ليش ماكو كنسلة للمدرسين المو خوش
طبعا قبل لا احجي خلي اوضح ان اني ما درست يم ولا مدرس الكتروني من جنت سادس فما اعرف نظامهم بشكل كامل فراح احجي عن الي اعرفة
طلعلي فيديو لاندي و عرض بيه هاي المنصة لزمني الفضول و رحت اشوف و اتفاجئت ان اعلى مدرس تقييما هوة (حسين الهاشمي) الي طلع بفيديو قبل 3 سنين يطرد و يتجاوز على الطالبات بكلمات مثل انت قشمر و انت طايحة حظ شلون ممكن يحصل اعلى مدرس تقييما و بفرق عالي همين مثل هؤلاء المدرسين اقل شي مفترض يصير الهم هوة كنسلتهم بس ليش مع هذا هواي طلاب يتغاضون عن الموضوع اكيد مو همة الوحيدين الي شرحهم زين همين شلون الاهل يرضون لابناءهم يدرسون يم هيج ناس هذا غير ان حسين الهاشمي من المدرسين الي معروف ان يتاخرون بتخليص المنهج ف معقولة الطلاب ما عدهم عقل يفكرون بيه لو بس يختارون تبعا للشهرة و الضحك و الشقة ؟.
طبعا هذا غير المدرسين الباقين مثل هذا(ما اتذكر اسمة) الي غلط بكتابة كلمة((غير)) كدام طالبات و ما تعب روحة حتى ان يسكتهن من ضحكن او هذاك الثاني(ما اعرف اسمة) الي من مشت طالبة من يمة ضرب رجلة على اساس ان ...... تعرفون قصدي.
و غيرهم هواي اكيد ما يستحقون يكونون بناة اجيال الكل يدري أن مهنة التدريس صار بس للفلوس و مالها دخل بالتربية بس معقولة الطالب او الطالبة يرضون ان يتم معاملتهم هيج ؟ او ان الاهل يرضون بهيج تصرفات من المدرسين الي مفترض همة مأمنيهم على ابناءهم ؟