u/Familiar_Detail_8075

انا شب ، و عندي مشكلة بحياتي يمكن تكون غريبة ، انه اي اشي بيصير معي بسبب اشي معين بضل كاشش منه ، مو عارف شلون اوضح بس يعني مثلا ، بالزمانات و انا عمري يمكن 10 سنين ابوي ضربني ضرب مبرح و شديد بسبب ساعه ايد ، عمري صار 22 سنة و ما بحب الساعات و بكرههم و مستحيل البس ساعه ايد و صاحبي المقرب اهداني ساعه بعيد ميلادي كبيتها بالزباله بدون ما افتحها ، قبل 15 سنة يمكن ، ابوي كان بده يقتلني بشاكوش ف للان كل ما اشوف شاكوش بحس بطني صار ثقيل و زي يلي بدي استفرغ ، و انا صف رابع ، ابوي كتلني و مزع كتابي الانجليزي تاع المدرسه ، كل ما اشوف كتاب انجليزي بحس حالي فصلت عن الدنيا و بضل افكر بالاشي يلي صار ، بالتوجيهي رسبت بالانجليزي رغم انه باقي المواد كلها جبت فيها فوق ال180 ، و انا صف ثاني ابوي ضربني ضرب مبرح و رفشني ترفيش برجليه من اول الممر لآخر الممر و انا بجسمي الصغير ، من وقتها و كل ما امشي بممر سواء بالجامعه او بأي مكان و يكون حدا بيسولف معي ما بسمعه و زي كأني بعالم ثاني ، و مرة و انا عمري 6 سنين ابوي ضربني و حطني تحت التخت و قلي اذا بتطلع منه رح اقطع راسك ، صرت كل ما يوقع مني اشي تحت التخت و اطوله و اشوف منظر يلي تحت التخت دموعي تنزل لا اراديا رغم اني شب و جسمانيتي قوية حاليا و مستحيل حدا يشوف منظري و يفكرني ممكن انزل دمعه ، و في كثير سواليف وصلت معي اني كاشش من اكثر من نص الشغلات بالحياه ، هاذ اشي بسيط بس ، فكرت اراجع دكتور نفسي بس قاللولي توظيفي و مدري ايش بيتأثر ، كلامي مجرد فضفضة لا اكثر لانه بالغالب ما في حل ، و شكرا لكل حدا رح يكتبلي كلمه حلوه