u/Fantastic_Match_777

اليوم دخلنا اكتوبر ومر علي شهر عاطلة
سويت مقابلة وحدة تمهير ووصلت اخر مرحلة ولا سمعت رد
ومقابلة وحدة بالتليفون ولا جاني رد بعدها
وفرصة من شخص كبير وقال لي برسلك ايميل بالمقابلة ولا سمعت شيء
والباقي رفض الكتروني
وهذي نتيجة تقديم من شهور (اقدم من يوم كنت اتدرب)
هل الوضع كذا للابد؟
لاني كنت مرتاحة اول اسبوعين .. الحين الموضوع بدأ يلمسني شوي، بديت احس بوقع العطالة علي
هل فيه أمل؟
هل الوظيفة شيء حقيقي؟
هل عمري بتوظف؟ ولا بقعد زي ما أنا للأبد
مرفوضة.

عندي بكرة مقابلة تمهير وهم يبوني 100٪ لأني اوافي كل معاييرهم .. بس أنا ما أبي تمهير
تتوقعون بيكرشوني لو فاوضتهم على وظيفة بدل تمهير؟
ووش افضل طريقة افتح فيها الموضوع معاهم برأيكم؟

السلام عليكم جميعًا

انا حديثة تخرج حرفيًا لي بس اسبوع متخرجة
وصلتني فرصة مفففففصلة علي تفصييييل بس مشكلتها تمهير بقطاع خاص وفوق كذا في مجال بيحكرني أني أكمل فيه في حال توظفت
هم ميتين علي ويبوني لأني أوافق كل معاييرهم
لكني الصراحة أبي وظيفة ومابي تمهير

بكرة اخر مقابلة لي معاهم وقاعدة افكر افاوضهم انها تصير وظيفة بدل تمهير، شرايكم؟ هل تصرف مجنون ولا يمكن يوافقون؟

وش رايكم بدورات دروب؟
تخصصي موارد بشرية وأخذت كم وحدة بالاكسل وبالذكاء الاصطناعي واشياء جانبية.. هل اضيفها بالسي في؟ ولا مالها داعي بس اكتفي بأني انزلها في لينكد ان؟ رجاءً علموني .. مع العلم تراني حديثة تخرج

زي ما هو واضح بالعنوان..

تخصصي علم نفس، وتدربت بمستشفى تحت قسم علم النفس، لكني أبي أشتغل بالموارد البشرية وعندي شهادة مهنية وشهادات ثانية وخبرة نظرية بالموضوع

هل اكذب بالمقابلات واقولهم تدريبي كان بقسم الموارد؟

ولا اقولهم أني قررت اسوي shift career مع العلم أني ماعندي خبرة وظيفية لسى حديثة تخرج

وش رأيكم؟؟

زي ما هو واضح بالعنوان..

تخصصي علم نفس، وتدربت بمستشفى تحت قسم علم النفس، لكني أبي أشتغل بالموارد البشرية وعندي شهادة مهنية وشهادات ثانية وخبرة نظرية بالموضوع

هل اكذب بالمقابلات واقولهم تدريبي كان بقسم الموارد؟

ولا اقولهم أني قررت اسوي shift career مع العلم أني ماعندي خبرة وظيفية لسى حديثة تخرج

وش رأيكم؟؟

اشتركت بلينكد ان بريميوم
علموني كيف أقدر استغله بأفضل طريقة؟
حاليًا أرسلت رسايل خاص وشفت مين دخل حسابي مؤخرًا
وش غيره؟

عندي حساب لينكد ان مثالي 100٪ من كل النواحي
كل شيء أضفته وكل شيء سويته بطريقة احترافية
مرة بالاسبوع احاول انزل بوست له دخل بتخصصي، وارد على اقل شيء 5-10 بوستات بالاسبوع من ناس نفس مجالي
وكل هذا ومحد عرض علي وظيفة ولا تدريب ولا كلمني خاص حتى
وشلون تستخدمون انتم هالتطبيق؟ كيف تجيكم وظايف منه؟

سويت cv بنظام ATS وكل شيء واحترافي ورائع تمامًا بس ابي الاقي احد يراجعه او موقع يسوي check أو شيء..
عندكم اقتراحات؟؟

أنا الحين بمرحلة التدريب ولسى ماتخرجت، أشوف الناس بالسوشل ميديا دايم تتذمر من العطالة وشح الوظائف وسوق العمل و و و و ، سؤالي هنا.. هل هذا صدق؟
لأن بالواقع أغلب اللي أعرفهم موظفين
اللي مو موظف اما تخصصه مو مطلوب ، أو ماعنده كفاءة.. سواءً معدل منخفض أو ماعنده لغة أو السي في فاضي ، أو بمدينة أو محافظة مافيها فرص وظيفية كثير

1- هل تشوفون كلامي معقول؟
2- إذا أنت عاطل.. وش سبب عطالتك؟
3- إذا أنت موظف.. هل السوق صدق يشح وظايف؟ ولا خرافات؟