u/Extra_Routine6073

انا بابا وجوده كان في حياتي معدوم لانه اتوفى لما كان عندي ١١ شهر ورغم كده مبسوطه انه ميت انا عارفه أن دي حاجه غريبه وتدل اني عايزه اروح اتعالج بس بحس أنه لو كان فضل عايش كان هيبقى زي هيثم طلعت لان المكتبه الي عندنا في البيت كلها كتب فقه وأحاديث وتفاسير والكلام ده وكان خريج طب الازهر بجانب أن ماما كانت قالتلي أنه كان من الاخوان لما حد من قرايبي يجي يتكلم عنه أو حتى ماما بيقولوا ان ابويا كان أشد من ماما ومكنش هيخلي حالنا كده مع العلم أن ماما متشدده جدا وفرضت عليا الحجاب الشرعي واختي منتقبه واخواني الولاد عاملين فيها شيوخ ومتبعين السنه يعني من الاخر عيله سلفيه درجه اولى مش مسلمين كيوت خالص فالي بيخليني ابقى ممتنه ان ابويا مش موجود في حياتي خالص لاني حاسه ان كان موجود هيبقى فيه احتمال كبير

ان حياتي تبقى اصعب من كده زي أنه يلبسني النقاب او ياخد مني التليفون أو يعمل حاجات افظع من كده انا عارفه أن ابويا دلوقتي مش موجود واني مينفعش ابقى متاكده اوي أنه هبقى كده بس كل حاجه بتحصل حواليا بتاكدلي انه كان هيبقى دكتاتور درجه اولى

انا امي منعت ابن عمتي الي في خمسه ابتدائي انه يقعد معنا عشان خايفه احسن بيكون بيتخيلني انا وهي واختي بطرق sexual او بيبص ع جسمنا وده طبعا لأنها مفكراه زي الشيخ الحويني او اخويا الي كل همه جسم الستات وكل نقاشاته ان البنت هي السبب الأول للتحرش وان ان البنت مينفعش تلبس بنطلون ضيق فالبيت عشان اخوها الهيجان مع العلم أن ابن عمتي لما بيجلنا بيجي عشان يلعب ع البي سي او ياخد الوان من عندي يستخدمها انا بجد بقرف من عيلتي وفي مواقف كتير اوي اسوء من كده بتحصل انا مش عارفه اتعامل معاهم ازاي واحافظ ع صحتي النفسيه وسط ناس زي كده ازاي ؟

ليه ما نرجعش نعبد آمون و ايزيس و ازوريس ما يمكن معدش في حضارة في وقتنا الحالي عشان غضب الآلهه علينا؟