلوس و طلعت

هذه أول مرة يصير وياي موقف مثل هذا، و يمكن السالفة بسيطة وما بيها شي كبير، بس هاي التصرفات الصغيرة تبقى عالقة بالبال، الإحراج راح بعد كم دقيقة، بس كرم الرجل واحترامه للموقف هو اللي بقه ببالي

بعد ما خفيت كل شي يخص صاحب المنشور حفاظاً على خصوصيته، بس شوفو الصدمة وين وصلنا

بعض شبابنا گامو يقلدون كل شي يجي من الغرب بدون تفكير، لدرجة صارت هاي الأمور تنعرض وكأنها طبيعية وعادية، و التأثير الثقافي گاعد يزيد بشكل مخيف، والناس تتقبل أشياء قبل كم سنة ما جانت تنذكر أصلاً. و هذا صاعدلي بالسطح و لابس ملابس أخته و يصور و ينشر!

و فوگاها يضحك و يفتخر و يگول اني ولد و أحلى من حبيبتك! ، و شوفو التفاعل على المنشور 🗿🤦🏻

شنو رأيكم و إحنا وين رايحين بالضبط؟