Huwag raw magpadaya sa nababasa sa social media, pero ang naunang nandaya sa mga tao ay ang mga Manalo
Long post: Kasinghaba ng Manaloflix
Laging sinasabi ni EVM na huwag makikinig sa mga maling aral na nababasa, naririnig o nakikita sa social media. Huwag raw magpadaya sa mga naninira sa INC at nagpapakalat ng mga maling aral na labag sa aral ng iglesia, at nagiging dahilan upang bumitiw sa kahalalan.
Pero ano nga ba yung mga aral raw na iyon na labag sa utos ng Diyos? Wala naman siyang maibigay na halimbawa. Ano ba ang mga paninira na sinasabi niya? Wala naman siyang maipaliwanag.
Sa totoo lang kapag naririnig ko ang salitang "dinadaya ng diablo" sa bibig ni EVM, siya ang unang pumapasok sa isip ko na halimbawa ng alagad ng diablo na nandaraya sa mga tao. Hindi ba gawain rin ng mga Manalo ang mandaya ng mga tao upang umalis sa kanilang mga dating relihiyon at sumanib sa isang kulto na tinatawag na INC?
Ang unang pandaraya ay ang paniniwala kay Felix Manalo na siya ang katuparan ng sari-saring hula sa Bibliya subalit wala naman silang matibay na ebidensiya kundi self-claim lamang. Marami siyang hula na inangkin katulad ng ibong mandaragit na dapat ay kay King Cyrus. Ang titulong uod ni Jacob ay ninakaw rin ni Felix kay Kristo.
Isa pang pandaraya ay ang maling petsa ng umpisa ng World War 1. Research na lang kayo kesa makinig pa sa fairy tale ni Manalo.
Gayundin ang pagbabasa kunwari ng Bibliya na Lamsa Translation sa Gawa 20:28, pero wala naman talagang translation nito sa Tagalog na nakasulat ang "iglesia ni Cristo" kundi may nakaipit lang na papel na binabasa para ipakita na nasa Bibliya ito. Isa itong pandaraya. Kung makikita nga ninyo ang mga patong patong na Bibliya sa tabi ni EVM pag mangangasiwa, halatang hindi pa binabasa. Props lang niya para makapandaya.
Dinaraya rin ang mga miyembro sa pagsasabing nagmamalasakit ang tagapamahalang pangkalahatan. Pero ang mga miyembro hirap sa buhay samantalang ang ipinapanalangin nila na pakaingatang palagi ay nasa isang mansion naman. Kailan siya tunay na nagmalasakit sa mga miyembro? Empty words, out of reality. Pagmamalasakit ba iyong kahit matanda na ay kailangan pang patuparin at maglakad nang malayo sa lansangan sa gabi? Pagmamalasakit ba na kahit hirap ka sa buhay ay obligado ka pa ring sumulong, magbigay nang donasyon at magbigay ng kung ano anong handugan na wala naman sa Bibliya? Pero sa kabila ng dami ng naihandog mo, sa oras ng iyong pangangailangan, anong naipagmalasakit sa iyo ni Manalo? Mga miyembro ang nagmamalasakit sa isa't isa, hindi ang pamamahala. Napakalaking pandaraya lalo na sa larangan ng pananalapi. Wala nga silang maipakitang ulat ng kalagayan ng pananalapi ng iglesia.
Dinaya rin ni Manalo ang mga miyembro sa paghikayat na iboto ang isang pulitiko na isa rin palang tumatanggap ng suhol at utang na loob galing sa mga kahina-hinalang donors. Mga ministro nga raw na tumatanggap ng suhol sa mga pulitiko dinidisiplina, pero si Marcoleta, special pet ni Manalo, umamin na, ipinagtatanggol pa.
Eto pa, dinaraya ni Manalo ang mga tao sa pamamagitan ng paggamit ng pangalan ng samahan na "Iglesia ni Cristo", pero kapag naanib ka na, ang pinakasentro ng kanilang mga paniniwala ay ang pagsunod kay Manalo. Akala mo makikilala mo si Kristo? Life story ni Manalo ang maririnig mo mula PNK pa lang. Display lang ang pangalan ni Kristo at ginagamit nila para makahikayat ng mga madadaya.
Nabudol ang marami di ba?
Kaya takot si Manalo na maimpluwensiyahan ang kabataan ng social media na lumaban sa pamamahala dahil dito lamang talaga lumalabas ang tunay na saloobin at nararamdaman ng mga miyembro. Takot harapin ni Manalo ang katotohanan na marami nang miyembro, lalo na ang kabataan, ang namumulat, at lumalawak ang critical thinking. Takot siya na mabulgar ang kanilang 100+ years na pandaraya. Marahil takot na nga siya, na malapit na rin ang kaniyang wakas, at si AEVM ay nagta-takedown pa rin ng notes sa likod habang siya ay nangangasiwa.